تفعيل حساب skrill بالوثائق بالطريقة الجديدة

تفعيل حساب skrill اصبح من الامور الضرورية لكل متداول فى الفوركس او كل من يتعامل مع بنك سكريل حيث يصبح حسابك موثق فى البنك

ويسمح لك التفعيل بالغاء الحد الاقصى للمعاملات المالية فى بنك skrill

وسنشرح طريقة تفعيل الحساب فى بنك سكريل خطوة بخطوة بطريقة سهلة ومبسطة

طريقة تفعيل حساب skrill بالوثائق

كان سابقا هناك طريقة قديمة لتفعيل حساب بنك سكريل لكن الان بعد التحديثات التى اجراها البنك اصبح التفعيل اسهل

اولا قم بالدخول الى حسابك فى بنك skrill من هذا الرابط

WWW.SKRILL.COM

قم بتسجيل بيانات الدخول كما هو موضح فى الصورة التالية رقم 1

تفعيل حساب skrill

ملاحظة هامة جدا 

اذا كان الحساب جديد ولم تستقبل عليه اى مبلغ فلن تظهر لك رسالة طلب التفعيل

يجب ان تستقبل عليه اى اموال وستجد رسالة التفعيل قد ظهرت وهذا عن تجربة 

يقوم البنك بتحويلك الى صفحة الحساب الرئيسية ومن القائمة العلوية اضغط على كلمة Sittings

او اضغط على كلمة verifying your account كما هو موضح فى الصورة التالية رقم 2

تفعيل حساب skrill

 

فتدخل على صفحة الاعدادت Sittings وفيها اضغط على LIMTS & VERIFICATION

وستجد هذا الحساب مقيد بمبالغ لا تستطيع تجاوزها فى الارسال او الاستقبال قبل تفعيل حساب skrill

فقم بالضغط على كلمة Continue كما هو موضح فى الصورة التالية رقم 3

 

تفعيل حساب بنك skrill

فتتغير الصفحة الى صفحة تنبيه على تجهيز المستند الذى ستقوم برفعه حتى يتم تفعيل حساب بنك سكريل

كما هو موضح فى الصورة التالية رقم 4

 

تفعيل حساب سكريل

يدخلك بنك سكريل الى صفحة اختيار الوثائق ويضع لك البنك خيارات الوثيقة

وهى اما ان تكون جواز سفر او هوية وطنية التى تسمى ببطاقة واخيرا رخصة القيادة

فتقوم بالضغط على نوع الوثيقة التى تريد تفعيل حساب skrill بها

كما هو موضح فى الصورة التالية رقم 5

 

تفعيل حساب بنك سكريل

يحولك بنك skrill الى صفحة الاتصال بالدعم الفنى

وهنا يجب تنتبه حتى يتم تفعيل حساب skrill بسرعة

فكل ما ستفعله هو رفع جواز السفر او رخصة القيادة او بطاقة الرقم القومى المسماه بالهوية الوطنية

وبالطبع يجب ان تكون نسخة اسكانر ملونه من الجهتين

اما جواز السفر فهو نسخة اسكانر من جهة واحدة فقط وهو بالطبع الاسرع والافضل فى التفعيل لان اسمك مكتوب فيه باللغة الانجليزية

ان لم تكن قمت بتفعيل العنوان من قبل فسترفق ايضا  مستند من فاتورة كهرباء او مياه او غاز

تكون حديثة لم يمر عليها ثلاث اشهر وتكون باسمك ومدون فيها العنوان

او ستطلب من البنك الارضى الذى تتعامل معه كشف حساب بنكى باللغة الانجليزية وبه اسمك وعنوانك كما هو مسجل فى بنك سكريل

فقم بالضغط على كلمة Choose file  كما هو موضح فى الصورة التالية رقم 6

تفعيل حساب skrill

 

تظهر لك صفحة مراجعة المستند الذى رفعته بعدها قم بالضغط على كلمة Confirm file كما هو موضح فى الصورة التالية رقم 7

تفعيل بنك skrillفيتم تحويلك الى صفحة انه تم استلام المستندات بنجاح كما هو موضح فى الصورة التالية رقم 8

تفعيل حساب skrill

 

 

نتيجة عملية تفعيل حساب skrill

يقوم بنك skrill بارسال الرسالة الاولى على بريدك الالكترونى تفيد بانه تم استلام الرسالة وهى قيد الفحص من البنك كما هو موضح فى الصورة التالية

تفعيل حساب skrill

 قد يستغرق الامر اسبوع يقل او يزيد تاتى الرسالة الثانية من بنك سكريل على بريدك الالكترونى تفيدك بانه قد تم تفعيل حسابك بنجاح

وان الحد الاقصى للسحب او الاستقبال فى تعاملاتك المالية فى بنك سكريل سيكون بلا حدود

بمجرد ان تقوم بعملية التحويل القادمة سواء كانت عملية سحب او ايداع كما هو موضح فى الصورة التالية

تفعيل حساب skrill

وهذه صورة من داخل الحساب بعد التفعيل تفيد بانه تم تفعيل الحساب تماما وتم الغاء الحد الاقصى للتعاملات المالية داخل بنك skrill

تفعيل حساب skrill

ومبروك عليك تفعيل حساب skrill

ان كان الموضوع قد افادك فبرجاء مشاركتة عبر ايقونات مواقع التواصل الاجتماعى اعلى الصفحة ليستفيد الجميع

وان كان هناك اى استفسار عن تفعيل حساب skrill فلا تتردد فى كتابته فى مربع التعليقات وسنقوم بالرد عليه ونشره ان شاء الله

ولتتاكد من الرد على تعليقك قم بالتاشير على المربعين قبل الضغط على ارسال التعليق كما هو موضح فى الصورة التالية

تفعيل حساب skrill

مواضيع ذات صلة

شحن الحساب فى سكريل بالفيزا او الماستر كارد

شرح التسجيل فى بنك Skrill

خطوات سحب الاموال من skrill الى الحساب البنكى

شرح ارسال الاموال من حساب الى اخر داخل بنك skrill

اضافة حساب اليورو البنكى الى بنك skrill

اضافة الماستر كارد الى skrill بطريقة صحيحة

شحن حساب سكريل عن طريق بنك neteller

اضافة فيزا البريد المصرى لحساب skrill

السحب من skrill بفيزا البريد المصرى

كل ما تريد معرفته عن بنك neteller

كل ماتريد معرفته عن بنك webmoney

كل ماتريد معرفته عن بنك perfect money

كل ماتريد معرفته عن بنك payoneer

129 تعليق

  1. هل ينفع استلام اموال علي حساب اسكريل ليس مفعلا بفيزا؟؟؟؟؟؟

  2. السلام عليكم استاذي
    انا فتحت حساب علي سكريل واردت تفعيل الحساب بالبطاقة لانها هي المتاحة لي وكل ما ارسلها يرفضوا طبعا انا مش عارف ليه قريت من ضمن الشرح بتاع حضرتك ان جواز السفر افضل علشان الاسم بيكون مكتوب باللغة الانجليزية بس في مشكلة وهي ان جواز السفر منتهي
    هل ينفع ولو لا ايه الحل ؟
    شكر

    • استاذ احمد
      علشان البطاقة تقبل فى سكريل يجب ان تكون من الوجهين وتكون على النسخة على ورقة واحد وليس ورقتين ودا تقدر تعملة ببرنامج الرسام او الفوتوشوب او اى برنامج
      اما جواز السفر المنتهى لن يقبل
      تقبل تحياتى

      • متشكر جدا لاهتمام حضرتك
        بس البطاقة فعلا معمولة سكانر علي الوجهين في صفحة واحدة وبردو بيرفضوها ومش عارف ايه السبب

      • اذا ليس هناك حل الا جواز السفر

      • طيب انا اسف اني بزعجك باسألتي الكتير
        حضرتك لو انا بسحب ارباح من شركة فوركس علي سكريل توصل في خلال اد ايه مع العلم ان الشركة اكدت ليا ان الاموال ارسلت من الشركة مع العلم ايضا انها شركة عريقة

      • دا تعرفه يا استاذ احمد من الشركة نفسها
        فيه شركات السحب فيها فورى يعنى فى اقل من ثوانى وفيه شركات السحب بيتم بعد يومين عمل
        تقريبا ثلاث ايام

  3. استاذى الفاضل انا سجلت فى بنك اسكريل بايميل وبيانات بس اخطات فى الايميل
    ولما سجلت تانى بايميل جديد ونفس البيانات ( الاولانى ) فتح حسابى عادى وشغال زى الفل بس خايف ليتقفل عشان متشابه فى بيانات مع حساب الاولانى
    ولما حبيت افتح حسابى القديم الاولانى الكنت مسجله بايميل (خطا) رفض السحب واخبرنى بهذه الرسالة
    ( لقد اكتشفنا تعريف حساب مماثل فى نظامنا وسوف نتمكن من ايداع وسحب او دفع مع حسابك حتى تتكلم مع الدعم العملاء )
    سوالى هنا هل استخدم حسابى التانى طالما هو فتح عادى وانسى حسابى الاولانى القديم المسجله بايميل خطا
    ولا هيكون فى مشكلة ومسؤلية على فى المستقبل ويقفلوا حسابى الجديد عشان فى حساب تانى متسجل بنفس البيانات
    مع العلم انا مفعلتش اى حساب لا قديم او جديد الاثنين كنت لسة بسجلهم
    وهل لابد ان يكون (الاسم -والعنوان -والتلفون -والايميل )مشابه ( للبطاقة -وكشف حساب البنك ) ولا الاسم والعنوان فقط

    • استاذ عمر
      انسى الحساب الاولانى نهائى ومتفتحوش ولو تعرف تقفله بس من جهاز تانى يكون احسن
      اما البيانات لازم تكون مطابقة للاسم وكشف الحساب البنكى والعنوان لما هو مكتوب فى سكريل
      يعنى وانته بتعمل كشف الحساب البنكى خذ البيانات اللى فى سكريل الاسم والعنوان واديها للبنك اللى هيعملك كشف الحساب وبكده تبقى تمام
      تقبل تحياتى

      • شكراااا لك باخى ولك جزيل الشكر بس سوال لو الاولانى فتح معايا من جهاز تانى هقفلو ازاى
        وحاجة تانية هو لازم احاول اقفلو عشان محصلش مشكلة لحسابى التانى ولا عادى

      • تقفل الحساب الاولانى من الضغط على sitting
        ثم فى اخر خيار تختار غلق الحساب
        والافضل تحاول تقفله

      • طب انا عملت كشف حساب من البنك بالانجلزى بس اتكتب الاسم بالانجلزى انما العنوان فحصل خطا وكتبه بالعربى هل فيها مشكلة ولا لازم الاسم والعنوان بالانجليزى

      • لازم العنوان بالانجليزى
        المقصود من كشف الحساب هو اثبات السكن

      • انا اسف من كتر الاسئلة هو ينفع كشف الحساب البنكى يكون من خلال الاهلى نت
        اطبع كشف حسابى من خلال موقع البنك بالانجليزى وارسلو

      • لازم يكون الكشف مختوم بختم البنك

      • وكنت عايز رقم الدعم اسكريل عشان اكلمهم يقفلو حسابى القديم الاولانى او اد رابط الدعم اسكريل

      • ادخل يا استاذ عمر الى حسابك القديم فى سكريل ومن كلمة support
        ارسل لهم طلبك باغلاق هذا الحساب

  4. هل يمكن استقبال الاموال skrill على حساب البنك الاهلى استقبال فقط لانى اتصلت بالبنك الاهلى وقلى الاستقبال موجود لpaypal و skrill ؟
    وهل يمكن ان اغير اسمى بحساب skrill الى اسم امى علما بانى قد قمت بتفعيل الحساب باسمى وتم بنجاح قبل ذلك
    وهل يمكن ان ارسل المال من skrill لحساب بنكى باسم شخص اخر ؟ ام سيتم تجميد الحساب

  5. ابراهيم احمد

    السلام عليكم انا مسحت تطبيق المصادقه لحساب اسكريل 2fa ومش عارف افتح الحساب بسبب التطبيق مالعمل

    • لو انك حاولت تفتح الحساب استاذ ابراهيم من الكمبيوتر المكتبى وفتح معاك يبقى شىء ممتاز حتى الان
      اما لو مفتحش يبقى لازم تراسل دعم سكريل اما انا فلا انصح باستخدام اى تطبيق لاى بنك الكترونى على المحمول
      تقبل تحياتى

  6. محمد جاد

    السلام عليكم اخي العزيز ادمن الموقع
    اشكرك كثيرا علي كل المعلومات الخاصه ببنك سكريل
    ولكن سؤالي هو
    هل يجب انشاء حساب بنكي بالدولار او اليورو للتسجيل في سكريل ؟ لان العمله المصريه غير متوفرة سواء فالايداع او السحب من بنك سكريل .
    لان حضرتك شرحت في مدونه انه يمكن السحب من خلال فيزا البريد المصري فاعتقد كد معناه انه ممكن نعمل ايداع او سحب من والي بنك سكريل بفيزا العمله المصريه ده صح او لا لاني محتار جدا
    وهل لو ده صحيح لازم اخطر البنك في مصر اني هسجل الفيزا بتاعته في سكريل عشان لو هيجيلي فلوس واسحبها من خلال الفيزا بتاعتهم
    ارجو منك مشكورا انك توضحلي كل هذه الاشياء وشكرا

    • استاذ محمد
      ليس هناك داعى لعمل حساب فى اى بنك مصرى لان سكريل ليس له علاقة البنوك المصرية فاذا انت سحبت على البنوك المصرية هو يحول باليورو فقط لمصر حتى ولو حسابك بالدولار فى سكريل
      والسحب بفيزا البريد المصرى توقف لان الفيزا مدتها سنه واحدة فقط ولم تصدر الفيزا الخاصة ب 2017

      • محمد جاد

        اشكرك استاذ حسام علي الرد والتوضيح
        بس بعد اذنك افهم من كلامك وتعليقاتك علي الزوار انه حاليا لا يتم التعامل مع البنوك الالكترونيه سواء فالايداع او السحب عن طريق البنوك المصريه ده صح مش كده ؟
        طيب حضرتك متعرفش ممكن لامته بتفضل القرار ولا مستمر علطول ؟؟
        وسؤال تاني معلش لو عايز اتعامل مع موقعكم كوسيط مالي معتمد فالايداع او السحب ممكن اعرف الخطوات بالتفصيل بعد اذنك او ازاي اتواصل مع حضرتك
        وشكرا

      • استاذ محمد
        بالفعل حاليا لا يتم التعامل مع البنوك الالكترونيه سواء فالايداع او السحب عن طريق البنوك المصريه
        اما لامته القرار دا هيستمر فالله اعلم
        وبخصوص تعاملك مع موقعنا بالسحب والايداع فليس هناك خطوات لذالك الا ان تتصل بى فقط على رقم 01067711929
        تقبل تحياتى

  7. السلام عليكم ورحمة الله
    نشكركم على المجهود ولنا سؤال واحد
    هل يمكن ربط الحساب البنكي بأكثر من حساب سكريل ؟
    يعندي أنا عندي حساب بنكي مربوط بحساب سكريل فهل يمكن ربط حساب سكريل تاني بنفس الحساب البنكي ؟؟
    شكراً

    • اشكرك اخى
      وبخصوص سؤال لا تفعل ذلك فقد يتم غلق حسابك فى سكريل
      لا يمكن ربطا حساب سكريل الا بحساب بنكى واحد بل يمكنك ربط حسابين فى البنوك بحسابك سكريل واحد وليس العكس
      تقبل تحياتى

  8. اولا شكرا على الشرح ثانيا انا بعت لسكريل البطاقه الشخصيه بتاعتى وش وضهر هل هيتم التفعيل ولا هتترفض عشان باللغه العربيه وبالنسبه لجواز السفر فا مش موجود حاليا عشان افعل بيه اسكريل

  9. السلام عليكم ممكن حل للمشكله دى انا حسابى فى سكريل غير مفعل ولما باجى ارسل من حسابى لحساب اخر رصيد بتظهرلى الرساله تفيد بانى لا استطيع الارسال حتى اتصل بهم علما بان المبلغ صغير المراد ارسالو ممكن حل للمشكله دى انا كلمت الدعم بس سمعت انهم بياخرو جامد فى الرد

  10. السلام عليكم ورحمة الله وبركاته..
    ياأستاذ حسام افدني اثابك الله..
    انا سجلت في سكريل ورفعت لهم رخصة القياده وبعد كم يوم ارسلو لي انهم فعلو الحساب والغو حدود التحويل والإستقبال..
    ولكن لمَى ادخلى على خانة المعلومات الشخصيه تطلع لي تحت العنوان كلمة (Verify) وفهمت منها انه يحتاج منها التحقق من السكن،، ولكن لما اضغط عليها يوديني على صفحة الدعم للأسئله والأجوبه..
    السؤال هنا كيف ارفع لهم وثيقة التحقق من السكن.. ولماذا الغو حدد الحويلات إذا كان التحقق من السكن لديهم مهم؟
    هل عدم التحقق من السكن سيتسبب لي بإشكال؟ وماهو هذا الإشكال الذي من الممكن ان اقع فيه؟
    وإن كان هنالك اشكال ،، فكيف لي تفادي هذا الإشكال؟ أو ماهي الطريق التي بها استطيع رفع وثيقة اثبات السكن؟

  11. السلام عليكم نشكركم يا أخي على الموضوع عذراً سأسأل سؤالين
    1-كيف أعرف رقم حسابي في سكريل لكي يرسل الي الشخص الأموال ؟ هل هو ال ID المتواجد في الأعلى بجوار logout ??
    2- بالنسبة للتفعيل فإن المنزل الذي أسكنه هو لوالدي فهل سيقبلون فاتورة كهرباء مثلاً بإسم والدي .

    • استاذ مصطفى
      عندما يريد احد ان يرسل لك الاموال تعطيه البريد الالكترونى الذى سجلت به فى سكريل هو دا رقم الحساب كما توصف
      لا لن يقبلوا فاتورة باسم والدك ويستحسن ان تقوم بعمل حساب اخر به بيانات والدك والفاتورة باسم والدك علشان التفعيل يتم بسهولة ويسر
      تقبل تحياتى

  12. لو سمحت انا بعت تفعيل للحساب بصورة الباسبور بس بعتولي رد ان انا اسمي مش مطابق في سكريل زي الباسبور وحسابي في مبلغ كبير وموقوف حاليا ممكن تنصحني اعمل اية ولو في رقم او خدمة عملا اقدر اكلمهم يبقي جزاك الله كل خير

    • سكريل لهم بالطبع رقم هاتف
      لكنى لا اذكره حاليا ويجب عليك ان تتطل بهم او تراسلهم والافضل طبعا الاتصال
      لكن السؤال هنا ما هو الاختلاف فى الاسم
      هل فى الاحرف ام فى الاسم كاملا؟
      تقبل تحياتى

  13. هشام محمد

    بعد التحيه- رفض الموقع برساله انى رفعت وجه واحد للهويه وطلب رفع الوجهين وحاولت رفع الوجهين بعد يومين من رساله الرفض اظهر رساله برفض رفع الوثائق – كم من الوقت على ان انتظر حتى استطيع رفع الوثائق مره اخرى وهل يحب ان اراسل البنك حتى يسمحوا لى بذلك واسف جدا على الازعاج ولك الشكر مقدما

    • استاذ هشام
      يجب ان تراسل البنك فورا وتطلب منهم معرفة سبب رفض رفع الوثائق
      ونصيحتى اعمل جواز سفر لو هو سهل بالنسبة لك
      جواز السفر زى المضاد الحيوي بيجيب من الاخر
      تقبل تحياتى

  14. هشام محمد

    اسف على الازعاج – لك تحياتى متشكر على الرد لكن الان انتظر اسبوع يمكن يفعلوا الحساب بوجه البطاقه فقط ولا اعيد الرفع بصوره واحده للوجهين – متى واين ارفع صوره فاتوره المرافق- لم تصلنى الرساله الاولى هل يدل ذلك على وجود مشكله ولك منى جزيل الشكر

  15. هشام محمد

    بعد التحيه اشكرك على جهدك المبذول – اتبعت جميع الخطوات المشروحه حتى وصلت الى خطوة التفعيل ورفعت الوجه الامامى من البطاقه القوميه ولم اجد خانه لرفع الجزء الخلف او لفاتوره المرافق – اين مكانهمها ولم تصلنى الرساله الاولى حتى الان وهل يجب ان اعيد رفعهما جميعا فى صوره واحده وهل تقبل فاتوره التلفون مع العلم ان العنوان مذكور فيها باللغه الانجليزيه واسف على الاطاله ولك منى جزيل الشكر

    • يا استاذ هشام
      انته عليك انك تضع الوجه الامامى والخلفى للبطاقة فى صورة واحدة
      ودى مش صعبة لو طلبت من اللى بيعملك اسكانر البطاقة كده
      وتقبل فاتورة التليفون ان كانت باسمك وبالطبع الافضل العنوان الانجليزى
      تقبل تحياتى

  16. محمد مصطفي

    طبعا انت قلت رسالة التفعيل تظهر لما استقبل مال .. طب لو عاوز افعله بدون ما استقبل مال .. هل في طريقة ؟ لو في ياريت تقولي كيف ..

    • استاذ محمد
      لا ليست هناك طريقة الا بعد ان تستقبل اى مبلغ على سكريل ولو 5 دولار

      • محمد مصطفي

        انا خايف ان لا يقبلو بالمستندات او ماشابه .. هل يمكن ان تظهر بعد استقبال اقل من 5$ كأقل اضرار .. لو ممكن اقل قيمة متلا 1 او 2 دولار ؟؟ … لاني اشتغل في مواقع صنابير البتكوين واربح القليل جدا .. يعني في اليوم اربح سنتات الدولارات

      • ايوه تظهر بعد الاستقبال اخى الكريم

      • محمد مصطفي

        للتصحيح اخي الكريم .. يمكن تفعيل الحساب بدون استقبال اي مبلغ .. وذلك عن طريق ارسال الوثائق التي انت ذكرتها عبر هاذا البريد : verification@skrill.com

        عن تجربة شخصية .. ردو عليا في غضون 24 ساعة والحمد لله تم التفعيل بالامس .

      • استاذ محمد
        دا صحيح لكن كلامى علشان يظهر لك الافته البرتقالى ومكان التفعيل فورا فى سكريل
        تقبل تحياتى

  17. محمد مصطفي

    السلام عليكم .. مشكور علي الشرح الجميل

    عندي سؤال .. انا عايز اصور فاتورة الكهرباء و بطاقة الهوية من الجهتين بالجوال حيت تكون الصور واضحة .. عادي ؟

    او لازم تكون سكانر وكأنها مطبوعة ؟

  18. هشام محمد

    بعد التحيه هل يوجد طريقه لتفعيل سكريل الى الحدود القصوى اى تفعيله بالوثائق قبل شحنه باى مبلغ -ولكمنى جزيل الشكر

  19. ماركو سمير

    انا اكتشفت الموقع ده من حوالى يومين االموقع بصراحة جميل جدا جدا ومفيد و ربنا معاك.
    استاذى الفاضل انا محتاج طريقة للربح من الانترنت انا من مصر ودخلت كذا موقع واتنصب عليا عملت الاجمالى حوالى 10 دولار ومخدش حاجة فعايز طريقة تساعدنى فى الربح . على الرغم انى حاولت على اليوتيوب بس ارباحه قليلة جدا ولسا مكملتش الحد الادنى .عايز موقع اربح منه ويكون بيدعم السحب فى مصر

    • استاذ ماركو لا اعرف غير الفوركس للربح منه

    • عبد الحميد

      يمكنك بيع التصاميم مثل تصاميم مواقع الانترنت HTML و ووردبرس … ، الشعارات، الصور الفوتوغرافية و الفكتور، مشاريع الفيديو، برمجة السكريبتات، … و كل ما هو افتراضي و يتم تحميله من قبل الزبون
      يوجد الكثير من منصات البيع ، فقط قم بالبحث عن موقع خاص بالمجال الذي تتقنه أو تريد أن تتعلمه.
      – و موقع market.envato.com هو مثال عن منصات البيع التي تستطيع التسجيل فيها بسهولة و استقبال أموال مبيعاتك إذا وصلت الحد الأدنى 50 دولار عن طريق Skrill أو Payoneer أو Paypal

  20. سلام
    اخي هل يمكن ربط بنك skrillببنكpayonner
    اي هل يممن ارسال المال من skrillالى payonner

  21. فتحت حساب بالمصرى بالدولار فى بنك دبى الوطنى وأخذت الديبيت وسجلت فى سكريل رقم الكارت وكذلك الرقم السرى ومكملش معاى اى تحويل حتى 5 دولار فهل هناك بنوك ترفض التعامل مع سكريل امثال بعض المواقع المرفوضة الجوجل او أمازون افادونى مع الشكر

  22. كيف يمككني الحصول علي ماستر كارد اسكريل؟؟

  23. شكرا لحضرتك على هذا الشرح ولكن انا لسة فاتح حساب فى بنك اسكريل ولم تظهر عندى كلمة continue
    ارجو توضيح ذلك

  24. بالنسبة لتفعيل العنوان مش مهم كدة طلاما فعلتوة بجواز سفر

  25. يعنى يمكننى انا لا افعل بنك skrill واشحن و اسحب عادى

  26. عند رفع جواز سفر بيتم بردوة معاة رفع كشف حساب بنك او فاتورة كهربا ولة على مرتين

    • استاذ احمد
      ارفع جواز السفر وانتظر تاكيد سكريل
      فبكل امانه انا فعلت حسابى بالنظام القديم
      وقد يكون النظام الجديد فى سكريل اصبح مثل نتلر يتم تفعيل العنوان مع اول سحب على البنك وتذكر انه الافضل هو كشف حساب بنكى باللغة الانجليزية
      ملحظوظة مالك بنك سكريل وبنك نتلر هى شركة واحدة وهى الشركة العملاقة paysafe لذلك قلت لك ارفع جواز السفر فقط
      تقبل تحياتى

  27. هوحد ﻻقصى للسحب من سكريل قد اية فى خلال شهر من غير انو يكون متفعل وهل تفعيل مهم يعنى غير انو مبيكنش ليك حد للسحب وﻻيداع

    • ستجده فى الصورة رقم 3 فى المقالة
      والتفعيل مهم جدا لانه ستاتى لحظة بعد اول تحويل مالى او الثانى او الثالث الله اعلم يطلب منك تفعيل حسابك
      او سيتم غلقه
      فلماذا ننتظر؟

  28. طيب حضرتك كنت عاوز افهم ما هي الحدود المالية، انا كل الي عملته حولت 50 دولار فقط، يعني أنا يوم ما أوصل لرصيد عالي في سيكلر سواء في الايداع أو السحب لحسابي في بنك القاهرة الموضوع مش هيزيد عن 1000 دولار كل شهر

    انت شايف أن الموضوع فيه مشكله في حالة أن سيكلر لم يرفع الحدود المالية عن حسابي

  29. قمت اليوم بشحن رصيد في حسابي بسيكلر من خلال احد الوسطاء بقيمة 50 دولار، ولكن مع وصول الرصيد لحسابي طلعت لي رسالة في بنك سيكلر… increase your limits by verifying your account

    ما معني الرسالة علي الرغم أني قمت بارسال بطاقة الهوية للبنك وقمت بتفعيل الحساب

    • استاذ محمد
      بالطبع معناها فعل حسابك علشان ترفع الحدود المالية عنه
      لو انته مفعل حسابك بالعنوان والبطاقة هتلاقة انه مفيش حدود اذا كانت البطاقة اتقبلت فى التفعيل يبقى بقى امر تفعيل السكن بالوسائل المعروفة لكن الافضل كشف حساب بنكى فيه عنوانك بالانجليزية

      • لو سمحت انا فتحت حساب فى بنك القاهره بالجنيه ولسه مااستلمتش الفيزا كارد فانا مش عارف اسمي مكتوب انجليزي فى الحساب ازاى عشان اسجل فى سكريل، فهل حضرتك تقترح انى اسجل باسمي عادى مادام ان الحساب متسجل باسمي بالعربي ولا استنى الفيزا كارد واشوف اسمي مكتوب عليها ازاى ؟
        شكرا لحضرتك

      • استاذ عامر
        ليس المهم اسمك فى الفيزا المهم اسمك فى جواز السفر
        سكريل بيتاكد من كون الفيزا تخصك عن طريق انك تاكد بالمبلغ اللى سحبه سكريل من الفيزا مش الاسم
        انا كنت اودع من ماستر كارد ترافلى تشويس وهى بدون اسم عليها

      • شكرا لرد حضرتك ، بس انا كنت اقصد ربط الحساب البنكي ، انا لسه هعمل حساب على سكريل بس خايف اكتب اسمي بشكل مختلف عن اسمي فى الحساب البنكي ومعرفش اسحب عليه بعد كده، على سبيل المثال الحروف بالانجليزي تكون مختلفه، لان الموظف فى البنك قال لي انا كاتب اسمك بالعربي لان الحساب بالجنيه، دلوقتي استنى لما استلم الفيزا واسجل بنفس الاسم اللى مكتوب عليها عشان يكون اسمي فى سكريل مطابق للحساب البنكي ولا اكتب اسمي فى سكريل بمعرفتي وهما بيطابقوه ؟
        شكرا لحضرتك

      • لا استاذ عامر
        دى مفيش اى مشكلة انته اسمك مكتوب فى البنك بالعربى
        اكتب اللى انته عايزة فى سكريل

      • سؤال اخير معلش انا فتحت الحساب بالجنيه فى بنك القاهره ، هيكون فيه مشاكل فى ربط الحساب ولا فى استلام الحواله عليه فى البنك ؟

      • انا كنت عامل كده تمام زيك وكنت باستلم الحوالة من الشباك لكن منذ سنه بلغنى موظف فى البنك انى لازم اعمل حساب باليورو علشان اى مبلغ يدخل على حساب اليورو
        الافضل انك تعمل حساب توفير باليورو ودا بدون حد ادنى يعنى ممكن ب5 او 10 يورو فقط تعمل حساب فى بنك القاهرة
        تقبل تحياتى

      • يا باشا احنا نفضل نستلم الحواله من الشباك عادي مش مشكله المهم نعمل ربح
        شكرا على مساعدة حضرتك

  30. انا عندي حساب في سيكلر وهبعت حواله علي حساب بنكي في بنك القاهرة لكن الحساب البنكي ده بأسم صحبي وحساب سيكلر بأسمي هل ستكون هناك مشكلة، يعني لازم الاسم المسجل في سيكلر هو هو يكون اسم صاحب الحساب البنكي في بنك القاهرة وله عادي مفيش مشكلة

  31. السلام عيلكم ممكن سؤال

    انا دلوقتي سجلت اسمي الثنائي في سيكلر لما فتحت حسابي في البنك

    حاليا أرغب في تعديل اسمي عشان اقدر اكتبه رباعي، ازاي؟

    لازم اتصل بخدمة عملاء سيكلر واقولهم الموضوع وله في حل تاني؟

    • لا حل الا الاتصال بالدعم الفنى فى سكريل وتقديم طلب تعديل الاسم الى الاسم الرباعى والافضل علشان تنهى بسرعة انك ترسل صورة جواز السفر لانه بالانجليزية
      اخير لا تقلق من التاخير بنك سكريل ممكن يرد بعد اسبوعين

  32. طيب لو سمحت كم هو الحد الادني لاستقبال وارسال الاموال في سكيلر، وهل الحد الادني يقاس علي مدار اليوم أم الشهر؟

  33. ممكن أعرف حاجه من حضرتك، انا كل شهر بسحب علي الفيزا من سكيلر حوالي 500 دولار بدون ما اقوم بتفعيل الحساب أو ارسال بطاقة الهوية.

    حضرتك ممكن تقولي في أني حالة لازم أفعل الحساب عن طريق ارسال المستندات الخاصة بي، لاني سمعت معلومة أني ارسال البيانات للبنك في حالة تحويلي لمبلغ كبير حضرتك ممكن تفهمني النقطة دي يعني مثلا لو حولت 500 دولار كل شهر هذا الامر عادي وله فيه مشكلة

  34. مسالخير
    قمت بتفعيل حساب السكريل عن طريق جواز سفري أريد ربط حسابي سكريل بماستر كارد.كيف أستطيع إيداع أموال من ماستر إلى حسابي بسكريل. وشكرآآ .اعتذر عن الخطأ في تعليقي السابق.

  35. عبد العزيز

    أخي الكريم كم تستغرق عملية التفعيل أنا من المغرب
    و هل سيرسلون لك كود التفعيل في البريد الالكتروني أو في عنوان منزلك وشكرا

  36. اذا كنت استخدم فيزا البريد المصري في شحن سكريل فهل هناك حدود في الشحن
    سواء من جانب الفيزا او من جانب الحساب في سكريل

  37. هل كل فروع بنك القاهرة سهل في التعامل مع البنوك الالكترونية ؟
    واي فرع ترشح لي في الجيزة او الدقي
    وشكرا

  38. كيف يمكنني شحن حسابي في سكريل بالجنيه المصري ؟.
    .
    وكم تكون ضريبة او عمولة تحويل العملة المصرية الى عملة سكريل ؟هل هي كثيرة ؟
    وعندما استلم الاموال في البنوك المصرية ما هي العملة التي استلمها ؟وان كانت اليورو
    فما هي عمولة تدبير العملة(اليورو)في البنوك المصرية ؟

  39. امين عبد الله

    شرح وافى من موقعكم واستسمحكم هل التفعيل للعنوان عن طريق كشف الحساب البنكى افضل ام ايصال المياه او النور

  40. بعثت لهم صوره جواز السفر وفاتوره كهرباء ولم يتم الرد منذ اسبوعين..علما بان حسابي مجمد وبه 700 دولار

    • استاذ مجدى
      اولا لا تقلق من تجميد الحساب وذلك للتاكد من صحة البيانات المرسلة الى السبورت
      وكان عليك اذا كنت تريد ان يتم التفعيل بسرعه ان ترسل لهم كشف حساب بنكى باللغة الانجليزية ومدون به العنوان
      ايضا يجب ان تكون متاكد من ان اسمك فى سكريل مطابق لاسمك فى جواز السفر وان لم يكن ذلك عليك ان ترسل للدعم الفنى لتغير اسمك لما هو وارد فى جواز السفر
      اخيرا راسل الدعم الفنى من اجل الاستفسار عن تفعيل الحساب فى سكريل هذا ياخذ فعلا وقت قد يصل الى اسبوعين وهذا حدث معى بالفعل
      قم بذلك وارجو ان تخبرنى فى تعليق ان كان تم التفعيل ام ان المشكلة لاتزال قائمة

    • هل تم تفعيل حسابك ولو تم خد وقت قد ايه وهل اكتفوا بصورة جواز سفرك شكرا جدا لحضرتك

      • استاذة مروة
        حساب الموقع هنا من الحسابات القديمة تم تفعيل العنوان عن طريق ارسال كود تفعيل وتفعيل الهوية عن طريق جواز السفر
        يمكنك تفعيل العنوان عن طريق كشف حساب بنكى باللغة الانجليزية والتفعيل عن طريق جواز السفر
        الوقت الذى استغرقه التفعيل حوالى اسبوعان

  41. جزاك الله الف خير على شرحك الأكثر من رائع ودمتم بألف خير …

    • وجزاكم بالمثل ونرجو ان نكون دائما حائزين على ثقتكم

      • لو سمحت يا باشا لو انا عايز استخدم وسيلة سحب وايداع على اكسنس غير سكريل ونتلر تنصحنى بايه ؟ المهم تكون بتحول على البنك الارضي بدون مشاكل ، انا ليا حساب فى بنك القاهره بالجنيه
        شكرا جزيلا لحضرتك

      • استاذ عامر
        انا لو فهمت سؤالك صح
        يبقى تسحب مباشرة من شركة اكسنس على الحساب البنكى
        ولو قصدك السحب من الشركة فموجود بنك بيرفكت مونى وبنك ويب مونى
        تقبل تحياتى

  42. وائل عباس

    سؤال بسيط هل يجب ان يكون الحساب المستخدم في السحب بالدولار ام بجنية المصري ؟

    هل يمكن تمويل الحساب بواسطة كارت ماستر ديبيت مربوط علي حساب توفير في البنك الاهلي ؟
    ارجوا المساعدة وشكرا

    • الاستاذ وائل عباس
      تستطيع ان تسحب من سكريل على حسابك بالجنيه المصرى لا مشكلة
      وتستطيع ان تمول حسابك على ماستر كارد ديبت لا مشكلة
      لكن تاكد ان البنك الاهلى المصرى يسمح بذلك لانه هواسؤ بنك فى التعامل مع البنوك الالكترونية بل انه لا يعرفون اى شىء عن اى شىء خاص بهذه البنوك وقد لايسمح لك بالاستقبال او تمويل حساب بنك سكريل بهذه الماستر كارد
      فنحن فى موقع الفوركس العربى اون لاين نستخدم بنك القاهرة فى تعاملاتنا بسهولة وبدون اى مشاكل لكن جرب البنك الاهلى المصرى على الرغم من ان سمعته فى التعامل مع البنوك الالكترونية سيئة جدا

      • وائل عباس

        اشكرك علي الرد طيب انا عندي برضة حساب في العربي الافريقي علية فيزا دبييت و Qnb وايضا علية فيزا دبيت هل بهم مشكلة ايضا من واقع خبرة حضرتك انا اتصلت فعلا بالبنك الاهلي هم فعلا معندهمش فكرة عن حاجة وكلة ممنوع ارجوا المعذرة علي الازعاج

      • صديقى وائل ليس هناك اى ازعاج ابدا علق كما تشاء واسال عن ما تريد فى اى موضوع وسنقوم بالرد عليك ان شاء الله
        بخصوص سؤالك
        العربى الافريقى و Qnb ممتازين ومتفاهمين وتستطيع ان تستخدمهما فى الايداع والسحب لكن عندما يصلك من سكريل او اى بنك مبلغ باليورو يقوم البنكان بفتح حساب جديد تلقائى لك باليورو اذا كان حسابك بعملة اخرى
        البنكان ممتازان وان كنت افضل Qnb

  43. شرحك ماشاء الله روعة واستفدت منه كتير وخاصة كمان موضوع التحويل من سكريل الي الحساب البنكي،لكن كان عندي تساؤل..بما انك ماشاء الله كمان بتفهم في الفوركس…الحساب بتاعي في شركة فوركس وعامله بالدولار وال فهمته ان اسكريل باليورو وهياخدوا ضرايب علي تحويل العملة وبعدين هيخش في حسابي في البنك فيرجع يتح

    • على ما فهمته استاذ فخر ان حسابك بالدولار فى الفوركس ويوصلك بالدولار على اسكريل وستحوله الى مصر سيصل باليورو حسب سياسة بنك سكريل
      البنك لا ياخذ عمولة للتحويل من الدولار الى اليورو البنك ياخذ عمولة التحويل فقط وهى 3 دولار وربع تقريبا ولو هناك سؤال اخر لا تتردد فى كتابته فى مربع التعليقات وشكرا لك

  44. شرح ولا اروع ولا اسهل خطوات مرتبة وبتسلسل مضبوط يفهمه الجميع ببساطة جدا
    فانا كنت ابحث عن شرح تفعيل بنك سكريل وقرات الكثير لكن الشرح فى هذا الموقع افضلهم على الاطلاق
    لكل القائمين على هذا الموقع جزاكم الله خيرا

    • شكرا استاذ خالد وان شاء الله دائما نكون عند حسن ظنك تابعنا وستجدد الشرح الجديد السهل الواضح

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

error: Content is protected !!