16 عام من النجاح تداول مع exness وسيط مرخص وموثوق exness

فتح حساب بالدولار فى بنك مصر

فتح حساب بالدولار فى بنك مصر لم يعد الحل الامثل لاستقبال اموالك بالدولار من بنك سكريل او بنك نتلر او بايونير

او بنك بايزا ولو حتي بعملة الجنيه المصزي

فائدة فتح حساب بالدولار فى بنك مصر

 

أفضل شركات الفوركس المرخصة من الهيئات الرقابية

فتح حساب اسلامي مع  شركة  EXNESS 

 فتح حساب اسلامي مع شركة IC Markets    

 فتـح حساب اسلامي مع  شركة  NSFX 

 فـتح حساب اسلامى مع  شركة FBS

فتح حساب اسلامي مع شركة XS


قناة الموقع على اليوتيوب https://youtube.com/@ForexArabOnline

قناة الموقع على https://www.tiktok.com/@forexarabonline Tiktok


بنك مصر

ولكن جميعنا يعانى من ان بنوك مثل بنك skrill وبنك neteller وبنك payza وايضا بايونير لا تصل الاموال الينا منهم فى الحسابات البنكية بعملة الدولار

او بعملة اليورو او الجنية الاسترلينى او اى عملة اخرى

ولكن الان الحل الامثل هو التعامل مع الوسطاء المعتمدين فى البنوك الالكترونية

بعد ان تقوم بفتح حساب  توفير دولاري فى بنك مصر لا تستطيع الان ان تستقبل عليه من بنوك مثل بنك skrill اوبنك neteller اوبنك payza وايضا بايونير بالدولار

حيث ان هذه البنوك ترسل بعملة اليورو او اى عملة اخرى فى حسابك البنكى فى مصر لكن هذا الشرح انما لتعريف الجميع بطريقة فتح هذا الحساب

المطلوب عند فتح حساب بالدولار فى بنك مصر

لذلك المطلوب منك عند فتح حساب بالدولار فى بنك مصر فقط مبلغ 100 دولار

ولكن تستطيع الحصول عليها من اى شركة صرافة ومبلغ 70 الي 100 جنية مصرى رسوم فتح الحساب

16 عام من النجاح تداول مع exness وسيط مرخص وموثوق اكسنس

حتى لا يتم خصم المبلغ من المائة دولار نظرا لان فارق العملة ليس فى صالحك .

هذا هو المطلوب فقط عند فتح حساب بالدولار فى بنك مصر

طريقة فتح حساب بالدولار فى بنك مصر

فتح حساب بالدولار

كل ما عليك هو التوجه الى اى فرع من فروع بنك مصر المنتشرة فى انحاء جمهورية مصر العربية

ومعك مائة دولار ومبلغ 70 جنية مصرى وتطلب من خدمة العملاء فتح حساب بالدولار فى البنك

وهذا الحساب اسمه دفتر توفير دولارى فيقوم موظف خدمة العملاء فى البنك بكتابة الاستمارة المطلوبة

وتقوم انت بدفع المبلغ فى الخزينة وتستلم دفتر توفير بالدولار فى نفس الوقت وبذلك تنتهى من فتح حساب بالدولار فى بنك مصرة

ملاحظة هامة عند فتح حساب بالدولار فى بنك مصر

دفتر توفير بالدولار

بعد ان تنتهى من فتح الحـساب وعمل الايداع وهو 100 دولار

اطلب من موظف خدمة العملاء انك تريد ان تشترك فى خدمات بنك اون لاين المجانية

وفائدتها هى انك تستطيع الدخول الى حسابك فى بنك مصر عن طريق هذه الخدمة وتعرف منها كل العمليات التى تمت على حسابك

سواء كان بالسحب من الحساب او الايداع فى الحساب وذلك دون الرجوع الى البنك او الاتصال بخدمة العملاء

فهذه خدمة مجانية ممتازة يقدمها بنك مصر لجميع العملاء

عندها سيطلب منك موظف خدمة العملاء فى بنك مصر البريد الالكترونى الخاص بك

والذى سيرسل عليه البيانات التى من خلالها تستطيع الدخول الى حسابك فى بنك اون لاين

بعدها اطلب من موظف خدمة العملاء ورقة مطبوعة بها بيانات البنك

مثل عنوان البنك ورقم حسابك والسوفت كود الخاص بالبنك ورقم حسابك واسمك

حتى تستطيع بسهولة ان تضيف هذه البيانات فى بنك سكريل او نتلر او بايزا عند التحويل منها الى حسابك الدولارى فى بنك مصر

هذه هى كل المعلومات التى يجب عليك معرفتها عند فتح حسـاب بالدولار فى بنك مصر

فتح حساب بالدولار

ملاحظة هامة عند فتح حساب بالدولار فى بنك مصر

حتى لا تقع فى الخطاء الذى انا وقعت فيه

وكان سبب فى تاخير دخول مبلغ التحويل من بنك سكريل على حسابى الدولارى فى بنك مصر 

اطلب من موظف خدمة العملاء بعد فتح الحساب فورا تقديم طلب بان اى تحويل خارجى باى عملة اجنبية

يجب ان تدخل حسابك بعملة الدولار وان يقوم بتفعيل هذا الطلب على حسابك

فقد كان عدم معرفتى بذلك سبب لتاخر دخول مبلغ التحويل باليورو من سكريل الى حسابى الدولارى فى بنك مصر مدة 19 يوم

ولكنى الحمد لله تداركت هذا الخطاء وقدمت هذا الطلب واصبح كل شىء تمام

ان كان الموضوع قد افادك فبرجاء المشاركة عن طريق ايقونات مواقع التواصل الاجتماعى اعلى الصفحة ليستفيد منه الجميع

وان كان هناك اى استفسار عن كيفية فتح حساب بالدولار فى بنك مصر

فلا تتردد فى كتابته فى مربع التعليقات وسنقوم بالرد عليه ونشره ان شاء الله

ولتتاكد من الرد على تعليقك قم بالتاشير على المربعين قبل الضغط على ارسال التعليق كما هو موضح فى الصورة التالية

اضف تعليقا

مواضيع ذات صلة

كل ما تريد معرفته عن بنك skrill

كل ما تريد معرفته عن بنك neteller

شرح التسجيل فى بنك payeer بالصور والفيديو 2022

مقالات ذات صلة

‫229 تعليقات

  1. هل ممكن عن طريق حساب بنك cib أو البنك الاهلي أو بنك مصر احول إلى حساب سكريل ام لا يمكن وهل يحتاج الي اي شروط خاصة لأن انا سألت البنك وقالوا إنه ممكن تحول من هنا لبره مصر عادي ؟

  2. انا فاتح حساب بالدولار بس لما باجي احول فلوس من حسابي علي حساب تاني اون لاين العمليه بتفشل ؟

  3. حضرتك انا لو معي مبلغ بالمصري وعايز اعمل حساب بالدولار بعمل ايه ؟؟ وهل لو انا عطيتلهم الفلوس بالجنيه ينفع يحطهالي في الحساب بالدولار؟

  4. أستأذنك فى نقطه عمل طلب أثناء فتح الحساب الدولارى ببنك مصر لإستلام أى تحويل خارجى بأى عمله إلى الدولار ( أى يتم التحويل تلقائيا من بنك مصر من اليورو مثلا إلى الدولار )
    وأنا بفتح الحساب قلت كدا للموظفه قالتلى إنت لو عايز نفتحلك حساب باليورو لإستلام عمله اليورو فدا ينفع لكن إننا نعمل طلب لإستلام أى عمله خارجيه أخرى وتحويلها للدولار وإضافتها بالحساب فدا مش موجود ( ودا بعد ما كلمت مديرها )
    دلوقت أنا عملت تحويل من سكريل بقيمه 12 دولار وسكريل قال هنحولهملك باليورو يعنى 10 يورو والكلام دا من يوم 2 يناير وسكريل بعتللى الإيميلين التأكديين بإتمام عمليه التحويل لكن لم تظهر تلك ال10يورو فى حسابى ببنك مصر حتى الآن
    أيه السبب وإيه الحل بعد إذن حضرتك

  5. ينفع ارسل بواسطة الدفتر هذا اموال من مصر الي احدي هذة البنوك الالكترونية ؟؟؟

  6. طيب انا عندى 16 سنة متهيألى انوا مش بيقبلوا الا العمرو 23 سنة
    لعمل فيزا فى البريد المصرى صح ام خطأ
    يا أستاذ انا عامل حساب paypal وعلى حساب بايبال بتاعى 1000$ الف دولار اعمل اية عشان استقبلهم فى مصر
    وفى انو انا عندى 16سنة
    ارجوك رد عليا بسرعة عشان اعرف اسحبهم
    هو جى على الموقع انك ممكن تسحب من البيبال على بطاقة مسبقة الدفع من البنك الاهلى المصرى

  7. هل يمكننى استلام اموال من البيبال عن طريق فيزا البنك الاهلى المصرى مسبقة الدفع

  8. طيب لو فتحت حساب التوفير بالدولار وعملت ايداع مبلغ 5000 دولار وبعد فترة حبيت اسحب المبلغ كامل هل يتم سحبه ام يوجد حد اقصي للسحب و تاني شئ بالنسبه للتحويل من الخارج اي مبلغ دولار بيتم خصم مبلغ منهم ولا بيدخل المبلغ كامل للحساب

  9. السلام عليكم انا خارج البلاد عايز افتح حساب بالدولار عشان احول عليه من دوله اخرى وعايز كمان انى استفسر عن حسابى عن طريق ايميلى الشخصى فهل البنك المصرى افضل ام الاهلى المصرى

  10. السلام عليكم
    انا ليا حساب في بنك مصر بس بالجنيه المصري ينفع اضيف فيه دولار ولو ماينفعش ينفع افتح حساب تاني بالدولار ويتم التحويل عليه من الخارج.. شكرا

  11. بعد اذنك انا طالب جامعي وعندي حوالي 22 سنه متعرفش بنك بيقبل عمل حساب بنكي بدون وظيفه لان اغلب اللي بدخلهم بيكون طالب وظيفه

    اللي سمعته ان فيه ف بنك مصر حساب توفير بالجنيه المصري هل ممكن التحويل عليه بالدولار ولا لا ؟

    كنت سامع ان فتح حساب qnb بالجنيه المصري وعند التحويل بالدولار من الخارج بيتفتح جنبه حساب بالدولار ويتخصم من الفلوس اللي جايه ف التحويل هل دا صحيح ؟

  12. مؤخرا بايونير بعتلي ايميل باني ممكن اسحب فلوسي بالدولار على حسابي اللي بالدولار فهل الوضع تغير وبقى ممكناسحب على حساب مصري بالدولار ولا هيتسحب بالمصري والكلام بتاع سحب الدولار بينطبق بس على الحسابات الامريكيه؟؟

  13. السلام عليكم،

    معلش انا كنت عايز أسأل حضرتك هل توجد بنوك أخرى غير بنك مصر لعمل حساب بالدولار لاستطيع التحويل عليه من Dubai ولو حضرتك عندك فكرة ايه أفضل بنك ممكن اعمل فيه حساب هناك ؟ وسؤال آخر بعد اذنك ليه المصريين بالخارج بيفضلوا التحويل عن طريق الصرافة وليس البنوك؟

    شكرا مقدماً 🙂

  14. لقد قمت بفتح حساب دولار ببنك القاهره وربطه ببايونير وبالفعل سحبت عليه ٢٠٠ دولار ولكن عموله بايونير للتحويل ٤ دولار اى سيصلنى ١٩٦ دولار. ولكن وصلنى فقط ١٦٦ دولار . هناك ٣٠ دولار مفقوده فهل دا طبيعى؟؟؟

      1. مكتوب في بايونير ان عمولة السحب بنفس العملة هيا 2% فقط ؟؟ ازاي يتم خصم كل المبلغ اللي بيتكلم عنه استاذ احمد؟
        واقترح على استاذ احمد التواصل مع بايونير لمعرفة تفاصيل الخصم.

      2. تواصلت مع بايونير ومع البنك. كل واحد فيهم بياكد المبلغ. الفلوس فعلا اختفت فى النص. المهم ان المشكلة دى مش موجوده فى CIB. فهجرب افتح حساب فيه واشوف. بس طبعا عاوزين ١٠٠٠ دولار لفتح الحساب

      3. هل جربت تانى استاذ احمد وحصل نفس الخصم وهل فيه بنوك فى مصر مبتحتاجش بنوك وسيطة وهل الخصم دا ينطبق على استقبال الفلوس بالدولار او بالمصرى ولا بالدولار بس

    1. المبلغ اللي اتخصم دا اسمه عمولة البنك الوسيط ما بين بايونيرز و بنك القاهرة أو المعروف باسم coressponant bank

    2. اجل قمت بالتجربه مع ال CIB يتم خصم مبلغ ٢ دولار فقط على اى مبلغ تقوم بسحبه ودا شىء ممتاز جدا. وقمت بغلق حسابى ببنك القاهره بعد ما تأكدت من مدير الفرع ان ال ٣٠ دولار اللى اختفو اتوزعو على ١٤ وسيط فى فى النص.
      تخيل ١٤ وسيط ههههههههه

  15. انا افتح حساب بالدولار علي اساس اعمل به في التداول في etoro هل يمكنك ارشادي

      1. انا اريد ان ادخل هذا العالم فبما تنصحني وابدا منين انا قرات كتير للربح فبماذا تنصحني وهل لابد ان يكون لي حساب بنكي هنا في مصر حتي ادخل هذا المجال واتعامل مع الشركات الربحية وكذلك البنوك الالكترونيه

  16. لو سمحت انا عايز افتح حساب بالدولار في بنك مصر وعايز اتابعه وانا في السعوديه ايه المطلوب علشان اتابعه من الخارج هل يحتاج رقم موبايل ولا بريد البكتروني بس

  17. استاذى الفاضل
    هل من الممكن ان اقوم بتحويل مبلغ 300 دولار من حسابى البنك فى البنك الاهلى الى حسابى الالكترونى سكريل او منصة الفوركس مباشرة
    تقبل تحياتى استاذى

  18. لو سمحت هو نظام فتح الحساب بالدولار فى بنك مصر مازال موجود حتى الان ولو مازال موجود هل يمكن سحب رصيد بيرفكت منى على هذا الحساب ام لا 2 بالنسبة لبايونير ايهم افضل السحب من الماكينة بالماستر كارد ام السحب عن طريق الحساب البنكى ايهم عمولة اقل ارجو الرد سريعا وشكرا على هذه المقالة والمعلومات القيمة

    1. اخت ام حمزة
      نعم يمكنك فتح حساب بالدولار فى بنك مصر لكن لايمكن السحب عليه من اى بنك الكترونى
      بخصوص سؤالك عن بايونير السحب فقط بالماستر كارد اما الحساب البنكى فهو للامريكين فقط
      تقبلى تحياتى

  19. لو سمحت هل يوجد فوائد على المبلغ الذي تم تحويله من الخارج ولم يتم سحبه هو تتطبق عليه فوائد لي يعني لو حولت 1000 دولار ولم يتم سحبه لمدة شهرين او ثلاث تكون له فائدة – السؤال الثاني كم نسبة الفائدة بالدولار على المبلغ الذي يتم ايداعه في البنك الاهلي بالشهر او السنه – كمان حسابي بالدولار منذ سنه ولم يجري في اي علملية ايداع ولا يوجد به رصيد إلا 2 دولار هل يتم توقيفه ( اسف على الاطالة)

  20. السلام عليكم
    معايا بطاقة بايونير عايز اعرف رسوم السحب من ماكينات ATM لاني ساعات بسحب اكتر من مرة بطريقة خاطئة

  21. لو سمحت ممكن افتح دفتر توفير دولاري في بنك مصر ب 200 دولار ثم اشحن حساب سكريل منه وشكرا

  22. هل يمكن شحن حساب payza بpre paid visa بتاعه بنك كريدى اجريكول وهل لازم اشحنها بالدولار ولا هو الموقع هيحول الفلوس المسحوبه لدولار ؟!

  23. السلام عليكم استاذنا
    انا قريت كلام وعاوز اتاكد بس هل هو لسه موجود ولا اتلغى ؟
    لو انا هعمل حساب دولارى توفير فى بنك مصر وهربطه ببايونير
    هل هقد بالشكل ده اسحب الفلوس بالدولار ؟
    وايهما افضل بنك مصر ولا بنك القاهرة
    وشكرا مقدما لحضرتك

      1. بايونير تحول للمصري حتى لو كان الحساب دولاري مثل بنك مصر ؟؟؟

  24. هل البطاقات المدفوعة مقدما من البنكوك تصلح الاشتراكات الشهرية من الانترنت مثل Netflix ام هيا للدفع فقط والاشتراكات الشهرية خاصة بالبطاقات الائتمانية

    1. استاذ محمد
      فى موضوع البطاقات بالذات كل بنك له نظامه وبصراحة محدش عارف حاجة يعنى يقولوا لك انها تصلح فتيجى تستخدمها تلاقى كل شىء واقف
      بصراحة اصبحنا لا نثق فى اى يبطاقة او اى بنك

      1. طب قبل ازمة الدولار والهيصة دي كلها يعني من تلات سنين كده مثلا كان ينفع تشترك في خدمات افلام واغاني اجنبية بالشهر

  25. هل دفتر التوفير الدولاري اقدر عن طريقة استخراج فيزا كارد من بنك مصر للشراء من الانترنت وهل الان فيزا الانترنت لو استخرجتها اقدر اشتري من جوجل بلاي ولا هيرفضها عشان ازمة الدولار

      1. طيب اعمل إيه عشان اطلع فيزا انترنت في مصر واقدر اشتري بيها من جوجل بلاي واعمل اشتراكات بالدولار ايه الحل

  26. السلام عليكم
    انا قريت من تعليقات حضرتك انه لا يوجد بنك في مصر يقبل التحويل من البنوك الالكترونيه مثل سكريل او نتلر
    طب ايه اسهل طريقه عشان استقبل فلوسي اللي على نتلر او سكريل بعموله مش عاليه اوي
    و شكراااا

    1. انا سالت فى البنك الاهلى المصرى وقالولى انهم بيقبلوا التحويلات من البنوك الالكترونية بس الفلوس هتيجى بالجنية المصرى مش عارف كدابين ولا

  27. مساء الخير
    لو سمحت انا كنت لسه بفكر في الموضوع لاقيت المقال بس عندي سؤال صغير
    هل لو فتحت حساب بالدولار بنك نتلر هيحولي على حسابي بالدولار؟
    انا عارف اني مش هينفع احول لنتلر بس ينفع اخد منه

  28. السلام عليكم

    أنا جايلى فى خلال أيام تحويل بالدولار من الخارج مبلغ حوالى 50 الف دولار

    هل فى مشكلة فى استلام مبلغ كبير وهل ساستلمه دولار ولا جنيه ؟

    هل فى عمولة للبنك ؟

      1. رأى حضرتك ايه انى افتح حساب فى بنك أجنبى زى البنك العربى الافريقى

        هل ساواجه نفس المشكلة لآن المبلغ كبير؟

        أنا لى تعاملات سابقة ممتازة مع العربى الافريقى فى الكروت

      2. لا اعرف استاذ محمد لكن ما اعرفه ان المبالغ الكبيرة الواردة من الخارج بتعمل مشكلة لصاحبها
        ممكن حضرتك تفتح حساب فى عدة بنوك حتى لو 5 بنوك وتحول عليها جميعا لكن فى كل تحويل حاول ان لايتجاوز التحويل ثلاث الاف دولار

      3. تم فتح الحساب في بنك مصر لكن بدون دفتر فقط احصل على رقم الحساب

        وتم بحمد الله تحويل المبلغ من الخارج بدون مشاكل

        عمولة البنك 5 دولار فقط على 50 الف دولار

        سؤالي ممكن اقدر احول مبلغ من حسابي 2000 دولار خارج مصر ?

        للعلم أسوأ خدمة عملاء شوفتها في بنك هي بنك مصر

  29. انا كت عاوز اميل الفيس الخاص بحضرتك لان محتاج اتكلم معاك شوية عشان مش هينفع اكتبهم فى كومنتات عاوز شوية استفسرات ممكن

  30. سؤال مهم استاذى
    لما احول فلوس لبنك مصر هتاخد كام يوم ويضاف الرصيد للحساب

  31. من فضل حضرتك هل حاليا يمكن اضافة حساب دولاري في بنك مصر على بايونيير على الرغم من ان بايونيير مش بتدي اختيارات لتغيير العملة عند تفعيل البلد:مصر
    لاني اريد تحويل مبلغ بالدولار على حساب بالدولار هنا في بنك مصر؟؟

  32. بالنسبه للرسوم استخراخ الدفتر الدولاري كام حاليا, وفي حالة الايداع فى الفوركس توجد اي مشكله

  33. أرجو معرفة الأفضلية بين بن فيصل وبنك مصر والقاهرة ومصاريف فتح الحساب والرسوم السنوية لو سمحتم
    أرجو الإفادة لو سمحت

  34. لو سمحت انا عندي حساب علي بنك مصر الاسلامي بس حساب عادي مش دولاري وكسبت مبلغ كبير بالدولار من موقع والمفروض هيتبعتلي المبلغ ده علي حسابي هل ممكن اواجه مشاكل لان المبلغ كبير وبالدولار او مثلا المبلغ يوصلي بعملة تانية ؟ وايه اللي المفروض اعمله علشان المبلغ يوصل زي ما هو واقدر استلمه من غير اي مشكلة

    1. استاذ zoza
      اسف جدا عن التاخر فى الرد سامحنى
      وصول مبالغ كبيرة على حسابك البنكي هيسبب مشاكل فلو مثلا وصلك الف دولار او الفين فى الشهر دا عادى غير كده بتفتح على نفسك مشاكل انته فى غنى عنها هذا بخلاف ان عملة الحساب غير العملة فى الموقع
      اللى انصحك بيه لو ان الموقع يقبل التحويل على بنك الكترونى غير باى بال مثل بنك نتلر او سكريل او بيرفكت او ويب مونى يبقى دا الحل الامثل
      ممكن تحول على البنك الالكترونى وتبيع لوسيط وهيشترى منك اعلى من سعر الدولار فى البنوك
      تقبل تحياتى

  35. أستاذي الفاضل
    أريد معرفة أي بنك أفضل بنك مصر أو بنك فيصل أو بنك القاهرة
    لأن بنك مصر قريب مني فهل كلهم زي بعض أرجو شرح مبسط لوجه الأفضلية وأكون شاكر

  36. السلام عليكم
    هل توجد مشكلة لو أنا حولت من السعودية على حساب زوجتي ببنك مصر مبلغ وليكن 9000 دولار مثلا
    أرجو الرد على الاسئلة لو سمحت

  37. أريد فتح حساب في بنك لأني أريد التحويل عليه من السعودية
    فهل بنك مصر أم الأهلي أم القاهرة أم الأسكندرية أم فيصل
    وأريد معرفة تفاصيل البنك من حيث الاجراءات وفي رسوم سنوية والاشياء هذه
    وجزاكم الله خيرا

  38. السلام عليكم ورححمة الله وبركاته

    شكرا لك علي الشرح ولكن لي أستفسار , هل يمكن السحب من بايبال علي هذا الحساب ؟
    ارجو الأفاده وشاكر لك جدا

    1. استاذ يوسف
      باى بال حظر مصر من السحب او الايداع وذلك بسبب قرار البنك المركزى بوقف التعامل مع البنوك الالكترونية
      ايضا هذا الحساب اصبح لا يستقبل من سكريل او نتلر او اى بنك الكتروني
      ليس امامك الا الوسطاء
      والموقع يوفر خدمة الوساطة المالية سواء بالبيع او الشراء
      برجاء مراجعة هذه المقالة
      https://goo.gl/yDM161

  39. لو سمحت ارجو الرد !!!!
    أنا طالب وعندى 18 سنة فقط هل يمكننى فتح حساب بنكى دولارى فى مصر ولا فى شرط اكتمالى 21 سنة فعلا زى ما واحد قالى ؟؟؟

      1. شكرا وجزاك الله خيرا أخى الكريم …
        أنا رحت بنك مصر انا وواحد اكبر منى فى السن وعملت حساب بالدولار باسمه …
        وكل اللى كانوا عاوزينه منى علشان عندى 18 سنة فقط تحويل بالدولار من بنك خارج مصر ليا و باسمى علشان يعملوا الحساب بالدولار وبما انى مستعجل ومش هستنى الحوالة من بره مصر فعملته باسم صاحبى اللى اكبر منى والحمد لله عملناه وجبنا الدفتر …

      2. وعلشان يفتحوا الحساب والله قالوا لازم 200 دولار مش 100 دولار زى ما معروف على النت !!!!!
        واقل حاجة كمان 200 دولار وفى اكتر من كده !!!!
        يعنى دفعنا 4000 جنيه + الرسوم لفتح الحساب 70 + 5جنيه دمغة + 7جنيه دمغة تانى برضوا يعنى الرسوم كلها 82 جنيه مصرى ….

  40. السلام عليكم
    هل من الممكن فتح حساب في بنك مصر بالدولار فى بلد اخر وتحويل المبلغ الي بنك مصر فى مصر ولكن بالعمله المصرية وبنفس سعر الصرف فى البنك فى مصر ولا هيختلف سعر الصرف

      1. شكرا علي ردك علي سؤالي
        بس معلش فى سؤال تاني بنك مصر فى امكانية لديه اني افتح حساب بالدولار فى بنك مصر خارج مصر و احول المبلغ لبنك مصر بس داخل مصر بالعمله المصرية وبنفس سعر الصرف فى مصر ولا صعب

  41. انا عايز اسالك هل ممكن ابعت من حسابي في بنك مصر او الاهلي او اي بنك تاتي اللي بالجنيه الي حسابي في بنك مصر بس اللي بالدولار يتبعت بالجنيه ويتحول بالدولار تلقائيا ويا ريت تسالي اذا تكرمت وترد عليا وشكرا ليك

    1. د عاصم
      مكنش حد غلب
      طبعا مينفعش نهائى ولا هيتقبل
      اذا كان البنوك نفسها مش بتبيع الدولار وبتشترى بس يبقى هتحول عملة الجنية الى دولار فى حساب مفتوح بالدولار ؟
      تقبل تحياتى

  42. لو سمحت انا من الاردن
    هل يكفي فتح حساب توفير بعملة الدولار للتداول يعني سحب وايداع الاموال
    وعند فتح الحساب ب١٠٠ دولار هل يمكن السحب من هذا المبلغ ام انه وقف للبنك
    واذا كان باستطاعتي سحب وايداع الاموال مع شركة الفوركس عن طريق البنك فما حاجتي للبنك الالكتروني وشكرا

    1. استاذ علاء
      سارد على الجزء الاخير من السؤال ( واذا كان باستطاعتي سحب وايداع الاموال مع شركة الفوركس عن طريق البنك فما حاجتي للبنك الالكتروني )
      اقل لحضرتك ببساطة انه لو حبيت تسحب مبلغ مثلا 200 دولار على الحساب البنكى هتلاقى ان تم خصم منه حوال 40 او 50 دولار ودا مش من الشركة دى رسوم التحويل بين البنوك فهنا البنك الالكترونى الحل الامثل لانه بيوصلك عليه المبلغ كامل
      اما الجزء الاول ولانك من الارد وتسال عن فتح حساب فى بنك مصر فحقيقى لا اعرف

  43. jالسلام عليكم استكمالا لما سبق زكره مني في تعليق سابق بعد ان فتحت حساب بالدولار وصلني تاني يوم تحويل بالدولار علي حسابي لكنها لم تنزل علي الحساب اخبرني موظف البنك انها وصلت البنك ولكن لم يتم اضافتها علي الحساب وبعد مداولات معهم تم صرف المبلغ ياتري ايه السبب وهل انا غلطت اني ما عملتش حساب دولاري بالدفتر وهل ينفع اعمل دفتر حاليا ولا لا اسف جدا للاطاله

  44. السلام عليكم
    بالنسبة للحساب بالجنيه المصرى لو حولت عليه دولار هل يدخل الحساب بالجنيه بسعر البنك ام يحتاج تقديم طلب للبنك

    وشكرا

  45. شكرا جزيلا للاهتمام سؤالي انا فتحت حساب في بنك مصر بالجنيه ودلوقت عايز افتح الحساب بالدولار ينفع ولا لاه يعني الغي الحالي وافتح واحد دولاري جديد شكرا

      1. متشكر جدا انا بالفعل رحت بنك مصر اليوم وفتحت حساب جديد بالدولار ب100دولار بالاضافه ل25 جنيه فتح الحساب شكرا مره اخري لحضراتكم

  46. يعنى كده ينفع افتح حساب توفير دولارى ولا اتلغى خلاص الحوار ده

  47. طب حضرتك انا الوقتي معايا 650 دولار ومتاح ليا اسحبهم ع بيزا أو سكريل أنهي الأفضل ؟
    والأفضل برده اسحب عن طريق وسيط واريح دماغي ولا اروح اعمل حساب توفير زي مهوا موضح ؟
    سؤال الأخير معلش لو لجأت لوسيط هل هيديني الفلوس مثلا كاش دولارات ولا جنيه ؟
    وشكرا

    1. فتح حساب بالدولار على بنك مصر انتهى ولا تستطيع السحب عليه
      الافضل لك فى البنكين اللى ذكرتهم هو بنك سكريل بلا نقاش
      اى وسيط هيعطيك حسابك بالجنية مش الدولار لانه محظور على الوسطاء التعامل بالدولار الورقى واعمالنا متابعة بالطبع
      فى حال سحبت على سكريل اعتقد ان هذه المقالة ستساعدك فى استلام اموالك

      https://goo.gl/yDM161

  48. يعني انا علشان استقبل التحويل بتاع سكريل دولار مش يورو اتعامل مع بنك القاهرة؟

  49. بنك مصر لسه بيفتح حسابات توفير دولاري؟
    وايه اخبار بنك اسكندرية مع استلام اليورو من سكريل بيحولها للدولار ولا مصري

  50. اسف سؤال تاني انا لو عملت الحساب بالدولار في بنك مصري وانا معايا البايونير ازاي بردو ابعت الفلوس من بايونير الي الحساب في بنك مصر

  51. لو سمحت اما لو عملت حساب بالدولار في بنك مصر اما اعطيهم ال 100 دولار علشان اعمله هيفضله في الحساب عادي وممكن لو محطتش فلوس علي حساب اسحبهم عادي ولا ايه

  52. أستاذنا
    البداية كل الشكر على المجهود الكبير فعلا اللى بيتعمل هنا ده .. معلومات ممتازة و مفيدة فعلا

    سؤالى بعد إذنكوا
    انا freelancer على مواقع كتيرة .. لسه بادئ التسجيل .. من ضمن طرق الدفع (سكريل أو بيونير) .. فيها جزء خاص بال credit card أو debit card .. انها يعنى إحدى وسائل الدفع المسموح بيها بجانب ما ذكرته بين الأقواس

    عاوز أعرف انهى نوع اللى مقصود بالظبط بال credit card h او بال debit card .. أى نوع اللى ينفع
    وهل لو جبت مثلا بطاقة بيونير .. تكفى بالغرض؟

    وشكرا مرة أخرى على المجهود المبذول
    تحياتى

    1. استاذ احمد
      هاختصر لك الاسئلة دى كلها واقولك الحل انك تختار سكريل كوسيلة دفع
      ناس كتير بيتعملوا مع وساطة الموقع وهم freelancer وبيستخدموا سكريل انما لو اخترت اى كارد وقت السحب هتتحاسب بسعر البنك المركزى

      1. بداية شكرا للرد و الإهتمام

        تمام .. فيه مواقع بتقبل سكريل و فى مواقع بتقبل بيونير .. على حسب كلامك .. يا أما سكريل أو بيونير حسب ما يتوافر فى الموقع نفسه من طريقة حساب .. صح كده؟

        تحياتى و بالتوفيق فيما يبذل من جهد

  53. هل لو سحبت عسحب بالدولار برضه ولا بالمصرى و هل في مشاكل لو عرفو انى شغال ف الفوركس مثلا لانى سمعت انه الايام دى منعين التحويل ايداع او سحب من شركات الفوركس

    1. جرب ولا تقول لهم انه فوركس
      مع انه لو المبلغ اقل من 500 دولار او يورو يبقى الوسيط احسن لك واريح لدماغك وتستلم فلوسك بايدك بالجنية وبسعر محترم
      لان الفاقد بين التحويل والسحب هيكون عالى وميستحقش المجازفه

      1. هل بيكون دفتر ولا فيه فيزا كمان و هل ممكن اسحب منه من باى بال و نتلر و لو حبيت اسحب من الحساب بيكون بالدولار برضه

  54. اخى العزيز هل يمكن من خلال هذا الحساب البنكى بالدولار اعمل عمليه ايداع وسحب للارباح من موقع recyclix من خلال هذا الحساب وشكرا لك

  55. هل الحساب الدولارى هيفعل الباي بال
    لانى معى رصيد فى الباى بال واريد طريقه لسحب الرصيد

  56. السلام عليكم,

    أريد معرفة السويفت كود الخاص ببنك مصر لمحافظة القاهرة.
    حتى أستطيع التحويل لحسابى الدولارى.

    شكرا جزيلاً.

  57. السلام عليكم
    لو سمحت انا لدي حساب في بايونير وفيه دولارات حوالي 200 دولار وعاوز اسحبهم بالدولار
    وحضرتك قولت نعمل دفتر توفير بالدولار في بنك مصر ونستطيع تحويل الدولارات اليه من بايونير؟
    هل حضرتك جربت انك تستلم فلوس بالدولار من بايونير علي حساب التوفير الدولاري في بنك مصر ؟
    وهل الطريقة دي شغالة حتي الان ؟
    لأني بحثت كثيرا في الموضوع ده ولم أجد حل والكثير قالوا لي لا تستطيع استلام الاموال من بايونير بالدولار ولكن يمكنك استلامهم عن طريق فيزا البايونير من اي ماكينة وبالجنيه المصري فقط

    ولكم جزيل الشكر والتقدير

    1. استاذ محمود
      لم اجرب السحب من بايونير انما تستطيع عمل حساب فى سكريل واضافة بطاقة بايونير الى سكريل وتسحب من بايونير الى سكريل وبعدها تستطع السحب على الحساب البنكى او تبيع المبلغ الموجود فى سكريل للوسطاء وهذا افضل حتى لا تضيع عمولا كثيرة فى عملية السحب
      تقبل تحياتى

  58. لو سمحت انا كنت سالت حد في بنك مصر علي الحد الاقصي للسحب من دفتر توفير دولاري وكان قاللي 100دولار في السهر اقصي مبلغ يعني انا لو محتاج دلوقتي 5000 دولار وحسابي فيه اكتر من كده مقدرش اسحبهم يا ريت الافاده لاني مش مقتنع !!

      1. الاستاذ الفاضل مدير الموقع والاستاذ احمد هل تقصدون الف دولار؟

      2. اتصلت بخدمة عملاء بنك القاهرة واكدوا انه لا يوجد حد اقصي للسحب او الايداع بالنسبة للافراد.

  59. اخي العزيز
    انا لدي حساب بالدولار في بنك القاهرة
    هل يمكن ان يرسل ويستقبل التحويلات بعملة الدولار عند الشراء والبيع في شركات الفوركس.
    وهل من الافضل جعل بنك سكريل وسيط في عمليات السحب والايداع
    شكرا اخي الكريم

    1. استاذ مهاب
      انا جربت بنك القاهرة فى السحب مرتين متتاليتين من شركة NSFX اخرهم 1396 دولار ومفيش اى مشاكل والعمولة من 25 الى 40 دولار
      انما لم اجربة فى الارسال الى شركة الفوركس
      وجعل نتلر او سكريل وسيط هذا انصحك به اذا كانت المبالغ التى تحولها او تسحبها اقل من 500 دولار
      تقبل تحياتى

  60. تحياتي لادارة الموقع
    اريد بنك الكتروني للمتاجرة بالعملات
    من خلال تحويل العملات داخل الموقع وان يدعم الجنيه المصري
    على سبيل المثال اود بنك الكتروني اقوم بايداع الاموال بالجنيه المصري من خلال شحن بطاقة الكردت كارد وبعد ذلك اقوم بتحويل العملة المحلية الي دولار او يورو من خلال البنك الالكتروني حيث انني متواجد باروبا وكل شي متوفر من يورو ودولار ومن ثم ارسلها الي حساب بنك مصر بالعملة الدولار لكي اقوم بسحبها وهكذا لكن لا اعرف طريقة ايداع الجنيه ببنك الكتروني لانه من الصعب حاليا تحويل الدولار الي الخارج عن طريق البنوك في مصر . او اي طريقة مثل بنك مصري يحول دولار من غير التعامل مع الوسطاء لانه تتفاجا ان الوسطاء هم القادرون على التحويل والشحن . اتمن الفكرة قد وصلت او اي فكرة في تجارة عملات . شكرا للجميع

      1. اشكرك على سرعة الرد
        ما هو الحل بنظرك وكيف الوسطاء بيشتغلو يعني هما ازاي بيشتغلو وببشحنوا حسباتهم
        او اعطيني فكرة لتجارة وتيديل العملات بالبنوك الكترونيا .

      2. حازم احمد
        في مجال تبعتلي رقم تلفونك
        كم تاخد نسبة على شحن حساب بايزا

        تحياتي

    1. تحياتي من جديد
      ما هي البنوك التي تتعامل معها وكم نسبة الشحن لكل بنك . تحياتي

  61. لقد طلبت فيزا كارت من بنك بيونير
    وقالوا انهم سيقومون باءرسلها قريبا
    هل هناك رسوم عند استلام الفيزا
    شكرا لك اخي العزيز

  62. اخي العزيز
    هل يستطيع اي موقع اختراق حسابي اذا اعطيتة اي بيانات مثل تاريخ الميلاد او عنوان المنزل.
    مع العلم اني لم اسجل اي رقم كارت فيزا او ماستر كارد خاص بي لاي موقع

  63. ما هي ضرورة الاستعانة ببنك skrill او neteller
    في التداول بالبورصات العالمية
    وهل يمكن السحب والايداع مباشرة عن طريق بنك مصر.
    وما معلوماتكم عن شركة q option
    هل تداول الخيارات الثناءية حلال
    وهل هي شركة موثوق في تعاملاتها
    شكرا لك اخي العزيز

    1. استاذ مهاب
      ضرورة الاستعانة ببنك skrill او neteller هى الوسائل السهلة للايداع فى رصيدك فى شركات الفوركس ويمكنك السحب على اى بنك وافضل لك بنك القاهرة اما الايداع لو فيه بنك مصرى رضى يحولك حول منه انما الواقع مفيش بنك بيوافق يحول دولار خارج مصر خاصة لشركات الفوركس
      وبخصوص شركة شركة q option مش مرخصة وابتعد عنها
      اما تداول الخيرات الثنائية فقد صدرت فتاوى بتحريمة
      هو حراااااااااااااام
      تقبل تحياتى

  64. أليس ممكناً تحويل المبالغ مباشرةً من شركة الفوركس إلى حساب التوفير الدولاري ببنك مصر أو بنك القاهرة بدون الإستعانة بحساب نيتلر أو سكريل ؟؟؟

  65. السلام عليكم
    لو سمحت عايز اعرف الحد الاقصي لبنك سكريل و بنك نتلر في حالة التفعيل بالوثائق و في حالة عدم التفعيل بالوثائق
    و شكرا

    1. استاذ اسلام
      الحد الاقصى فى سكريل قبل التفعيل بالتقريب الف دولار وبعد التفعيل بيكون الحساب بلا حدود وهيجى وقت لازم تفعل الحساب او هيتقفل
      الحد الاقصى لبنك نتلر قبل التفعيل 100 دولار وبعد التفعيل 5 الاف دولار فى العملية الواحدة وهيجى وقت لازم تفعل الحساب او هيتقفل
      تقبل تحياتى

  66. يا جماعه حد يفيدني عاوز افتح حساب توفير بالدولار بنك مصر هل ممكن اسحب منه ولا بيبقي زي الشهادات ولو الحساب بالجنيه ممكن اسحب منه ب ال ATM واخر حاجه الفايده اللي بتنزل بتدخل علي الحساب وبيتحسب عليها فايده ولا اصل المبلغ بس

  67. السلام عليكم
    انا حاليا عايز اشتغل في الفوركس
    معنديش مشكلة اني اتعامل بالدولار او اليورو وده لتفدي غباء الموظفين _ و ازمة الدولار _
    فهل لو فتحت حساب باليورو هيكون نفس الخطوات
    وايه الافضل بنك مصر و لا بنك القاهرة علشان احول منه الي البنوك الالكترونية و ارجع احول من البنوك الالكترونيه عليه تاني
    وهل اعمل حساباتي في الفوركس باليورو ة في سكريل ونتر باليورو و شكرا

    1. استاذ اسلام
      اذا فتحت حساب باليورو هى نفس الخطوات
      ولما تختار بنك اختار بنك القاهرة حساب توفير باليورو افضل
      اما حسابات الفوركس الافضل لها الدولار طبعا كما يمكنك استخدام اليورو

  68. انا عاوز اعمل حساب بالدولار عشان احول عليه فلوس من الخارج فهل لما انزل مصر هسحب بالدولار ولا بالجنيه المصرى

  69. السلام عليكم

    بعد اذن حضرتك, هل البنوك بتطلب معرفة مصدر الاموال عند الاستيلام او لما اجى اسحب فلوسى بالدولار من حسابى؟ انا كنت قرأت رد ان مفيش مشكله لغاية 5000 دولار (ده فى حالة الاستيلام) طيب لو دخل حسابى 8000 دولار بس على مرتين وليكن 4000 دولار فى المرة الواحدة, هل ساعتها فى مشكله وهيطلبوا اثبات مصدر الاموال؟ او هلائى اخر السنة انه بيطالبنى بضرائب على التحويلات ال جاتلى او ما شابه؟

    معلش سؤال تانى, حضرتك عارف ان فى ازمة بخصوص الدولار والعملات الاجنبية, فى حالة انى بسحب هل هيقولى فى حد اقصى للسحب اليومى او فوت علينا فى يوم تانى لما يكون فى سيوله او حاجة زى كده؟

    انا عارف انى طولت, بس ارجو من حضرتك انك تفيدنى ولو معندكش معلومات بخصوص استفساراتى او مش متأكد ياريت تقولى كده.

    والف شكر ليك انك بتساعد الناس, جزاك الله كل خير.

    1. استاذ عبد العزيز
      اعتذر عن تاخرى فى الرد لانى كنت مسافر فى اجازة
      حتى الان الحمد لله لم يطالبنى احد بمصدر الاموال وانا اتعامل مع بنك القاهرة
      والمبلغ اذا دخل على مرتين يكون افضل وان دخل على ثلاث مرات يكون افضل وافضل ويكون بينهم فترة ولتكن شهر
      ولما تسحب مفيش مشكلة وهتسحب بالدولار وموضوع الضرائب دا لا اعرف عنه شىء ولم اقابله حتى الان وربنا ييسر لنا الحال
      تقبل تحياتى

  70. السلام عليكم ..
    اتمنى حضرتك تجاوب سؤالي ..

    دلوقتي بالنسبة لـ بايونير هل لما اجي اسحب منها الفلوس هيبعتوها بالدوولار ولا الجنيه ؟
    لاني وانا بحط معلومات البنك والسحب بيجيبلي عملة الجنيه المصري عشان انا من مصر
    فهل هما بيبعتوا بالدولار للبنك ولا هيبعتوه بالجنيه ؟ واخليهم ازاي يبعتوا بالدولار فقط ؟؟؟

  71. اخي الحبيب لايوجد بالفعل في اي بنك مصر حاليا تحويل عملات بمعني لو بتحول باليورو لايمكن يحوله ابدا بالدولار ودا في اكثر من فرع علي مستوي الجمهوريه واذا كنت حضرتك حولت لبنك معين فدا من حسن حظك مش اكتر سؤالي الاكيد بالله عليك بالنسبه للبايونير هي بتحول لبنك مصر بالمصري ولا بالدولار ارجو الاهتمام

    1. استاذ محمد
      لان النظام البنكى فى بنك مصر شغال بالفهلوة فكل فرع بيشتغل بدماغة انا الفرع اللى بتعامل معاه هو بنك مصر فرع المنصورة
      بخصوص بايونير بتحول بالجنية المصرى فقط

  72. أخي الكريم … ما رأيك في شحن نتلر عن طريق كارت أون لاين من خدمة فورى بالتعاون مع بنك عودة مصر … عبارة عن كارت عن ورقة مطبوعة (ماستركارت )يها 16 رقم وتاريخ انتهاء ورقم سري .. صالحة للشراء من اى موقع الكتروني
    هل ينفع بها شحن نتلر ؟؟؟ وإذا كان ينفع … فكيف السحب من نتلر بعد كدة ؟؟؟؟ أخيرا عندى حساب دولار ببنك الأهلى المصرى هل ينفع أستخدمه في السحب أو الايداع لنتلر أو سكريل ؟؟؟؟ ولك الشكر

      1. اسم الفيزا الافتراضية VCN يا ريت فعلا السؤال عنها
        كمان ما رأيك في في بنك الاهلى المصري هل يا ترى في نفس خدمات بنك مصر
        (خدمات أون لاين ) ولك الشكر .

      2. استاذ محمد
        بخصوص البنك الاهلى المصرى تكلمت شخصيا فى الفرع الرئيسي مع 2 موظفين والنتيجة انى شتمت نفسى لانى اتكلمت مع ناس ميعرفوش اى حاجة عن اى حاجة فى البنوك الالكترونية حتى انهم ميعرفوش ايه باى بال ا او سكريل
        فاعذرنى لا اعرف عن البنك الاهلى شىء

      3. أسف مرة أخرى بسأل كمان عن مونى جرام moneygram خدمات ارسال واستقبال الأموال من أى بلد موجودة هنا في مصر في فروع المصرف المتحد كمان موجودة في بنك القاهرة بس بنك القاهرة (استقبال فقط)

        ….
        أبحث فقط عن (طريقة) سهلة لشحن نتلر أو سكريل وكمان عن طريقة السحب منهم (سحب وايداع )دون تعقيد … وياريت بلاش الوسطاء
        ولك الشكر

    1. هل افضل بنك مصر ولا بنك القاهرة ؟ مع العلم ان بنك مصر يعطى 1.25% وان بنك القاهرة 2% ونحن لا ننظر الى الفائدة لانها محرمة شرعا ولكن ننظر الا يقل راس المال لان كليهما ياخذ مصاريف 6 $ سنوى و الثانى 4 $ سنوى اى لا يقل المبلغ عن الاول فى حدود 500 $ والثانى 200$ — بنك مصر بة خدمة النت معرفة الرصيد ودى مهمه جدا والقاهرة معرفة الرصيد عن طريق خدمة العملاء فايهما افضل من وجهة نظرك دون النظر الى الفائدة

      1. لو كنت تريد دخول اموالك يا استاذ اسلام بعملة الدولار فليس امامك الا بنك مصر
        اما ان كان لا يهم العملة ان تكون دولار وعادى بالنسبة لك انك تستلم يورو فلا يعلى على بنك القاهرة بكل المقاييس

      2. لو تكرمت من خلال تواصلك مع خدمه العملاء ممكن تشرحلي كيفيه حساب الفايده لكل الف دولار

      3. أعتقد ان النظام واحد فى كل البنوك .. حساب توفير بالدولار فى بنك مصر هو حساب توفير دولار فى بنك القاهرة , و زمان كان الحساب الجارى بفتح حساب بالدولار و تستقبل عليه بس مش عارف الكلام ده انتهى ولا ايه

        اما خدمة الانترنت البنكى موجودة فى البنك الاهلى .. انا فى المنصورة برضه و ناوى اروح اشوف الدنيا نظامها ايه فى البنك الاهلى

        مش لحاجة الا انه قريب منى و كل البنوك موجودة فى اكتر شارع زحمة فى المنصورة وخصوصا بنك مصر 😀

    2. انا كنت عاوز اسأل حضرتك على حاجة وهى لو فتحت حساب فى بنك مصر بالدولار وعملت تحويل بنكى من شركة

      recyclix باليورو هل الاموال هتتحول من اليورو الى الدولار وتدخل فى الحساب ولا هيبقى فى مشكلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى