16 عام من النجاح تداول مع exness وسيط مرخص وموثوق exness

التسجيل في بنك neteller بالنظام الجديد شرح بالفيديو

 التسجيل في بنك neteller

بنك نتلر بداء العمل فى عام 1999 ومقر البنك هو انجلترا ويعتبر بنك نتلر واحدا من اقوى البنوك الالكترونية

لذلك يتسخدمه الكثير من شركات الفوركس كوسيلة للسحب او الايداع وايضا مواقع اخرى للربح

ولكن سنشرح التسجيل في بنك neteller الذى اصبح الكثير من العرب يعتمدون عليه فى تعاملاتهم المالية على الانترنت

كيفية التسجيل في بنك neteller

 


أفضل شركات الفوركس المرخصة من الهيئات الرقابية

فتح حساب اسلامي مع  شركة  EXNESS 

 فتح حساب اسلامي مع شركة IC Markets    

 فتـح حساب اسلامي مع  شركة  NSFX 

 فـتح حساب اسلامى مع  شركة FBS

فتح حساب اسلامي مع شركة XS


قناة الموقع على YouTube

قناة الموقع على  TikTok


ندخل مباشرة الى صفحة التسجيل من هذا الرابط

WWW.NETELLER.COM

تظهر لنا الواجهة الرئيسية لصفحة التسجيل في بنك neteller فنقوم, بكتابة البيانات الحقيقية والصحيحة الخاصة بك

 مثل البريد الالكترونى والباس ورد ونذكر هنا انه يجب ان يحتوى الباس ورد على احرف انجليزية صغيرة وكبيرة وارقام

ثم نختار نوع العملة ونكتب الاسم وتاريخ الميلاد كما هو موضح فى الصورة التالية رقم 2

التسجيل في بنك neteller

16 عام من النجاح تداول مع exness وسيط مرخص وموثوق اكسنس

وفى نفس صفحة التسجيل في بنك neteller نقوم بكتابة العنوان كاملا والمحافظة والرمز البريدى والمدينة

ثم نضعط على كلمة Join now كما هو موضح فى الصورة التالية رقم 3

التسجيل في بنك neteller

كما فى الصورتين السابقتين يجب كتابة البيانات المفصلة والصحيحة وبعد الضغط على Join now

سيقوم البنك بتحويلك الى صفحة الانتهاء من التسجيل في بنك neteller فورا وفى هذه الصفحة ستجد رقم Secure ID المكون من 6 ارقام فهو مثل البن كود

وبدونه لن تستطيع اجراء اى تعامل مالى داخل البنك كما هو موضح فى الصورة التالية رقم 4

التسجيل في بنك neteller

قم بحفظ  Secure ID فى مذكرة او مستند مع باقى بيانات الدخول فى بنك نتلر  بعيدا عن جهاز الكمبيوتر الخاص بك

ثم اضغط على Go to my account كما فى الصورة السابقة فيقوم البنك بفتح صفحة حسابك كما هو موضح فى الصورة التالية

التسجيل في بنك neteller

لاحظ اعلى الصفحة على اليسار Account ID يجب حفظة  وبجواره عملة الحساب الخاص بك الذى تم اختيارها سابقا عند التسجيل

بعدها يرسل لك بنك neteller رسالة ترحيب كما هو موضح فى الصورة التالية رقم 6

التسجيل في بنك neteller

واصبح لك حساب فى البنك ومبروك عليك حسابك


فيديو طريقة التسجيل في بنك neteller

ان كان الموضوع قد افادك فبرجاء المشاركة عن طريق ايقونات مواقع التواصل الاجتماعى اعلى الصفحة ليستفيد منه الجميع

وان كان هناك اى استفسار فلا تتردد فى كتابته فى مربع التعليقات وسنقوم بالرد عليه ونشره ان شاء الله

ولتتاكد من الرد على تعليقك قم بالتاشير على المربعين قبل الضغط على ارسال التعليق كما هو موضح فى الصورة التالية

التسجيل في بنك neteller

مواضيع ذات صلة

تفعيل الحساب بالوثائق فى بنك نتلر بالتفصيل

تحويل الاموال من حساب لاخر فى بنك neteller

شحن حساب neteller عن طريق skrill

شـرح التسجيل فى بنك payeer

مقالات ذات صلة

‫89 تعليقات

  1. السلام عليكم . لوسمحت بنك نتلر بيطلب كشف حساب بنكي لتفعيل الحساب والكشف الحساب من بنك مصر عربي ونتلر بيرفض ايه الحل اجبله ازاي كشف حساب انجليزي … وشكرا لك

  2. السلام عليكم
    قمت بتوثيق حسابي في نتلر والايداع عن طريق الفيزا ولكن هناك حد 500 دولار هل هذا الحد يومي ام انه لن اتمكن من الايداع بالفيزا مرة اخرى

  3. لو سمحت انا واقع في مشكله.. انا جاوبت سؤال الامان غلط .فتم تعطيل الحساب.. وبعتلهم ميل .وطلبت مكالمه محدش اتصل .. والحساب فيه اموال..الحل ايه؟؟

      1. تمام .. اتصلوا بيا وسألني. علي بياناتي الشخصيه. وافتكرت معاه الرد علي اسئله الامان..وشغل الحساب تاني… شكرا لحضرتك يا استاذنا

      1. لو سمحت ازاي اصور الوش والظهر للبطاقة الشخصية على ورقة واحدة وهو من شروطة ان ما يكونش البطاقة متصورة ؟؟ بصور وجهة البطاقة ثم الخطوة التالية بصور وجهى .. طيب اصور ظهر البطاقة ازاي ؟؟؟ وشكرا لسعادتك

      2. الحل استاذ ناصر
        هو جواز السفر واصبح للمصرين امر لا مفر منه
        بخصوص تصوير البطاقة على وش وظهر فى صورة واحدة هذا يتم عن طريق برنامج فوتوشوب او انك تصورهم وتضعهم فى ملف pdf

  4. من فضلك استاذ حسام..
    هل مازالت بطائق نتللر موجوده وبإمكاني طلبها؟
    لأنه عندي حساب في نتللر ومفعل بالوثائق ولم يظهر لي خيار طلب البطاقه او حتى اسم او صوره لها.!

  5. استاذ هشام ….. هل الحصول على فيزا او ماستر كارد من بايبال العرب ppalarab بيكون مفيد فى تمويل شركات الفوركس ؟؟

  6. متشكر على سرعه الرد -مكن من فضلك تشرحلى بالتفصيل تعديل البيانات الشخصيه ومنها الاسم بعد التسجيل فى نتلر وسكريل اوتحلنى لموضوع بهذا الخصوص وذلك لاهميهولك منى جزيل الشكر

    1. استاذ هشام
      لايمكن عمل ذلك الا بمراسلة الدعم الفنى لبنك نتلر والافضل الاتصال التليفونى
      وان كنت لم تفعل الحساب او تضيف اى فيزا للحساب انصحك انك تعمل ميل جديد وتفتح حساب جديد وتريح دماغك
      تقبل تحياتى

  7. بعد التحيه -هل يمكن التفيعل بالوثائق بدون باسبور بالبطاقه القوميه فى مصرفى نتلر وسكريل-وهل يمكن تعديل الاسم رباعى بدون عمل اكونت جديد ايضا فى نتلر وسكريل ولك منى جزيل الشكر

  8. من فضلك انا سجلت على نتلر ومشيت على الخطوات لكن من غير إرسال للوثاءق وجيت اشحن الحساب وجربت كارتين ديبيت لبنكين متخلفين وكارت كريديت لبنك منهم وكانت العمليات بتترفض ولما اتصلت بخدمة العملاء للبنكين قالوا إن التحويل لنتلر اتحظر من البنك المركزى زى شركات الفوركس
    هل فيه طريقة لشحن الحساب؟

      1. شكرا لردك
        انا فهمت أن البطاقات موقوفة
        طيب فى حالة وسيط نتلر أفعل اصلا الحساب ازاى علشان يستقبل منه؟
        وهل ممكن ربطه بالباى بال ؟
        وكان فيه أحد الإخوة سأل أن عنده صديق ممكن يحوله من بطاقته من خارج مصر لشحن الحساب فهل نتلر يوافق يستقبل من بطاقة باسم شخص آخر غير صاحب الحساب
        وشكرا لحضرتك

      2. استاذة ايمان
        علشان تبدئى اول خطوات تفعيل نتلر لازم حسابك يستقبل اقل شىء 5 دولار وبعدها تفعلى بدون مشاكل
        ثانيا ما اعرفه عن شحن نتلر باسم اخر ممكن لكن لو صاحب البطاقة قدم شكوى لنتلر الحساب هيتوقف والمبالغ سترد للبطاقة مهما كانت
        تقبلى تحياتى

  9. محتاج اعرف حاجة مهمة هل النتلر حاليا يمكن ربطه بالباي بال او تم ايقافه العامل مثل بايونير ؟؟

  10. السلام علكم اخى هل نتلر يقبل دوله مصر ويقبل ارسالالطاقه المصرفيه

  11. السلام عليكم
    اشكرك استاذنا على الشرح والتوضيح وجزاك الله عنا خيرا
    سؤال انا كتبت العملة اليورو عن طريق الخطأ
    فهل يمكن تغييرها الى الدولار ؟
    وكيف ذلك؟

  12. السلام عليكم اولا كل سنة وحضرتك طيب ومتشكر جدا ع الشرح الجميل دة لكن عندى سؤالين ارجو توضيحهم
    انا كنت سجلت ع نتلر من فترة وحاليا عاوز اشحنه لكن المشكلة انى لما سجلت عملته باسم ثنائى اسمى واسم جدى
    حضرتك تنصحنى اقفل الحساب دة واعمل واحد جديد بالاسم كامل دفعا للمشاكل ولا احاول اكلم الدعم يعدلوا الاسم ؟
    السؤال التانى هو اى وسيلة افضل للشحن حاليا من وجهة نظرك فيزا البريد ولا ترافيلى تشويس cib ؟

    1. استاذ محمد
      كل سنه وحضرتك طيب وزوار الموقع الاعزاء طيبين جميعا
      نصيحتى سجل حساب من جديد واعمل اسمك فيه رباعى كمان يعنى اكتب فى First Name اسمين وفى last name اسمين وريح دماغك
      ثانيا ان المفروض ان الفيزتين شغالين بدون مشاكل اختار مايناسبك منهما
      تقبل تحياتى

      1. متشكر جدا ع اهتمام وسرعة حضرتك ف الرد وان شاء الله هعمل كدة بس مش ممكن يعطلوا الحساب لو وجدوا ان ف تشابه ف البيانات بينه وبين التانى معلش هتقل عليك انا

      2. لما تعمل الحساب غير من حروف اسمك مثلا اعملها كلها كابيتال حروف كبيرة وخلى الاسم رباعى او خماسى وفى العنوان غير بعض الحروف مثلا اعمل حرف e يبقى i المهم فى المجمل يكون مختلف انا عملت كده وشغال ومعاية حسابين

      3. تمام طب انا لو عملت اغلاق للحساب الاول دة هيحصل حاجة؟ عشان عاوز اسجل بنفس الgmail اللى عامل بيه الاكونت اللى فيه بيانات غلط دة معلش تاعبك انا

      4. طب وليه التعب دا
        ما تعمل جيميل جدا على متصفح تانى وسجل حساب جديد بالجيميل الجديد
        بدل ما تدخل نفسك فى اغلاق حساب وفتح حساب ودا بياخد وقت ووجع دماغ
        الموضوع بسيط جدا

      5. انا كنت بستفسر بس عشان لو اغلاق الحساب دة مفيهوش مشاكل ابقى خلصت منه وريحت دماغى خالص بدل ما يحصل بعد فترة من التعاملات اى مشكلة بسبب الاكونت القديم بس انت خلاص كدة جبتلى المفيد وبعدين بتقول انك جربت ومفيش مشاكل يبقى خلاص ومتشكر جدا لاهتمام حضرتك وتعبك معايا دة

  13. بعد اذن حضرتك دلوقتى انا عندى رصيد ع نتلر وعايز احوله لحساب بنكى لصديق ليا فى السعودية على حسابه البنكى بس انا مقيم بمصر فهل هذا مسموح وايه الطرق

      1. طيب انا دلوقتى عندى حساب على نتلر عليه مبلغ شحنته من خلال فيزا انترنت وعايز اصرف المبلغ ده ايه الحل بخلاف الوسطاء

      2. وبعتذر عن كتر الاسئلة بس عندى استفسار اخر
        دلوقتى انا حماتى عندها حساب ع البنك الأهلى هل ينفع احول المبلغ عليه ولا لازم اعمل اكاونت ب اسمها
        وهل فيه حد اقصى للتحويل للبنك لو حسابى غير مفعل
        وهل فى اسوأ الظروف ممكن ماقدرش اصرف المبلغ ال موجود ع نتلر
        وشكرا جدا لحضرتك

      3. مفيش مشكلة فى الاسئلة
        لازم يكون الحساب اللى هتحول عليه باسمك او تعمل اكونت باسم حماتك
        الحساب الغير مفعل فى نتلر له حدود فى التحويل اليومى 100 دولار وعند تفعيل البطاقة 500 دولار وعند التفعيل بالوثائق 5 الاف دولار
        وفى اسؤ الظروف ممكن تبيع الرصيد بتاعك فى نتلر الى وسيط وتقريبا سعر الدولار مع الوسيط 10 جنيه

      4. شكرا جدا لحضرتك ولمجهودك
        بس حضرتك تقصد بتفعيل البطاقة ال هى بطاقة الفيزا ال شحنت نتلر من خلالها لانى مفعلها وقالى انى ممكن اسحب منها حد اقصى 250 دولار فى كل عملية شحن ل نتلر ع 3 مرات
        وهل ممكن استخدم نفس الفيزا على حساب تانى ع نتلر ولا هيبقى فيها مشكلة
        وشكرا جدا لحضرتك

  14. السلام عليكم ممكن استفسار حضرتك و اسف جدا لو هطول بس ياريت تفيدني ضروري
    حضرتك انا عملت الحساب و عاوز اشتغل عليه في الفوركس شركة xm
    دلوقتي حضرتك البنك بيقبل فيزا البريد المصري يعني اودع في البنك من الفيزا دي و اسحب من البنك عليها ؟

  15. شكرا اخي على الشرح .. لقد تابعت شرحك واتممت التسجيل … لكن لي سؤالين
    بعد التسجيل .. اريد ان اطلب الماستر كارد البلاستيكية الخاصة بنتلر .. هل لابد ان يكون في حسابي رصيد ؟ اقصد ” مفعل بمبلغ من المال ” ؟

    1. سؤالي التاني هل في طريقة سهلة لاستلام البطاقة غير طريقة البريد ؟ وتكلفتها كام .. وشكرا مقدما 🙂

      1. حضرتك ليا سؤالين
        هوا . التفعيل ينفع ببطاقة فيزا انترنت البنك الاهلي او بنك مصر
        وهل بردوا ينفع الجفت كارد تبع بنك جريدي اجريكول .. ينفعوا في التفعيل

        اخر سؤال .. هل انا دلوقتي من غير ما افعل الحساب ينفع اسحب من المواقع عليه .. ولا لازم التفعيل الاول

  16. السلام عليكم ((انا عمر من مصر ))
    اولا : كيف يمكنني شحن حساب نتلر اذا كنت لا املك فيزا او ماستر كارد ؟؟
    ثانيا: هل تصل البطاقة الي مصر ام لا وكم من الوقت تاخذ لتصل؟؟
    ثالثا: هل ازالوا الدفع باستخدام كاش يو ام لازالت موجوده؟؟
    اسف علي كثرة اسئلتي
    وشكراا

    1. تشرفنا دائما باى سؤال استاذ محمد
      ممكن ان تشحن حسابك فى نتلر ومنها عن طريق بنك سكريل وايضا بتكوين والماستر كاردب الطرق التى يوضحها بنك نتلر بالاضافة ايضا عن طريق الوسطاء ولا يوجد استخدام حاليا للكاش يو

  17. طيب انا عاوز افعل باى فيزا ينفع مثلا افعل بفيزا افتراضية من اللى بتتباع من على النت ولو ينففع احصل عليها ازاى لانى مش عارف زكمان انا عاوز اضارب فى شركة الفوركس فلو حققت ارباح وسحبت ارباحى على نتلر اسحبهم ازاى نقدا بعد كدة

    1. تقدر تفعل باى بال بفيزا من النت بس الافضل زى ما قلت لك انها تكون من بنك حقيقى زى CIB
      اما بخصوص الفوركس فيمكن السحب من شركات الفوركس عن طريق الحساب البنكى مباشرة او يمكنك فتح حساب فى نتلر او سكريل ومن هذين البنكين تحول على حسابك البنكى فى السعودية ولو رجعت مصر يمكنك اضافة حسابك البنكى فى مصر الى سكريل او نتلر وستجد فى الموقع فى قسم البنوك الالكترونية كل شىء عن هذين البنكين وايضا بنوك اخرى

  18. استاذى الفاضل لدى ثلاث اسئلة ارجو من حضرتك ان تفيدنى بالاجابة ولك جزيل الشكر

    اولا – انا اريد ان افتح حساب فى نتلر ولكن انا مصرى مقيم فى السعودية ولدى باسبور مصرى فهل بمقدورى وانا مقيم فى السعودية ان افتح حساب فى نتلر وافعل الحساب بالباسبور المصرى المكتوب فية عنوان سكنى فى مصر وانا حاليا مقيم فى السعودية ولو ماينفغش اية الوثيقة البديلة عن الباسبور لتفعيل نتلر

    ثانيا- لو ينفع افعل حسابى فى نتللر بالباسبور المصرى وانا مقيم فى السعودية ماذا اكتب فى خانة العنوان عند التسجيل فى نتلر هل اكتب عنوانى فى السعودية ام اكتب عنوان سكنى المكتوب فى الباسبور وهو عنوانى فى مصر

    ثالثا- تنصحنى باى بنك فى السعودية استخرج منة فيزا لكى ازيد تفعيل حسابى فى نتلر بالفيزا

    واخيرا لك جزيل الشكر على ها الموقع الرائع الذى نستفاد منة كثيرا

    1. م/محمد
      بخصوص فتح حساب فى نتلر فممكن تفتح حساب فى نتلر وتفعل بجواز السفر المصرى وتكتب الاسم والعنوان بتاعك فى نتلر كما هو فى جواز السفر المصرى
      بخصوص البنوك فى السعودية فاعتذر انا اسمع فقط عن بنك اسمه الراجحى انما لو عندكم بنك CIB يبقى هو دا اللى بحترمه فقط وتقبل تحياتى اخى

  19. لدى حساب نتلر وسوف استقبل عليه اموال من شركه وانا حسابى مفعل هناك سؤال لو رغبت فى تحويل المال الى حسابى البنكى كم النصاريف وكم الوقت للتحويل وهل يوجد تقديم مستندات بنكيه الى نتلر لتحويل المال

    1. استاذ محمد عوض
      لا اعرف المصاريف بالضبط لانها تعتمد على المبلغ انما اللى انا متاكد منه ان نتلر سيطالبك بكشف حساب بنكى بعد التحويل مباشرة وايضا التحويل سيتم بعملة غير الدولار وهى اليورو او الجنية الاسترلينى هذا ما انا متاكد منه

  20. لوسمحت يافندم انا رصيدى فى نتلر 10دولار والبنك ارسل لى رسالة تفيد بان الايداع قليل فى البنك ويحفزنى على الايداع والتعامل اكثر ولكن ليس لدى الرغبة الان فى التعامل مع البنك خلال شهرين قادمين هل البنك ممكن يغلق حسابى بسبب رصيدى الصغير هذا اذا لم اودع اكثر من 10دولار خلال الشهرين القادمين

    1. الاستاذ حسن
      بنك نتلر يرسل رسائل ترويجية مثله مثل اى بنك ( سكريل – باى بال – ويب مونى) دائما يفعلون ذلك
      واطمئن استاذ حسن بنك نتلر لا يغلق اى حساب حتى لو لم تفتح حسابك فى بنك نتلر لشهور او حتى لم تضع فيه اى اموال
      انا عن نفسى كان حسابى صفر لمدة 4 شهور او اكثر ولم يغلق حسابى والان قمت بتفعيل حسابى تفعيل كامل منذ شهرين

  21. لوسمحت يافندم انا بعد ماسجلت فى نتلر تم قبول التسجيل بنجاح وجائتنى رسالة جزء من الرسال ترجمتة ولكن بردك لم افهم هو عاوزنى اعمل اية بالموبايل هذا هو الجزء الذى لم افهمة ارجو من حضرتك شرحة لى لو تكرمت

    Enhanced security

    Add another layer of security to your account by enabling two-step authentication. By entering the code from a virtual token on your smart phone whenever you sign in, you can make your account more secure. To enable two-step authentication sign in and visit the Settings page, then add two-step authentication to your account.

    1. الاستاذة جيهان
      هذا جزء من رسالة بنك نتلر يعرض عليكى فيها تفعيل زيادة الامان عند الدخول الى حسابك فى نتلر يتم ارسال كود الى المحمول حتى تستطيعى الدخول الى الحساب وتسمى المصادقة على الدخول الى الحساب من خطوتين
      اولا هى مهمة للهاتف المحمول او التابلت وانا عن نفسى لا استخدمها لانه لا يمكن عمل اى شىء فى الحساب الا عن طريق السكيور اى دى
      ان كنتى ترغبين فيها فقومى بتفعيلها مع انى لا انصح بذلك
      واى سؤال اخر لا تترددى فى طرحه وسنجيبك فورا ان شاء الله

  22. لدى سؤال من فضلك هل ينفع افتح حساب فى نتلر وافعلة بالفيزا والباسبور والاسئلة السرية فى نفس الوقت يعنى هل باءمكانى التسجيل لفتح حساب فى نتلر واقوم بتفعيل الخطوات الثلاثة فى نفس الساعة بعد ما قمت بالتسجيل ولا انتظر مثلا يوم واقوم بعدها بالتفعيل

    1. الاستاذة /جيهان مرحبا بكى
      بخصوص سؤالك الاجابة نعم يمكنك فتح حساب نتلر وشحنه وعمل الاسئلة السرية وتفعيلة بجواز السفر فى ساعة واحدة

  23. لو سمحت يا فندم توجد خانتين للعنوان عند التسجيل فى نتلر (street address) و (street address optional) فى موقع الفوركس العربى اون لاين بيشرح ويقول عند التسجيل فى نتلر اكتب المقطع الاول من العنوان فى خانة (street address) واكتب باقى العنوان فى خانة (street address optional) انا مش فاهم يقصد اية يعنى يقصد ان اكتب اسم الشارع ورقمة فقط فى خانة (street address) واكتب باقى عنوانى وهو الحى ثم المدينة ثم المحافظة فى خانة (street address optional) هل ما فهمتة صيح ام لا

    1. الاستاذ محمد
      المدينة لها خانة مخصصة بها اما عن سؤالك لنعطى مثال
      عنوانك مثلا 10 شارع محمد المتفرع من شارع ابراهيم فنكتب فى المقطع الاول من العنوان باللغة الانجليزية
      10 Mohamed st
      وفى الخانة الثانية نكتب
      from Ebrahem st
      والمدينة فى الخانة المخصصة لها
      ارجو ان يكون المثال قد وضح لك ما ترغب فى السؤال عنه

      1. معلش يافندم انا الامر مختلط على شوية هذا هو عنوانى كيف اقوم بكتابتة فى الخانتين بطريقة صحيحة

        (55ali st – kafr eleelo – helwan – cairo)

        وماذا اكتب فى خانة city كفرالعلو ام اكتب حلوان
        ولى سؤال اخر لوسمحت يوجد ناس بتشرح هذا الموضوع وبتقول العنوان بالكامل فى الخانة الاول والخانة التانىه اتركها فارغة هل هم مخطئين ام ان طريقتهم ايضا صحيحة وانا متاءسف على اسئلتى بس انا عاوز افتح حساب بنتلر دون اية اخطاء حتى لايقومو بغلقة وكمان لو حضرتك ينفع تدلنى على وسيط اتعامل معاه فى شحنة وسحب الارباح منة عن طريق شركة فروركس

      2. استاذ محمد
        بحصوص ان العنوان فى خانة واحدة كما يقول البعض فهو ايضا صحيح وكما نقول كل شيخ وله طريقة اما طريقة كتابة عنوانك فستكتب فى الحانة الاولى
        55ali st – kafr eleelo
        وفى الحانة الثانية helwan وفى المدينة ستكتب cairo
        احيرا لو انك ستفعل بنك نتلر بالوثائق فاهم شىء جواز السفر يجب ان يكون لك جواز سفر لانه الوثيقة الوحيدة باللغة الانجليزية والمعتمدة للمصريين فى نتلر ومن جواز السفر ستنسخ اسمك بالضبط كما هو فى جواز السفر يعنى لو هتفعل نتلر لازم يكون معاك جواز سفر قبل حتى ما تسجل الحساب وبحصوص الوسيط فالموقع معتمد وضامن للوسيط المعروف دكتور بيتر وجيه من اسكندرية ويمكنك ان ترسل لى رسالة من نموذج اتصل بنا حتى ارسل لك كل وسائل الاتصال به
        واى شىء لا تتردد فى السؤال

      3. يافندم ciro دى المحافظة وليست المدينة و helwan المدينة التابعة لمحافظة القاهرة ومش المفروض ان اكتب حلوان فى خانة city بدلا من القاهرة وهذا هو عنوانى فى الباسبور بالنص هو كلاتى ومكتوب بالعربى ( 55ش على كفرالعلو -حلوان)
        ومعلش انا مكسوف من حضرتك و انا عارف ان انا اثقلت على حضرتك ودة اخر سؤال بعد اذنك اكتب اية فى كل خانة من الخانات طبقا لعنوانى الموجود فى الباسبور
        الخانة الاولى والخانة الثانية وخانة city

      4. استاذ محمد مفيش كسوف ولا اى حاجه واى سؤال لا تتردد ابدا انك تطرحه علينا
        وبالفعل انا رديت على سؤال وانا مستعجل فى المرة الاولى وانته صح العنوان يتكتب فى الخانة الاولى 55ش على
        وفى الخانة الثانية كفرالعلو وفى ختمة city هتكتب حلوان والمحافظة هتتختارها من اختيارات البنك
        تقبل تحياتى

  24. اولا السلام عليكم
    اريد ان استفيد من سيادتكم .
    بعد الانتهاء من فتح حسابى فى بنك نيتلير والدخول على صفحة حسابى وجدت اكتر من نوع للفيزا استعدادا لشحن رصيدى وبناءا عليه السوال هو
    هل استطيع شحن حسابى فى بنك نتيلير من فيزا البنك الاهلى المصرى حيث ان هذه الفيزا تم شحن حساب اخر على نتيلير قبل ذالك . لان هذه الفيزه لاخى الى ان استخرج الكريديت كارد الخاص بى ……..
    هل يمكن ان يتم شحن اكتر من حساب فى بنك نتيلير بنفس الفيزا

    1. الاستاذ محمد ابراهيم
      مع الاسف لا تستطيع ان تقوم بشحن حساب اخر فى بنك نتلر بهذه الفيزا ويجب ان يكون اسم صاحب الفيزا مطابق لاسم صاحب الحساب
      وايضا تستطيع اضافة خمسة بطاقات ماستركارد او فيزا لبنك نتلر المهم ان يكون جميعهم باسمك
      برجاء مراجعة هذا الموضوع لتعرف المزيد

      http://forexarabonline.com/neteller-deposit-with-mastercard/

      اما رقم خدمة عملاء بنك نتلر تجده داخل حسابك فى بنك نتلر

    1. تواصل معنا استاذ محمد من نموذج اتصل بنا اعلى الصفحة وسنرد على استفساراتك وطلباتك فورا

  25. ارجوك يا اخى ممكن حضرتك تشرح باقى الخطوات فى نتلر وهى التفعيل بالوثائق وشحن الحساب بالطرق المعروضة وكل شى عن هذا البنك وانا احييك على شرحك السهل والرائع

    1. شكرا لك الاخ محمد وسيتم ان شاء الله شرح كل ما طلبت فى مقالات اخرى قريبا ان شاء الله فتابعنا على الموقع وستجد كل ماطلبت موجود ان شاء الله
      تقبل تحيات الموقع

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

زر الذهاب إلى الأعلى