السحب من paypal بفيزا البريد المصرى
السحب من paypal باستخدام فيزا البريد المصرى اصبح الان متاح بعد ان قام موقعنا الفوركس العربى اون لاين بعمل تجربة للتاكد من امكانية سحب الاموال من بنك paypal باستخدام فيزا البريد المصرى وكانت التجربة ناجحة
السحب من paypal باستخدام فيزا البريد المصرى
أفضل شركات الفوركس المرخصة من الهيئات الرقابية
فتح حساب اسلامي مع شركة EXNESS
فتح حساب اسلامي مع شركة IC Markets
قناة الموقع على اليوتيوب https://youtube.com/@ForexArabOnline
قناة الموقع على https://www.tiktok.com/@forexarabonline Tiktok
كانت من اكبر العقبات سابقا امام المصرين هى الحصول على اموالهم التى ربحوها على الانترنت بعد ان قاموا بتحويلها الى بنك paypal ولم يكن امامهم الا التعامل مع الوسطاء المعتمدين لبيع هذه الاموال وبالطبع كانت هناك فروق اسعار اما الان اصبح من السهل الحصول على اموالهم مباشرة من بنك paypal باستخدام فيزا البريد المصري
والتى من السهل الحصول عليها من اى مكتب بريد ثم تفعيل حساب paypal بفيزا البريد المصرى بمنتهى السهولة
كيفية السحب من paypal بقيزا البريد المصرى
نقوم بالدخول الى حسابنا الشخصى فى بنك paypal من خلال هذا الرابط
تظهر لنا صفحة الحساب الرئيسية واسفل رصيد الحساب نضغط على كلمة Withdraw funds كما هو موضح فى الصورة التالية رقم 1
يدخلنا بنك paypal الى صفحة سحب الاموال فنجد فى المربع الاول المبلغ المتاح للسحب واما المربع الثانى نكتب فيه المبلغ الذى نريد سحبه ثم نضغطة على كلمة Continue كما هو موضح فى الصورة التالية رقم 2
يحولك بنك paypal الى صفحة مراجعة العملية فتجد فيها قيمة المبلغ المسحوب وتجد رسوم عملية السحب وهى 5 دولار لاى مبلغ تريده وتجد نوع الكارد وهى فيزا Visa والسطر الاخير هو رقم الفيزا ويعطيك بنك paypal تنبيه ان هذه العملية تستغرق من 5 الى 7 ايام عمل يعنى على اقصى تقدير 10 ايام عادية واخير تقوم بالضغط على كلمة Withdraw كما هو موضح فى الصورة التالية رقم 3
ستجد البنك يحولك الى الصفحة الخضراء وهى اتمام عملية السحب بنجاح فقم بالضغط على كلمة Go To Summary كما هو موضح فى الصورة التالية رقم 4
يعيدك بنك paypal الى صفحة الحساب الرئيسية وبعد نصف دقيقة او اقل قم بعمل ريفريش للصفحة فتجد ان عملية السحب قد ظهرت لك بكل تفاصيلها كما هو موضح فى الصورة التالية رقم 5
مبروك عليك تم السحب من paypal بنجاح
ان كان الموضوع قد افادك فبرجاء مشاركتة عبر ايقونات مواقع التواصل الاجتماعى اعلى الصفحة ليستفيد منه الجميع
وان كان هناك اى استفسار عن كيفية السحب من paypal بفيزا البريد المصرى
فلا تتردد فى كتابته فى مربع التعليقات وسنقوم بالرد عليه ونشره ان شاء الله
ولتتاكد من الرد على تعليقك قم بالتاشير على المربعين قبل الضغط على ارسال التعليق كما هو موضح فى الصورة التالية
مواضيع ذات صلة
طريقة تامين حسابات البنوك الاكترونية
طريقة اضافة الحساب البنكى الى سكريل
شرح التسجيل فى بنك webmoney وتفيعل الحساب
طريقة التسجيل في بنك neteller بالنظام الجديد
شرح التسجيل فى بنك payeer بالصور والفيديو 2022
لو سمحت انا عرفت ان تم التعامل مرة اخرى مع الباى بال وكلمت خدمة عملاء البريد وعملت الفيزا والحساب وكل حاجة وحولت الفلوس وقالى هيتم تحويلها ف خلال من 5 ل7 ايام وبعدين بعد 4 ايام دخلت لقيت العملية refund ورجعت الفلوس على الحساب تانى طيب دا سببه اى ؟
سببه هنا من مصر وفي البريد الناس هنا متعرفش اي حاجة في البطيخ بيرددوا اللي اتقال لهم وبس مع الاسف
طب اي الحل انا عوزه اسحب الفلوس
ينفع ابعتها علي البايونير واسحبها من هناك ولا الحل اني اعمل فيزا تبع بنك
انا عملت في cib بس طبعت من نوع الماستر مش الفيزا فقلت البريد اسهل طب لي العمل دلوقتي
حضرتك تواصلي مع وسيط يشتري من حضرتك المبلغ لو امكن ذلك
هذا هو الحل الامثل
تقبلي تحياتي
هل مازال السحب عن طريق الفيزا معلق ام رجعت تانى إمكانية السحب من خلال فيزا البريد المصرى من بأى بال
جربى استاذة فاطمة فيزا البريد المصرى
السلام عليكم هل بنك نتلر مغلق ايضامثل بيبال أم يمكن السحب عليه وهل السحب يكون بالدولار أم بالجنيه؟
استاذة منال
مفيش مشكلة فى نتلر المشكلة هنا فى بنوك مصر هى اللى بترفض حوالة نتلر
طيب يعني حاليًا معلش ايه أفضل طريقة أستقبل بيها فلوس من بره غير ويسترن يونيون لأني عندي مشكلة كبيرة وشكرا لحضرتك
بنوك الكترونية مثل
سكريل ونتلر وويب مونى وبيرفكت مونى
استاذة منال
هل يمكن عمل حساب علي باي بال حاليا يافندم وأقدر أسحب منه ازاي ؟
استاذ محمد
باى بال موقف فى السحب للمصريين
معلش انا لازم اربط حساب الباي بال بالفيزا بتاعتي عشان تقدروا تسحبوا ليا المال منها؟
نعتذر استاذ احمد لا نسحب الا من مصدر شركات مباشرة فى باى بال
ما معني مصدر شركات؟
هذا يعنى ان تضع الميل الخاص بى فى باى بال بالشركة التى ستسحب منها ويتم التحول مباشرة الى حسابى من الشركة
لوسمحت هل تم وقف التعامل مع الباى بال فى مصر نهائى وتجميد الحسابات المصرية
هذا صحيح استاذة شيماء
تم وقف التعامل مع الباى بال فى مصر نهائى وتجميد الحسابات المصرية
شكرا لحضرتك بس سؤال تانى هو فى اى بنك الكترونى تانى اقدر اتعامل معة
ايوه استاذة شيماء
بنك نتلر و بيرفكت مونى و ويب مونى و سكريل
كلهم تقدرى تتعاملى معاهم عن طريق وسيط تشترى منه او تبيعى له بسهولة وموقعنا يقدم خدمة الوساطة المالية
برجاء مراجعة هذه المقالة
https://goo.gl/yDM161
الوسطاء بيرفضوا سحب مبالغ صغيرة .. في ناس بتقول إن بطاقات Dixipay أو Payoneer بتنفع ويتسحب بيها مصري من ATM ؟؟
استاذة سمر
نحن فى الموقع على استعداد لسحب اى مبلغ مهما كان حتى ولو كان واحد دولار فقط
برجاء تواصلى معنا على تليفون 01067711929
كيف يمكنكم المساعده في سحب المال من باي بال؟
حضرتك ممكن تتواصل معى على هذا الرقم
01067711929
السلام عليكم اشكر ردكم واهتمامكم للرد على كافة الاستفسارات
ازا كان لا يمكن ربط الباي بال الا مع بنك امريكي فما هي طريقة عمل فيزا مع بنك امريكي وما هي الرسوم ؟
حقيقة لا اعرف هذا الامر اعتقد انه خطر لانه يجب ان تكون بيانات امريكية صحيحة لشخص امريكى
لان باى بال ممكن يطلب اثبات سكن او اثبات شخصى للحساب الامريكى
بعد السلام عليكم شكرا لكم على هذا الجهد القيم عندي فيزا البنك الأهلي وهل يمكن أن أربطه ببيبال وكيف الطريقة؟ شكراً
باى بال اتقفل نهائى استاذ ثوبان
وتم وقف التعامل معه بقرار من البنك المركزى
ارجوك رد عليا سؤالين
1- انا عندي دولارات علي موقع و بيقبل التحويل فقط علي باي بال هل ممكن احول علي حساب باي بال غير مفعل ؟
2- لو ينفع هل ممكن اعمل اعلانات علي الفيس بوك عن طريق نفس حساب الباي بال الغير مفعل ؟
3- لو مينفعش اية احل عشان قالولي مش هتعرف تفعل حساب الباي بال في مصر الان
استاذ كريم
مع الاسف
لا يمكن التحويل على باى بال مصرى غير مفعل
وانا عندى حساب باى بال مصرى ومفعل بس مقدرتش اعمل عليه اعلان فيس بوك مع ان حسابى مفعل بنسبة 100%
انا باستخدم باى بال غير مصرى
مع الاسف هى مقفلة معاك انا عارف بس دا بسبب قرار البنك المركزى المصرى اللى وقف التعامل مع باى بال باى فيزا
اخيرا الحل هو انك تسحب من الموقع على حساب باى بال لاحد الوسطاء المعتمدين اللى بيتعاملوا مع باى بال
ولو عايز انى اساعدك فى السحب ارسل لى على نموذج اتصل بنا رسالة وانا ارد عليك
http://forexarabonline.com/contact-us/
وانا اتفق معاك على كل شىء
تقبل تحياتى
اولا شكرا جدا لحضرتك
ثانيا ممكن اعرف اد اية الفلوس
معلش اخر سؤال ممكن نوع الفيزا اللي اقدر اعمل بيها اعلانات علي الفيس بوك و البنك و احط الفلوس بالدولار ولا المصري و شكرا جدا لتعبك
ممكن تشوف ماستر كارد ترافلى تشويس من CIB
الفلوس بتاعة الماستر كارد على ما اذكر 30 جنية والدفع بالجنية
للاسف وقف التعامل بها ممكن طريقة تانية
للاسف وقف كل شىء مع باى بال فى مصر
لسا مفيش بديل لفيزا البريد المصرى لعملية السحب من الباى بال
استاذ احمد
اعتذر عن تاخرى فى الرد لانى كنت مسافر فى اجازة
مع الاسف ليس هناك حل حتى الان
لو سمحت حضرتك ممكن اعرف ازاى اشترى تطبيقات من جوجل وبرامج واى نوع الفيزا اللى ممكن اشتر بيها
ممكن تشترى بماستر كارد ترافلى تشويس
حل مشكلة وقف التعامل بفيزا البريد اريد سحب اموالي من الباي بال وايضا لايقبل الوسطاة
ماهو الحل
هل هناك طريقة لسحب الاموال من الباي بال
استاذة رونا
ان كان الباى بال خاصتك يقبل ان ترسلى الى حساب اخر فانتى مشكلتك محلولة بان ترسلى للوسطاء المعتمدين المبلغ
اما اذا كان لا يقبل مش عارف اقولك ايه كل واحد بيقول كلام ومش متاكدين منه
تقبلى تحياتى
السحب على فيزا البريد المصري اتوقف بقرار من البنك المركزي وذلك بعد الاتصال بخدمة عملاء البريد المصري والاستفسار عن هذه الامكانية.. ارجو توضيح اي طريقة استطيع من خلالها سحب هذا المبلغ من هذا الباي بال !
ممكن هى حضرتك تقولى افضل فيزا ممكن استعملها اية انا معايا بايونير بس هى ماستر كارد
استاذة شيماء
بنك paypal اوقف التعامل منذ فترة مع ماشتر كارد بايونير
شكرا لحضرتك ممكن تقولى افضل فيزا ممكن استعملها مع الباى بال
فى مصر لايوجد لانه قرار البنك المركزى المصرى
لو سمحت انا سمعت ان البنك المركزى وقف التعامل بيها هل الكلام دة صحيح ولو فى حد عملها الايام دى ممكن اعرف وهل اقدر اسحب عن طريقها فلوس تحويل البيتكوين ولا
نعم هذا الكلام مع الاسف صحيح والبنك المركزى المصرى فعلا وقف التعامل مع البنوك الالكترونية بفيزا البريد المصرى
هل ممكن اربط حساب الباى بال ببنك مصرى ليتم استقبال الاموال علية بدلا من الاستلام على الفيزا … و الطريقة ازاى لو سمحتوا ؟
استاذ محمد
لايمكن ربط الباى بال باى بنك الا مع البنوك الامريكية فقط
وغير متاح للسحب من باى بال الا عن طريق الفيزا وليس الماستر كارد يعنى يكون مكتوب على البطاقة كلمة visa
تقبل تحياتى
السلام عليكم
ما بطاقات الفيزا مسبقة الدفع التى تقبل الاستلام عليها من الباى بال بالدولار الامريكى مثل dixipay ؟
توجد بطاقة فيزا البريد المصرى وتاكد انه يجب ان تكون فيزا وليس ماستر كارد حتى تستطيع السحب بالفيزا من باى بال لكن فى مصر لن تستلم من باى بال الا بالجنية
السلام عليكم شكرا يا باشا على المعلومات القيمه
بس هو حضرتك فعلا فعلا استلمت ؟؟؟
لان مش معنى ان الفلوس اتخصمت من الباى بال يبقا كدا وصلت لحضرتك
لان انا معايا مبلغ بيتخصم وبعد اسبوع بيرجع باى بال تانى
وعليكم السلام
انا محصلتش معايه ان الفلوس رجعت باى بال تانى والحمد لله
انا معاية السحب تم على 18 دولار من باى بال وقد وصل بالفعل على فيزا البريد المصرى مبلغ 13 دولار وتم تحويلهم تلقائيا الى الجنيه المصرى وكان سعر الدولار 8.88 جنية
لا انا الصراحه مجربتش على فيزا البريد
انا بيحصل معايا كدا على الفيزا بتاعت QNB
على العموم شكرا جدا لحضرتك وعلى ردك
فيزا بنك قطر qnb مبقتش تسحب من باى بال
بجد انا مش عارفة اشكرك ازاى على الموضوع القيم جدا ده !!! بجد موضوع راااااااااائع مثل كاتبه ما شاء الله عليك
و لو تسمحلى انا عندى بس كام سؤال كده :
– هو الحد الادنى للسحب كام ؟
– و كم الرسوم عند السحب من ماكينة البريد ؟ وكم الرسوم برضو عند السحب من اى ماكينة غير تابعة للبريد ؟
– ممكن اسحب من مكتب البريد ؟ و لا لازم من الماكينة ؟ و هل هيكون فيه رسوم لو سحبت من مكتب البريد ؟
– كم عمولة تحويل العملة فى حالة استلام مبلغ بالدولار ؟ و هل هتكون فيه عمولة تحويل عملة برضو لو اشتريت بيها حاجة بالدولار ؟
– و اخر سؤال بعد اذنك و ده بجد سؤال يهمنى جدا : ممكن بعد ما اعمل الفيزا دى اروح مكتب البريد و اطلب منهم استخراج كشف لكل معاملات الفيزا ؟ و لو كان ممكن فهل هيكون العنوان فى الكشف هو عنوانى فى البطاقة و لا العنوان اللى انا كاتبته فى الاستمارة ( عنوانى الحالى ) ؟ و ده علشان عايزة استخدمه فى تفعيل حسابى الجديد فى ادسنس و طبعا زى ما حضرتك عارف مينفعش يكون نفس العنوان اللى انا كنت مسجلة بيه قبل كده ( اللى هو عنوانى فى البطاقة )
و بجد اسفة جدا طولت عليك
و شكرا ليك بجد كمان مرة مع ان كلمة شكرا قليلة عليك
و للأمام دايما ان شاء الله
شكرا ليكى استاذة مى مصطفى
اجابتك على الاسئلة دى كلها عايزة مقالة لوحدها وعلى العموم هجاوبك على قد معرفتى
1- الحد الادنى للسحب اكثر من 5 دولار يعنى من 6 دولار فما فوق لان عمولة باى بال 5 دولار على اى عملية
2- الرسوم عند السحب من ماكينة البريد كما اخبرونى صفر ومن اى ماكينة اخرى 8 جنية فما فوق على العملية وكل ماكينة حسب البنك بتاعها
3- لا يمكن السحب من مكتب البريد التعامل مع الفيزا بالسحب عن طريق ماكينة ATM
4- بالنسبة للاستلام مفيش عمولة انما بيحسبوا الدولار بسعر البنك المركزى الله يرحمه لكن فى الشراء بيحسبوا الدولار بسعر السوق السودا ربنا ينتقم منها
5- يمكن استخراج كشف معاملات على الفيزا ودا حسب المكان اللى انتى عايشه فيه يعنى لو فى القاهرة بتستخرجى الكشف فى تانى يوم لو محافظة غير القاهرة ممكن الكشف يتاخر بعد اسبوع والرسوم 20 جنيه
اخيرا كشف الحساب البريد ليس له علاقة بادسنس – ادسنس لما بيبعت البن كود بيبعته على العنوان اللى انتى مسجله بيه فى ادسنس هنقول مثلا انتى مسجلة فى ادسنس انك من شبرا لكن انتى ساكنه فى مكان اخر – كل اللى هتعملية هتعرفى طبعا ميعاد وصول البن كود بتاع ادسنس وتروحى للبريد تعرفى مين المسؤل عن التوزيع عن منطقة شبرا وتكلمية وتاديه رقم تليفونك ولما يوصل البن كود من ادسنس يتصل بيكى ويعطيكى الجواب وطبعا لازم تصبحى عليه $$$$$$ هههههههههه زى ما انا عملت بالظبط مع ادسنس علشان استلم البن كود بنفس الطريقة اللى قولت لك عليها
بجد شكرا لحضرتك على اهتمامك بأسئلتى و انا عارفة انها كانت كتيرة 😀 بس الحمد لله حضرتك مقصرتش معايا
و فعلا كل حاجة فى مصر ماشية بالتصبيح و الشاااااى هههههههه
و انا ان شاء الله هروح مكتب البريد يوم الاحد او الاثنين بالكتير علشان اطلعها .. بس ياريت حضرتك تقولى عنوان الفرع اللى طلعتها منه علشان مش كل الفروع عندها الفيزا دى و ياريت برضو تقولى ازاى اروحله بالمترو
و بالمناسبة انا سمعت ان الباى بال مش بياخد عمولة ال 5 دولار فى حالة لو حضرتك استنيت لأول الشهر .. بس مش متأكدة من المعلومة دى
و متشكرة جدا بجد كمان مرة على اهتمامك
تحت امرك استاذة مى فى اى وقت
بخصوص مكاتب البريد انتى تروحى لمكتب البريد الرئيسى فى منطقتكم ومع الاسف انا مش من القاهرة علشان اقدر احدد مكانه
لكن ممكن تتصلى برقم خدمة العملاء 0235315900 هيدلوكى على افضل مكان
بخصوص الباى بال اللى انا اعرفة انها بتسحب 5 دولار رسوم تحويل على اى مبلغ وفى وقت
تقبلى تحياتى
السلام عليكم ورحمة الله وبركاتة
اولا شكرا لكم علي مجهوادتكم في الشرح
ثانيا : لدي سؤال هام :
هل يجوز فتح حسابين في باي بال بنفس البيانات ؟
شكرا لكم
لا يمكن فتح حسابين فى paypal بنفس البيانات بل يجب تغير بعض البيانات خاصة فى الاسم فمثلا اذا كان احرف صغيرة تكون كبيرة مع تغير حرف او حرفين بما لا يغير معنى الاسم
شكرا للاستجابة السريعة والرد علي السؤال
سؤال اخر : هل من المفروض وضع الاسم في حساب الباي بال حسب الاسم المسجل علي الفيزا ؟ اقصد وضع الاسم بدون اي تغيير نهائيا
وشكرا لكم
بارك الله فيكم علي التعاون معنا وافادتنا
اولا الاسم غير مسجل على الفيزا انما مسجل على سيستم هيئة البريد وباللغة العربية فالتعاملات المالية برقم الفيزا وليس الاسم
يعنى الاسم الذى فى بنك باى بال لا يشترط ان يكون مطابق تماما لصاحب الفيزا
اها شكرا
انا كنت اقصد فيزا البنوك العادية وليس فيزا البريد المصري
انا اسف تاني في السؤال : يعني لو فيزا البريد يبقي ا ضع اسمي ولكن ليس بالظبط اليس كذلك ؟
شكرا لكم
اقصد تغير الاحرف من صغيرة الى كبيرة او تغير بعض الاحرف نفسها واعطيك مثال
انته ممكن تكتب اسم محمد بالانجليزية بهذا الشكل mohamed او MOHAMED او Mhamed او Mohamad او MOHAMAD
هذه خمس طرق لكتابة اسم محمد بالانجليزية وكل طريقة منها مختلفة وتعتبر اسم مختلف عند باى بال
وقيس على ذلك باقى الاسماء
ارجو انه يكون وضحت الفكرة وتحت امرك فى اى استفسار اخر
مرسي جدا ليكم انتوا حقيقى بتدموا كل جديد
الفيزا دى حلت مشاكل كتيرة لنا مع paypal
مشكورة استاذة سامية ونرجوا ان نكون دائما عند حسن ظنك
هوا اسم كارت الفيزا ايه بالظبط وبيطلع منين وبكام؟
الاستاذ المعتصم
كل المعلومات عن فيزا البريد المصرى ستجدها فى هذه المقالة
http://forexarabonline.com/egypt-post-visa/