اضافة الحساب البنكى الى Neteller شرح بالصور
شرح كامل بالصور لطريقة اضافة الحساب البنكى الى Neteller بطريقة صحيحة في دقيقة واحدة فقط حتى يتم ربط حسابك البنكى مع بنك نتلر.
عندما تريد السحب المباشر الى حسابك البنكى من نتلر اى كانت عملة حسابك البنكى التي تريد السحب بها.
فان بنك نتلر يدعم اكثر من 10 عملات رسمة يمكنك السحب بها من بنك Neteller.
قبل كل شيء نقدم لكم افضل شركات التداول المرخصة من الهيئات الرقابية والتي تم التأكد من مصداقيتها والسحب منها بدون قيود.
فتح حساب اسلامي مع شركة EXNESS
فتـح حساب اسلامي مع الشركة الأسترالية XS
فتح حساب اسلامي مع شركة IC Markets
قناة الموقع على YouTube
قناة الموقع على TikTok
اهمية اضافة الحساب البنكى الى neteller
سنقدم هذه الطريقة بإستخدام أجهزة الكمبيوتر التي تعمل بنظام الويندوز و IOS الديسك توب و أجهزة اللاب توب والأجهزة اللوحية.
ان اضافة حسابك البنكى فى نتلر يسهل عليك الكثير خاصة وان رسوم السحب من نتلر تعتبر منخفضة إلى حد كبير عن البنوك الاخرى مهما كانت عملة حسابك البنكى.
حيث تبلغ عمولة السحب 12.75 دولار في المعاملة كذلك بنك نتلر لا يسمح بالسحب المباشر منه إلا بطريقتين فقط.
الاولى عن طريق إضافة الماستر كارد الخاص في بنك نتلر كذلك السحب على الحساب البنكي الخاص بك في بلدك.
المطلوب عند اضافة الحساب البنكى الى neteller
اولا يفرض عليك بنك نتلر ان تقدم نسخة اسكانر من كشف الحساب البنكى الخاص بك وبه نوع عملة الحساب
على ان لا يكون تاريخ كشف الحساب البنكى لم يمر عليه اكثر من ثلاث اشهر
هذا هو المطلوب تجهيزه عندما تريد اضافة الحساب البنكى الى neteller
ثانيا يجب ان يكون متوفر فى حسابك فى بنك neteller على الاقل مبلغ 20 دولار
حتى تستطيع ان تضيف حسابك البنكى الى نتلر
كيفية إضافة حسابك البنكي الى نتلر
اولا عليك بالدخول الى حسابك فى بنك نتلر عن طريق هذا الرابط.
بعد ذلك من القائمة الجانبية أنقر علي كلمة MONEY OUT ومن ثمّ تنتقل إلى صفحة السحب وستجد من الإختيارات الموجودة Bank Account.
عند ذلك قم بالنقر على Add now حتى تتمكن من اضافة الحساب البنكي الي Neteller كما هو موضح في الصورة التالية.
بعد ذلك تظهر لك صفحة اضافة الحساب البنكي وبالطبع الدولة تظهر تلقائياً والمطلوب منك هو رقم الايبان IBAN الخاص بحسابك الذي ستستقبل عليه الأموال.
وهذا الرقم هو الذى تحصل عليه من البنك عند فتح حسابك سواء جارى أو توفير أو أى نوع.
كذلك مطلوب منك إضافة رقم السويفت كود SWIFT الخاص بالبنك وتذكر دائما السويفت كود يكون بالاحرف الانجليزية الكبيرة.
وتستطيع الحصول على هذه المعلومات بسهولة من البنك عند فتح حسابك أو الإتصال بخدمة عملاء البنك الخاص بك.
بعد ذلك قم بالتأشير على المربع الصغير والذي تؤكد فيه أنك صاحب الحساب البنكى الذي تريد إضافته.
وبعد ذلك قم بالنقر على كلمة Add bank account كما هو موضح فى الصورة التالية.
تهانينا بذلك تم اضافة الحساب البنكي إلى حسابك في نتلر بنجاح يرسل لك بنك Neteller رسالة إلى بريدك الألكترونى تفيد بذلك.
ملاحظة مهم عند اضافة الحساب البنكي إلى نتلر
في معظم الأوقات وليس دائماً قد يطلب منك بنك Neteller تحميل كشف حساب مصرفي لإكمال عملية التحقق من حسابك البنكى.
بنك Neteller يقبل إضافة أى حساب بنكي طالما أنه حساب حقيقي وصحيح ولكن بخصوص مصر فإن هناك مشكلة عند السحب من Neteller إلى الحساب البنكي في مصر.
هذه المشكلة تخص النظام المصرفي في مصر وليس بنك نتلر لذلك أُنبه وأُشدد على أن لا تضيف ولا تسحب علي حسابك البنكي في مصر.
لأنه سيتم رفض إستقبال الأموال على حسابك وقد يطلب منك البنك إثباتات وتوضيحات أنت في غنى عنها.
أخيراً إذا كان الموضوع قد افادك فنرجوا مشاركته عبر ايقونات مواقع التواصل الاجتماعي ليستفيد الجميع.
كذلك إن كان هناك اى استفسار فلا تتردد في الكتابة في مربع التعليقات وسنقوم بالرد عليه ونشره ان شاء الله.
والتأكد من الرد على تعليقك قم بالتأشير على المربع قبل الضغط على إرسال التعليق.
مواضيع ذات صلة
طريقة التسجيل في بنك neteller بالنظام الجديد
تفعيل الحساب بالوثائق فى بنك نتلر بالتفصيل
شرح اعداد الاسئلة السرية فى بنك neteller
تحويل الاموال من حساب لاخر فى بنك neteller
شحن حساب neteller عن طريق skrill
مراسلة الدعم الفنى فى بنك neleller
اكتشاف المزيد من فوركس عرب اون لاين
اشترك للحصول على أحدث التدوينات المرسلة إلى بريدك الإلكتروني.
هل عملیه اضافه الحساب البنکی وکشف الحساب ؟ سوف تفعل حساب نتلر حتی من دون الهویه او جواز السفر
لا يا استاذة منى
يجب التفعسل بالهوية او جواز السفر
سوال لو سمحت دلوقتي انا ليه حساب في بنك اسكندرية ومعاية كريدت كارت هل ينفع اشحن بيها نتلر وسحب عليها ولو سحبت علي حسابي البنكي دولار وانا حسابي بالمصري ايه الي هيحصل؟ ارجو الرد
استاذ معتز
لا يمكن استخدام اى فيزا فى مصر لشحن اى بنك الكترونى مع الاسف
لكن يمكنكالتعامل مع الوسطاء الماليين
ويمكنك التواصل معى على رقم 01067711929
السلام عليكم اخي الكريم
عندي سوال من فضلك
من وين اجيب كشف الحساب البنكي لنتلر
من البنك الموجود فى بلدك اخى ويكون لك حساب فيه
كمثال البنك الاهلى المصري او بنك مصر
اولا شكرا كثيرا للاهتمام و الرد اخي الكريم
و ان لم يكون لدي حساب في البنك الموجد في بلدي اخي الكريم
كيف يمكنيني ان ارسل المال من حسابي في نتلر الى حسابي في Paysera
عن طريق الوسطاء استاذ ذياد
و اين و كيف اجد هذا الوسطاء
و شكرا مسبقا لسعة صدرك
الوسطاء المعتمدين فى البنوك الالكترونية
السلام عليكم
انا عندى سؤال انا حاولت اضيف حسابى البنكى فى نتلر بس وانا بضيفه مش لاقى عملة الحساب بالدولار
انا حسابى فى نتلر بالدولار وحسابى البنكى بالدولار بس بعد ما دخلت السويفت وكل البيانات مش لاقى عمله حساب بالدولار دى مشكله عندى ولا نتلر مفهوش اصلا سويفت الدولار ؟؟
ولو دخلت كل البيانات صحيحة بس العمله غلط حيعمل مشكلة فى التأكيد ؟؟
اسف على ازعاجكم ومستنى الرد
شكراً
استاذ محمد جمال
فيه بعض الدول بنك نتلر مش بيحول لها بالدولار منها مصر
لذلك انته مش هتلاقى عملة الدولار فى الخيارات
دا السبب مش غلط فى اى شىء
ضيف عملة اليورو او الجنية الاسترلينى حسي الحساب
طب انا لو ضيفت البيانات صح السويفت واسم البنك وكل البيانات وغيرت فى عمله الحساب عملتها يورو بدل دولار وتم التحويل حيوصل بانى عمله ؟؟ ولا مش حيوصل خالص ؟؟
ولو حولت بقى الى سكريل ومن سكريل سحبت حخصر العمولة من نتلر الى سكريل بس ؟ على اساس ان سكريل مش بيفرق معاه عمله السويفت وانت بتضيف البنك مش كدة ؟؟
اشكرك على الرد السريع واسف لو بطول على حضرتك
البنك هيرسل لك على الحساب اللى انته ضفته بغض النظر عن العملة
ودا يرجع الى البنك المستقبل فمثلا بنك qnb لو جات حولة على حسابك بغير عملة الحساب بيفتح لك حساب تلقائى
بنك القاهرة بيتصل بيك ويبلغك ان فيه تحويل وصل على الحساب اما انه يتغير لعملة الحساب اللى هى الجنية او تتحول الحوله على الشباك وتصرفها
بنك زى البنك الاهلى بيرجعها للمرسل
بخصوص العمولة فى التحويل الى سكريل هى 1.99 % على اى مبلغ
معلشى سؤال تانى
انا دلوقتى حسابى فى البنك الاهلى المصرى بالدولار وزى ما انت قولت البنك الاهلى ممكن يرجع الفلوس للخارج تانى او على اسوء الظروف حينزلها مصرى !!
سؤالى بقى ايه البنوك الالكترونية اللى بتتعامل بالدولار مباشرهً ؟؟؟
وبنك سكريل لو فتحتلوا حساب باليورو مش حياخد اى عمولات تحويل من دولار الى يورو ؟
واخر سؤال بنك نتلر و سكريل عملتهم يورو مش كدة ؟؟
لكن بيفركت مونى و ويب مونى عملتهم ايه بقى ؟؟؟؟
شكراً
استاذ محمد جمال
اعتذر عن تاخرى فى الرد لانى كنت مسافر فى اجازة
مفيش بنك الكترونى اعرفه بيحول لمصر بالدولار جايز بيرفكت وويب مونى
وبخصوص بنك بيرفكت وهو المفضل عندى حسابك لما تفتحة هيكون بعملة الدولار وعملة اليورو والذهب كمان ثلاثة فى حساب واحد
ودا شرح التسجيل فيه بالصور والفيديو
http://forexarabonline.com/perfect-money/
اما ويب مونى فممكن تفتح حساب باليورو او حساب اخر بالدولار وكل حساب منفصل ودا شرح لفتح الحساب
http://forexarabonline.com/registration-webmoney/
تقبل تحياتى
حمدالله على السلامة الاول
طب بقول لحضرتك انت بتقول انك بتفضل بيرفكت مونى علشان بيتعامل بكذا عمله
معنى كدة انك ممكن احول من بيرفكت مونى بالدولار ؟؟
وبيرفكت مونى ينفع يستقبل من نتلر ؟؟
وبيرفكت مونى ينفع يتشحن عن طريق الفيزا ؟؟ علشان انت عارف ان اغلبية شركات الفوركس بترجع الفلوس للمصدر اللى مشحون منه
معلشى اسأله كتير بس شكراً لاجاباتك
استاذ محمد جمال
المشكلة مش فى بيرفكت مونى او غيره
المشكلة فى ان الارسال لمصر باليورو ودسياسة التعامل مع مصر من البنوك الالكترونية
وبيرفكت مونى مينفعش يستقبل من نتلر انما يستقبل من اى شركة فوركس
وفى مصر مفيش فيزا تشحن اى بنك الكترونى بعد قرار البنك المركزى
الحل فى التعامل مع الوسطاء المعتمدين
تقبل تحياتى
انا قصدى على كشف حساب الى عتقدمة لنتلر ( نتلرباليورو وحساب بنكى بدوﻻر )وحضرتك كنت قليل ان ﻻزم يكون نفس العملة
الغرض من كشف الحساب اثبات السكن
وطبعا من الافضل انه يكون بنفس نوع العملة اللى هتسحب بيها
طب مشكلة ان انا عامل حساب نتلر باليورو وحساب البنكى بالدوﻻر فى الحل اية
حسب البنك اللى هتسحب عليه فمثلا
فى بنك القاهرة كنت بسحب من سكريل باليورو على حسابى بالجنية وكانت الحوالة توصل وانا اصرفها من الشباك
وفيه بنك زى qnb لو حوالة وصلت بعملة غير عملة الحساب فالبنك بيفتح لك حساب بالعملة الجديدة تلقائى بدون الرجوع ليك وبيبلغك وانته تروح تسحب من الحساب الجديد
وفى بنك مصر دفتر التوفير الدولارى لما بتفتحه بتطلب منهم ان اى حوالة باى عملة غير الدولار لو وصلت على الحساب تتحول الى دولار وبتمضى طلب بكده
الموضوع كله بيرجع للبنك
هل يمكنني ان استقبل راتبي من الشركة التي اعمل معها على حسابي على نتلر ؟؟ ارجوكم افديدوني
هذا يرجع الى موافقة الشركة وان كانت تسمح بذلك او لا
ولا يرجع الى بنك نتلر
ممكن سؤال: أنا عندي حساب في بنك QNB بالجنية المصري، وأنا الآن هقوم بتحويل مبلغ من حسابي في نيتلر علي حسابي في بنك QNB، سمعت أني البنك أول لما بيتحول علي حسابي بالجنية المصري دولار أو اليورو، البنك علي طول بيفتح ليا حساب جديد بالعملة الاجنبية التي تم تحويلها، هل هذا صحيح؟
نعم هذا صحيح استاذ خالد
السلام عليكم …. شكرا لجهودك العظيمه معانا وارجو الافاده لو سمحت واسف للازعاج ….
دلوقتي في بنك القاهره هفتح ان شاء الله حساب باليورو علشان استقبل عليه من نتلر طيب لو هعمل ايداع لحسابي الدولاري في نتلر هيبقا ازاي ؟ بمعنى كدا عاوز حساب بالدولار في بنك القاهره غير حساب اليورو ؟؟
سؤالي التاني لو سمحت … نتلر هيستقبل من شركة الفوركس اموالي بالدولار سواء راس مال او ارباح … بعدين لما يحولهم لحسابي في بنك القاهره فهيحولهم باليورو … التحويل دا الي تم في النهايه من دولار ليورو … فيه خساره ليا ولا تفرق ازاي ؟؟
سؤالي الاخير واسف على الاسئله الكتير … مختلف التحويلات الي بتتم من او الي بنك القاهره ونتلر .. هل في عائق ممكن يحصل من اي جهه مسؤوله من البنك المركزي او غيره ولا عادي ؟؟؟ المهم اتجنب و اعرف اي حاجه ممكن تعيق سحبي او تضيع ايداعي ؟؟؟؟
شكرا شكرا شكرا وارجو الافاده للضروره
م , اسلام
تحت امرك فى اى وقت مفيش ازعاج
اولا لشحن نتلر فيه بدائل كثيرة منها الوسيط المعتمد والسعر تقريبا بيكون اقل من التحويل البنكى بدل ما تفتح حساب بالدولار فى بنك القاهرة وممكن يرفض التحويل الى نتلر او يحجمه
لكن فى الاستقبال من نتلر على بنك القاهرة تختلف طبعا مفيش اى مشاكل والتركيز دايما بيكون على عملة الدولار وبخصوص الاستقبال نتلر بيحول الدولار الى يورو حسب سعر الصرف العالمى مش الاسعار فى الدول المختلفة
ومستقبلا ان شاء الله لن تجد عوائق ابدا فى الاستقبال باليورو من نتلر على حساب بنك القاهرة
تقبل تحياتى
شكرا بجد لاهتمامك وسرعة الرد ولو تسمحلي التمس منك اجوبه من منطلق خبرتك وتجربتك وجزاك الله خير ان شاء الله …
تحويل نتلر من دولار ليورو بعد كدا انا هحول من يورو لجنيه مصري … عمليه التحويل دي مقارنتا بعمليه التحويل من دولار لجنيه … ايه الفرق من حيث العائد عليا على العموم ولا الاتنين واحد في النهايه ؟ وهل هستفاد صح لو باليورو وسهل عليا تداول اليورو وتحويله ؟
بالنسبه للوسيط الي حضرتك بتقول عليه … دا مين وفين ؟ وهل مش هحتاجله غير بس اول مره عشان افعل حسابي في نتلر ولا عشان ايه ؟
ممكن اسال لو على اساس وضع تاني بمعنى اني ممكن افتح حساب CIB .دولار واستخرج بطاقه شراء فقط من الانترنت بحيث اني اشحن بيها في اي وقت حساب نتلرا زي م حضرتك شرحت قبل كدا احسن من الوسيط مثلا. ……. وسحبي من نتلر هيكون عن طريق تحويلات نتلر لحساب CIB ؟ او ممكن بدل CIB استخدم بنك القاهره
بسمع بردو عن البطاقه الماستر الي بيبعتها بنك نتلر … دي فائدتها قي ايه ؟دي ممكن استفاد منها بسحب او ايداع من ماكينات ATM وماستر التابعه للبنوك العاديه ؟
انا بس بحاول لاحسن واريح واامن وضع في التعاملات الماليه ؟ وشكرا جدا لحضرتك …
م. اسلام
عند التحويل من نتلر الى حساب بنك القاهرة انته بتستلم باليورو وتغير من اى مكتب صرافة لانه اعلى من البنك بكتير
بخصوص الوسطاء المعتمدين دى مقالة باسماء الوسطاء المعتمدين ووسائل الاتصال بهم وعناوينهم
http://forexarabonline.com/certified-financial-brokers/
بخصوص cib علشان تفتح حساب بالدولار فهم بيطلبوا مبلغ اعلى بكتير جدا من اى بنك اعتقد انه اكثر من الف دولار انما فيه عندهم ماستر كارد للتعاملات على النت اسمها ترافلى تشويس بس هى اتحجمت بقرار من البنك المركزى واصبح التعامل 300 دولار فقط فى الشهر
تقبل تحياتى
شكراً على الشرح الوافى و أصبح موقعكم وجهة محببة لى .
أتمنى لكم التوفيق و جزاكم الله خيراً
هذا شرف لنا استاذ محمد ان ننال ثقتك
تقبل تحياتى
ايه علاقه كشف الحساب بآني اودع في حساب نتلر عن طريق حسابي اللي بالمصري
انا عايز اودع في حساب نتلر وعايز اعمل تحويل بنكي من حسابي اللي في QNB الي خساب نتلر
هل هينفع وهل هيبقي فيه رسوم تحويل
طبعا ينفع واكيد فيه رسوم تحويل ودى مقالة عن رسوم التحويل فى نتلر
http://forexarabonline.com/neteller-deposit-withdrawal-fee/
لو سمحت انا كنت بودع بكريدت كارد بنك الCIB
دلوقتي نتلر رافض الايداع مره اخر هل ديه تعلميات من البنك المركزي
وهل حد جرب يعمل ايداع عن طريق تحويل البنكي من حسابه الشخصي الي حسابه في نتلر وهل لازم يبقي عندي حساب بالدولار عشان احول لنتر بالدولار
وشكرا
بنك نتلر محدد مبلغ الايداع من اى فيزا او ماستر كارد فان كان الاجمالى تخطى ماحدده نتلر يوقف الايداع
تقبل تحياتى
لو سمحت انا الكارت بتاعي من بنك الcib لما فتحت حساب في نتلر وجيت اودع الرسوم الي هي ٥ ذولار و٣ دولار اللكارت الافتراضي قبل واودع
جيت تاني اودع بنفس الكارت العمليه مش بتتم عرفت انه تعليمات البنك المركزي تقريبا
فهنا انا عرفت اني لو حولت من الحساب البنكي نتلر مش بياخد رسوم
بس كنت عايز اعرف البنك بياخد فلوس كام للتحويل علي حساب نتلر لو هحول مثلا ١٠٠ دولار
وعايز اعرف لحد امتي مش هيقبل الايداع من الكريدت كارد بتاعتي
وشكرا جزيلا
برجاء ارسال نسخه من الرد علي الايميل لاني لسه جديد علي المدونه وبفتح الميل دايما عشان المعلومه توصلي علطول
اجابة سؤالك عن رسوم نتلر ستجدها بالشرح المفصل هنا
http://forexarabonline.com/neteller-deposit-withdrawal-fee/
هل يمككنى ان اربطه بحساب ببنك القاهره مع العلم ان الحساب بالمصرى
الحساب هيتربط لكن اى عملية مش هتم لان العملية مربوطة بعملة غير عملة الحساب
الافضل انك تفتح حساب توفير باليورو بمبلغ 5 او 10 يورو فى بنك القاهرة
اريد اعرف هل شركة الفا شركة نصابه ام كويسه وهل لديها تصريح ام لا
واحسن 4 شركات للتعامل ماهي
برجاء ارسال رابط الشركة التى تريد السؤال عنها
وبخصوص افضل الشركات هذه مقالة بافضل شركات الفوركس
http://forexarabonline.com/best-forex-brokers/
اولا شكرا لادارة الموقع علي الشرح الجميل دا
ثانيا
انا عندي حساب بالدولار فى بنك cib فى مصر هل فى حالة تحويل مبلغ مالي من حسابي فى نتلر الي حسابي فى cib هقدر اسحبه دولار من البنك ولا هيكون يورو ولا البنك هيرفض
بنك cib من البنوك المحترمة واللى اعرفة لو ان التحويل وصل حسابك باليورو البنك هيفتح لك حساب جديد باليورو تلقائيا وهتستلم باليورو
شكرا لرد حضرتك
ان اتصلت ب cib وخدمة العملاء قالي ان حسب عملة حسابي بسحب بس المشكلة هنا مش في cib المشكلة في نتلر
نتلر عند ربط حسابك بحسابك البنكي بيطلب منك عملة حسابك البنكي وانا عملة حسابي في ال cib دولار وهو مش جايب الدولار في الاختيارات هل لو انا اخترت اليورو هيتم ربط الحساب عادي ولو تم هل عند السحب هينفذ العملية ولا هيرفض لان عملة حسابي فى الاصل دولار
استاذ محمد
سياسية بنك نتلر وبنك سكريل مع مصر انه مفيش تحويل بالدولار والتحويل يكون باليورو ففيه حل من اثنين انك تسال cib لو التحويل وصلك باليورو بتستلموه وتفتحوا حساب باليورو ولا لا
ان كان فيبقى خير وبركة تعمل تحويلك عادى وان ماكنش افتح عندهم حساب باليورو او افتح فى بنك القاهرة حساب توفير باليورو ب 10 يورو بس زى ما انا عملت مع بنك القاهرة
انا فعلا سالت في ال cib والرد كان ان مفيش مشكلة يوصلي تحويل باليورو بس السحب هيكون بالدولار اللي هي اصلا عملة حسابي في ال cib
اللي انا عايز اعرفه بخصوص نتلر عند ربط حسابي في نتلر بحسابي البنكي نتلر بتطلب كسف حساب لحسابك البنكي في مصر وبالتالي هيظهر في كشف الحساب ان عملة حسابي البنكي هو الدولار في الحالة دي نتلر هيوافق يحول الفوس باليورو علي حسابي في ال cib ولا هيرفض لان عملة حسابي في ال cib دولار
اخر حاجة واسف علي الاسئله الكتير بخصوص بنك القاهره الحد الادني لفتح الحساب هو 10 يورو ولا اكتر وهل لو معنديش ايصال مرافق يثبت عنواني الحالي البنك ممكن يقبل بكشف حساب من cib مثبوت فيه عنواني
بنك نتلر يقبل كشف الحساب بالدولار ولكن علشان تكون فى الامان اكتر خليك مع بنك القاهرة
اولا مفيش حد ادنى لفتح حساب توفير باليورو انا عن نفسى فاتح الحساب ب 10 يورو ثانيا كل المطلوب فى فتح الحساب هو بطاقتك الشخصية ولما تيجى تعمل كشف الحساب اكتب لهم الاسم والعنوان اللى انته كاتبة فى نتلر بالضبط علشان تكون مريح دماغك
وتحت امرك صديقى