الرئيسية / البنوك الالكترونية / سحب الاموال من skrill الى الحساب البنكى

سحب الاموال من skrill الى الحساب البنكى

خطوات سحب الاموال من skrill الى الحساب البنكى قد يعتقده البعض انه من الامور الصعبة

ولكن هل تعلم انك بامكانك فعل ذلك حتى بدون تفعيل الحساب فقط قم بالتسجيل فى بنك سكريل .

فى هذة المقالة سنشرح بالصور خطوات سحب الاموال من skrill الى حسابك فى البنوك العادية

مثل بنك القاهرة فى مصر او الراجحى فى السعودية اولا يجب عليك

ان تضيف حسابك البنكى الى سكريل ومن هنا  طريقة اضافة الحساب البنكى الى Skrill

وسنطبق شرح طريقة سحب الاموال من skrill على حسابى الخاص فى بنك القاهرة بجمهورية مصر العربية

وما ينطبق عليه ينطبق على اى بنك فى العالم الا ان العملة التى تصل فى مصر هى اليورو حسب سياسية البنك مع مصر حتى ولو كان حسابك بالدولار

طريقة سحب الاموال من skrill الى الحساب البنكي

قم بالدخول الى حسابك فى بنك سكريل

وستجد على اليمن رصيدك فى بنك سكريل وستجد اسفلة ايقونة withdraw قم بالضغط عليها كما فى الصورة التالية

سحب الاموال من skrill

سيدخلك بنك سكريل الى صفحة الخطوة الاولى من عملية سحب الاموال من skrill الى حسابك البنكى

 كما فى الصورة التالية وانتبه جيدا لما فى الصورة

سحب الاموال من skrill

وترى فى الصورة اسم البنك ورقم الحساب وستجد رسوم التحويل والتى اصبحت الان 4.41 دولار

وذلك عن اى مبلغ قل او كثر سيتم تحويله وستجد مدة التحويل من 2-5 يوم عمل

 اخيرا اكتب المبلغ المراد تحويلة واضغط على Continue بعد ذلك سيقوم البنك بادخالك الى صفحة مراجعة بيانات التحويل كما فى الصورة التالية

سحب الاموال من skrill

ستجد فى صفحة المراجعة قيمة المبلغ ورسوم التحويل و رقم الحساب

وينبهك البنك انه سيقوم بعمل تغير العملة من الدولار الى اليورو حسب السعر العالمى للتداول

وبعد ان تتاكد من صحة بياناتك التى ادخلتها اضغط على confirm اسفل الصفحة

فيعيدك بنك سكريل الى صفحة الحساب الشخصى مع اشارة الى انه تمت عملية التحويل بنجاح كما فى الصورة التالية

سحب الاموال من skrill

التاكد من سحب الاموال من skrill

وحتى تكتمل عملية التحويل بنجاح تماما يرسل لك بنك سكريل رسالتان على البريد الالكترونى

 الاولى فى اقل من ساعة يخبرك بانك قمت بعمل طلب تحويل مصرفى من بنك سكريل الى بنكك الارضى وبها البيانات كما فى الصورة التالية

سحب الاموال من skrill

اما الرسالة الاخرى وهى الاهم فتصل اليك من يوم الى ثلاث ايام يؤكد لك فيها بنك سكريل انه قام بالتحويل المصرفى بالفعل

ويرسل لك البيانات كما فى الصورة التالية

سحب الاموال من skrill

 

بيانات مثل التاريخ واسم البنك والمبلغ ورقم التحويل وفى خلاث ثلاث ايام الى 5 ايام يتصل بك بنكك الارضى

 او قم انت بالذهاب اليه او اتصل بخدمة عملاء البنك الذى تتبعه حسب سياسة البنك فى بلدك

والافضل ان تذهب انت وستجد التحويل قد وصل ان شاء الله وتستطيع ان تسحب مبلغ التحويل باليورو او الدولار وليس بعملة دولتك

ومن الصورة التالية ستجد اننى قمت بصرف مبلغ التحويل باليورو من بنك القاهرة وقد وصل فى 4 ايام فقط من تاريخ السحب من بنك سكريل

سحب الاموال من skrill

انا قمت بهذه العملية 5 مرات وتم استلام التحويل بدون اى مشاكل فى بنك القاهرة بذلك نكون قد انتهينا من شرح

هذه طريقة سحب الاموال من skrill

 

افضل شركات الفوركس المرخصة من الهيئات الرقابية

 فتح حساب اسلامي مع  شركة  NSFX     

فتح حساب اسلامي مع  شركة  EXNESS    

 فتح حساب اسلامي مع  شركة FBS

 فتح حساب اسلامي مع شركة ICMarkets   

 

 

ان كان الموضوع قد افادك فبرجاء المشاركة عن طريق ايقونات مواقع التواصل الاجتماعى اعلى الصفحة ليستفيد منه الجميع

وان كان هناك اى استفسار فلا تتردد فى كتابته فى مربع التعليقات وسنقوم بالرد عليه ونشره ان شاء الله

ولتتاكد من الرد على تعليقك قم بالتاشير على المربعين قبل الضغط على ارسال التعليق كما هو موضح فى الصورة التالية

سحب الاموال من skrill

مواضيع ذات صلة

الوسيط المالى المعتمد لشركة FBS فى مصر

وسيط البنوك الالكترونية المعتمد فى موقع فوركس عرب اون لاين

شحن الحساب فى سكريل بالفيزا او الماستر كارد

شرح التسجيل فى بنك Skrill

شرح ارسال الاموال من حساب الى اخر داخل بنك skrill

تفعيل حساب skrill بالوثائق بالطريقة الصحيحة

اضافة حساب اليورو البنكى الى بنك skrill

اضافة الماستر كارد الى skrill بطريقة صحيحة

شحن حساب سكريل عن طريق بنك neteller

اضافة فيزا البريد المصرى لحساب skrill

السحب من skrill بفيزا البريد المصرى

كل ما تريد معرفته عن بنك neteller

كل ماتريد معرفته عن بنك webmoney

كل ماتريد معرفته عن بنك perfect money

كل ماتريد معرفته عن بنك payoneer

عن فوركس عرب اون لاين

حسام الدين مصطفى مؤسس موقع فوركس عرب اون لاين منتصف عام 2014 وسيط مالى ومودع محلي وشريك معتمد لأفضل شركات الفوركس المرخصة وحاصل على جوائز من عدة شركات اهمها EXNESS و FBS و NSFX

248 تعليق

  1. السلام عليكم انا دلوقتي عايز اعمل ايداع فى بنك سكريل هل اعمل حساب بنكى وبالجنيه المصرى وهو هيتحول لوحده بالدولار فى سكريل وهل لسه فيه تعامل مع البنوك الالكترونيه في مصر

  2. استاذ
    انا شاب يمني مقيم في مصر
    عايز افتح حساب في موقع iq option و أحول فلوسي
    على بنك اسكريل.حضرتك اقدر اتعامل معاك عشان اسحب فلوسي من اسكريل. شكرآ

  3. من فضلك هل عند استلام الحوالة بيسألك البنك عن مصدر الفلوس وتفاصيل شغلك خصوصا لو المبلغ كبير 100-400 يورو مثلا؟ وهل يمكن الاستلام من اي فرع ام فرع معين؟ وشكرا

  4. السلام عليكم
    لو سمحت انا بستقبل من الاميل بيانات انو انا تم ايداع في حسابك مبالغ معينة ولكن لا تظهر هذة المبالغ ولا استطيع استلامها ما هي الطريقة ارجوا التوضيح احينا في باي بال واحيانا في سيكرل علما بانة لدي حساب سيكريل وباي بال
    ويفيد لقد تم اعتماد حسابك في اوسيد ويوجد معرف المعاملة برقم كذا وكذا
    وشكرا لكم

  5. هو ممكن اسحب من الاسكريل الاموال الي حسابي في بنكQnp ولا هتترفض ارجو الاجابه قبل ما اسحب

    • استاذة اسماء
      البنوك فى مصر ترفض الاستقبال من البنوك الالكترونية وترد الاموال الى سكريل مرة اخرى وتستغرق هذه العمليه شهر بالاضافة الى ان الاموال سترجع ناقصة بسبب رسوم السحب والتحويل والارجاع
      لا تسحبى من سكريل على اى بنك فى مصر
      تقبلى تحياتى

    • سحبت مرتين ومفيش اى مشكلة تماما … وبنك اهلى كمان مش بنك خاص .. وفية ناس مجربة فيصل مفيش مشكلة تماما فى البنوك .. الفكرة بس ممكن تكون غباوة موظفين وروتين يرخموا مش اكتر جرب فرع محترم يكون الموظفين فية محترمين

  6. مرحبا انا عملت حساب في سيكرل وعملت تحويل لحساب ارضي وعندي . معرف رقمي انو تم تحويل مبالغ الي حسابك في سيكريل ولكن الحساب لحتي الان مفيش في اي مبلغ دي من اسبوع واكتر هل انتظر ام ان هناك طرقية لمعرفة الحساب مفعل ام لا وشكرا

  7. السلام عليكم

    ازاى اقدر استرد حوالة تمت من الفيزا بتاعتى لموقع فوركس وكان الوسيط هو بنك سكريل

    يعنى الحوالة تمت عن طريق سكريل و من حساب سكريل مش موجودة العمليه بس موجودة في حساب الفيزا ان الوسيط هو سكريل

  8. ابراهيم شهبوب

    استاذ حسام لوسمحت انا عندى استفسار للاسف انا لسه عارف من المنتدى المحترم أن البنوك المصرية مش بتقبل استلام الأموال من سكريل بس للاسف متأخر انا كنت عملت تحويلين من اسبوع الاول ب ٢٠ دولار والتانى ب ٥٠ دولار ولسه مفيش اى حاجه فى البنك وكل ما اسال يقولو مفيش حاجه جت كده بقى حضرتك رايك استعوض ربنا فى الفلوس لأنهم حتى لو رجعهوها يبقى مفيش حاجه هترجع لان حضرتك بتقول بيخصمو من ٥٠-٦٠ دولار ههههه صح الكلام وحسبى الله ونعم الوكيل فيهم

    • استاذ ابراهيم
      50 او 60 دولار دا فى المبالغ الكبيرة شوية فوق 500 دولار
      لكن لو لك دولار هيرجع لحسابك فى سكريل
      تقبل تحياتى

      • ابراهيم شهبوب

        استاذى الفاضل جزيل الشكر على اهتمامك بالرد
        بس هو فى استفسار كمان هو طبيعى ان الفرع بعد اسبوعين من وقت ارسال الحواله كل لما اروح فرع البنك الاهلى يقولو مفيش حاجه وصلت وماعندهمش اى فكره هى اترفضت ولا لا وكل اللى عندهم ان مفيش حاجه وصلت وابقى تابعنا وخلاص هل ده كده طبيعى مع الحولات المرفوضه ولا ايه

        وشكرا مقدما ياباشا

      • استاذ ابراهيم
        البنك الاهلى اسؤ بنك ممكن تتعامل معاه ومفيش بنك فى مصر بيستقبل الاموال من البنوك الالكترونية
        كل اللى فى يدك انك تتابعهم وتابع مع سكريل لان الحوله غالبا لما بتترد لسكريل بتاخد حوالى شهر
        تقبل تحياتى

  9. لو سمحت اخي الكريم عند التحويل من حسابي سكريل الى حساب سكريل لشخص اخر , هل تظهر معلوماتي الشخصية لدية مثل الاسم واسم العائلة ورقم الهاتف , ام فقط يظهر الايميل الخاص بي ؟

    واذا كانت الاجابة بظهور المعلومات الشخصية الكاملة .. هل يمكنني اخفائها عن المستفيد الاخر ؟

    وشكرا لكم

    • استاذ مناف
      عند التحويل من حسابي سكريل الى حساب سكريل لشخص اخر يظهر له اسم الراسل والبريد الالكترونى
      ولا تستطيع اخفاء هذه المعلومات فى سكريل فهى سياسة البنك
      تقبل تحياتى

  10. السلام عليكم
    عندي مشكله مش عارف احول من بنك CIB ل SKRILL OR NETELLEER
    ايه الحل

    • استاذ ياسر
      مفيش تحويل شغال بين البنوك العادية والبنوك الالكترونية من الاساس
      الحل هو ان تتعامل مع الوسطاء المعتمدين فى البيع والشراء وان شاء الله موقعنا يفيدك فى هذا الامر فقط اتصل على 01067711929 موبايل او واتس
      تقبل تحياتى

  11. لو سمحت انا عايز ابعت فلوس فى حسابي فى بنك سكريل على حساب والدي فى بنك اسكندرية لكن مش عارف الطريقة ايه ممكن شرح الخطوات بالتفصيل انا لما روحت البنك قالولي ينفع تحولهم على حساب والدك والموظف قالى يقريباً بياخدوا 2 دولار عمولة انا محتاج بس اعرف هبعتهم ازاى وايه المشاكل اللى ممكن تقابلنى عشان الحوالة ماتتردش تانى وبالتالى يتخصم تمن التحويل على الفاضي

    • استاذ محمد
      من حيث ماقاله لك موظفين بنك الاسكندرية فلا تصدقهم فهم ميعرفوش الا فى ماية البطيخ
      اولا يجب ان يكون الحساب باسمك فى البنك وليس باسم والدك علشان العملية لا تلغي
      ثانيا وهذا هو الاهم هو ان البنوك المصرية اصبحت لا تقبل الاموال المحولة من بنك سكريل او اى بنك الكترونى
      اخيرا تعامل مع وسيط مالى معتمد هذا افضل لك واسرع وايضا ومكسب لك واوفر لاموالك ولو اردت هذه تفاصيل
      الوسيط المالى لموقع الفوركس العربى اون لاين
      تقبل تحياتى

  12. اخي استاذ حسام ارجو مساعدتك
    انا أعمل في مجال الفري لانسر
    ومعي مبلغ حوالي 100 دولار
    ولا اعلم اي طريقه لسحبهم الي مصر كاش دولارات او اي طرق اخري
    فما الحل في الوقت الحالي للحصول علي المبلغ البسيط

  13. احمد محمد

    لو سمحت انا مليش اي حساب في بنك هل ينف احول علي فيزا مسبقه الدفع بنك الاهلي المصري

  14. السلام عليكم
    لو سمحت لو حولت دولارات علي مانيجرام مثلا ورحت بنك القاهرة استلمها او وسترن وبنك الاسكندرية لانو هو الوحيد الي بيتعامل معاهم هل هيسألوني مين الي باعتلك وايه مصدرها والكلام ده
    انا سمعات الكلام ده من بعض الناس ومش عارف مدي صحته

  15. السلام عليكم
    راسلت موقع Cex.io بخصوص التحويل لحساب بنكي ف مصر وده كان الرد
    please be informed that all our transactions is processing by a real bank not E bank . so your bank most possibly accept payment from our bank
    ايه رأي حضرتك ف الكلام ده ابعت علي حسابي ف البنك هنا ف مصر عادي ولا الفلوس هترجع برضو مع العلم ان الموقع ده موثوق وفي ناس اعرفها خارج مصر بتحول من عليه عادي جدا بس معرفش حد جرب من مصر

  16. السلام عليكم
    وجدت طريقة اخري غير التحويلات البنكية لبيع البتكوين مقابل وسترن يونيون ولكن بالاعتماد علي مواقع مثل (cryptex24) , (localbitcoin هل استطيع الوثوق بهذه المواقع وهل لكم تجارب سابقة معها

  17. احمد حمدي

    السلام عليكم
    انا عرفت من حضرتك ان البنوك المصرية مش بتستلم تحوبلات من سكريل او غيره فهل ممكن ابعت لصديق خارج مصر؟ مع العلم ان حساب سكريل باسمي وحساب البنك برة باسم صديقي
    مع الشكر

    • لا تفعل لا تفعل لا تفعل لا تفعل لا تفعل لا تفعل
      الحساب هيتقفل

      • احمد حمدي

        شكرا لك وبارك الله فيكم

      • –السلام عليكم ورحمة الله وبركاته

        كنت قد قرأت طريقة تحويل من سكريل الى الحساب البنكي وكان هناك استفساران :

        الاول :

        -بتاريخ 18-08-2015 قمت بعمل طلب سحب نقدي من حساب سكريل لحسابك في بنك القاهرة
        -ثم بتاريخ 19-08-2015 قام بنك سكريل بتأكيد تفاصيل المعاملة اللي تم طلبها انها تم التنفيذ وان الوقت المتوقع من يومين ألى خمس ايام عمل …

        هذا ما تم شرحه من طرفك .. صحيح وموثق بالصور .. فيكف كان ايصال الاستلام وهو السند الاقوى على استلامك المبلغ في 22-03-2015 ولا ده كان ايصال ثاني غير ايصال العملية اللي وضحت بياناتها … ( نرجوا الافادة والتوضيح )

        ثانيا : استفسار بخصوص عملية تحويل الاموال من حسابي في سكيلر لأي حساب بنكي اخر لا يحمل اسمي … لماذا سيتم اغلاق الحساب وعلى أي اساس تبني صحة المعلومة التي تزودني بها ( ارجو التوثيق بالمستندات او الصور الموضحة لصحة الاجابة )

        جزيل شكري وامتناني

      • اولا انا سحبت اكثر من 5 مرات من سكريل علي بنك القاهره والايصال كان واحد من هذه المرات
        ثانيا هذا السحب كان 2015 ولم يعدممكنا الان
        فمنذ بداية 2017 تم ايقاف التعامل في مصر مع البنوك الالكترونية
        تقبل تحياتي

  18. بعد الشكر علي الرد
    هل الشركات التي حضرتك رشحتها لي في ردك السابق تستلزم حساب بنكي الكتروني ام حساب بنكي في اي بنك في مصر ثانيا انا عملت حساب في اسكريل ولكن ظهرت لي تلك الرسالة please be aware that we longer accpect bank wire deposits or facilitate bank- wire withdrawals in us dollars وهل لايمكن تفعيل الحساب بالوثائق علي سكريل الا بعد ايداع اموال به وشكرا

    • اخى الكريم
      شركات الفوركس اللى رشحتها لحضرت تتعامل مع البنوك الالكترونية مثل البنوك العادية
      يعنى حضرتك تقدر تتعامل معها عن طريق البنوك الالكترونية فقط
      ثانيا هذه الرسالة مضمونها ان سكريل مش بيقبل التحويل البنكى له الا بعملة اليورو ودى مش مهمة بالنسبة لحضرتك عادى
      اخيرا يجب الايداع فى سكريل ولو خمسة دولار حتى تظهر لك علامات التفعيل
      تقبل تحياتى

  19. اولا شكرا علي الرد
    انا اريد من حضرتك عدة نصائح اولا هل افعل حساب علي skrill – payza ايهم افضل ايسر من حيث التعامل وهل يكفي التفعيل بوثيقة جواز السفر وفاتورة الكهرباء ام انهم وضعوا اشياء تامينية جديدة وانا فهمت من مقال لحضرتك (اثبات السكن في اسكريل بكشف حساب بنكي بعد التحديثات الجديدة ) ففهمت من ذلك انه لابد من يكون لدي حساب بنكي بالدولار او اليورو وانا اريد انا احوال اموال وقد فهمت انه ممكن من خلالكم ولكن ان ربحت فكيف اسحبها وانا اريد التداول علي موقع etoro ارجو النصيحة في كل ماسبق بوضع قدمي علي اول الطريق ولك جزيل الشكر والمعذرة علي الاطالة

    • اخى الكريم الافضل هو بنك skrill والافضل التفعيل بجواز السفر وطبعا فاتورة الكهرباء تكفى لاثبات السكن لكن يجب ان تكون باسمك
      وان شاء الله تستطيع سحب ارباحك عن طريقى او عن طريق غيرى من الوسطاء
      اخيرا لا انصحك بشركة etoro عليها شكاوى كثيرة
      انصحك ان تختار شركة من هذه الشركات
      افضل شركات الفوركس

  20. بعد التحية لك استاذ حسام
    انا كنت قرات التعليقات وفهمت ان موضوع سحب الفلوس سواء باليورو او الدولار من سكريل او payza موقوف حاليا هل امشي في احراءات فتح حساب بنكي بالدولار او اليورو في مصر ولا ملهاش فايده خلاص افعل حسابي علي سكريل او payza بطريقة المستندات وازاي هستلم فلوسي منهم ارجو منك الرد ولك جزيل الشكر

  21. مريم الجمل

    استاذ حسام ان قرأت المقالات بتاعت حضرتك وكمان كومنتات الناس و واضح ان حضرتك حد موثوق فيه جدا ياريت حضرتك تساعدنى فى حل مشكلتى وترد عليا على طول انا كان عندى باي بال بس مكنش متفعل ومكنتش ربطاه بحساب بنكى او بفيزا لأنى معرفتش اعمل لا ده ولا ده فا ياريت جضرتك تساعدنى انا من مصر ايه الفيزا اللى الباي بال هيقبلها او اعمل ايه انا حولت على حساب الباي بال اللى مش مفعل حولت عليه فلوس كتير من غبائى كده الفلوس راحت فين وهل لما افعله الفلوس هترجع ولا لأ والفلوس كده راحت فين ياريت حضرتك تساعدتى ومتخذلنيش وترد عليا انا عايزة اعرف افعل الباي بال ازاى وSKRILL كمان اسحب منه فلوسى ازاى بفيزا البريد المصرى ولا منعوها خلاص انا اسفة انى طولت على حضرتك بس ياريت ترد عليا

    • استاذة مريم
      عن تجربة شخصية تفعيل باى بال يتم بفيزا كريدي اجريكول وايضا بتسحبى من باى بال على هذه الفيزا
      المشكلة ان رسوم استخراج هذه الفيزا 5 الاف جنيه وتقدرى تقولى انهم مربوطين بالفيزا
      دى مقالة عن تفعيل باى بال بهذه الفيزا
      تفعيل باى بال بفيزا كريدي اجريكول

      بخصوص سكريل الموقع هنا يقدر يشترى من حضرتك اى مبلغ على سكريل بسعر كويس فقط اتصلى بنا على رقم 01067711929

  22. السلام عليكم ورحمة الله وبركاته أخي الكريم
    أقسم بالله أنت الشخص الوحيد الذي أثق به والذي عندي ثقة كاملة بأمانته ونزاهته
    أخي الكريم أنا أتعامل مع شركات الفوركس منذ حوالي 9 شهور وبعد جهود طويلة حققت أرباح والحمدلله وجمعت هذه الأرباح في Skrill
    والآن وبعد هذه الشهور مضى شهر كامل والله يشهد علي أنو شهر كامل ولم أستطع التحصل على ولا قرش حتى اللحظة
    والسبب هو في مشاكل مع سحب الأموال عبر التحويل البنكي أخي الكريم لقد أصابني صداع ولم أعثر لحل حتى اللحظة
    حتى خطر على بالي أن أشحن وسيط تداول بنقود ثم سحبهم عبر بنك محلي وهذا ما أنا أعمل عليه الآن لانه يعتبر الحل الوحيد المتاح لي حاليا
    فأخي الكريم هل تعتقد أن وسطاء الفوركس لا يقبلو بهذا الأمر ؟ (أن أقوم بإيداع عبر Skrill وسحب عبر Wire Transfer)
    أرجو أن تعطيني رأيك بهذا الأمر فأنا بحاجة ماسة لرأيك أخي الكريم
    أخي الكريم الحلول المتاحة لي هم (الوسطاء) إما وسيط تداول أو وسيط تحويل أموال وللتنويه البنك المحلي يقع خارج مصر للأسف
    فإذا كان لديك أي حلول أو إقتراحات الرجاء إخباري وجزاك الله كل الخير

    • استاذ لؤى
      ان كنت تقصد ان تقوم بالايداع فى وسيط تداول وهم شركات الفوركس ثم تسحب عن طريق Wire Transfer فلن تستطيع لان فى شركات الفوركس سحب اصل المبالغ يكون بنفس طريقة الايداع
      يمكنك ان تبيع مبلغ سكريل لاى وسيط وهو يدفع لك اموالك عن طريق التحويل البنكى او ان كان عن طريق الويسترنيونيون او المونى جرام
      تقبل تحياتى

  23. السلام عليكم أخي الكريم
    أنا حولت فلوس من سكريل إلى حساب بنكي , المشكلة اني ما كنتش عارف ان الحساب البنكي لازم يكون باسمي
    فانا ارسلت الفلوس لحساب صاحبي , البريد الاول وصل والتاني وصل , دلوقتي مضي 6 أيام على عملية السحب والبنك ما وصلوش التحويل و حساب سكريل ما فيهوش اي حاجة , مافيش لا رسالة ولا ايميل ولا أي حاجة خالص
    انا بعتت ايميل لفريق الدعم فسكريل وانا متوتر جدا المبلغ كبير اوي , واصلا المبلغ ده يعتبر دين وانا كنت بوفيه
    انا بحالة حرجة جدا جدا , لو سمحت حضرتك انا عاوز ردك عشان اطمن والنبي انا مش عارف الحل ايه
    يعني انا حخسر المبلغ ولا ممكن يرجعلي ؟ ولا ممكن يوصل للبنك انشاء الله ؟
    وشكرا للاجابة

  24. عامر شاكر

    السلام عليكم,,,
    بعد إذن حضرتك أنا عندي مبلغ على حساب skrill with euro هل في إماكنية أني أسحبهم مع العلم أن عندي حساب توفير فبي البنك الأهلي المصري.. وشكرا

    • استاذ عامر
      المشكلة ى البنك الاهلى وليس فى سكريل
      البنوك فى مصر بترفض الاستلام من سكريل او نتلر او اى بنك اكترونى وبتعمل ريفوند وفى الاخر انته بتخسر مبلغ من 40 الى 50 دولار او اكثر فى العمليه
      داغير انها بتوصل لغاية شهر على ما الاموال ترجع للمصدر مع الاسف

  25. مرحبا اخي انا مقيم في كوريا الجنوبية و قمت بعملية سحب من سكريل و وصلتني الرسلتين فيههم الكود ماذا افعل الان عندما اذهب الى البنك ماذا أقول؟

  26. السلام عليكم

    لو سمحت عملت طلب سحب من بنك اسكريل لحسابى فى البنك الاهلى وجالى الرسالتين

    بس دة رابع يوم عمل ولسه موصلش حاجه لرصيدى

    • المفروض تنتظر اسبوع او 10 ايام استاذ هيكل
      وادعى ربنا ان البنك الاهلى ميرفضش التحويل ويرجع الفلوس للمصدر وتخسر 40 دولار فى العملية

    • لا حيرجع تانى لانى نفس الموضوع حصل معايا من يومين و لغاية دلوقتى مش لاقى حل لاستلام فلوسى

  27. السلام عليكم السحب لسه شغال على بنك القاهره ولا وقفوا الموضوع ده ؟

  28. السلام عليكم وشكرا على الشرح التفصيلى
    حضرتك انا عندى حساب فى Skrill فيه مبلغ بالدولار وكنت عايز اسحب المبلغ ده ايه المطلوب عشان اعمل حساب فى بنك القاهرة باليورو ع اعرف اربطه بحساب Skrill ؟
    هل يمكن اكلم وسيط ياخد منى المبلغ الى فى سكريل و اقابلة اخد انا منه الفلوس بالمصرى وخلاص
    وشكرا

    • استاذ امير
      لم يعد بالامكان سحب اموال من سكريل او نتلر على البنوك المصرية فالبنوك فى مصر ترفض التعامل مع البنوك الالكترونية والعديد سحب اموال وتم ارجاع الاموال الى المصدر وخسروا ما يساوى 50 ال 60 دولار فى العملية الواحدة
      يمكننا فى الموقع سحب الاموال من سكريل عن طريق وساطة موقعنا برجاء الدخول الى هذا الرابط
      https://goo.gl/yDM161

  29. ابو احمد

    عندما اضيف حسابي في الراجحي لبنك Skrill هل يسحب رسوم مقابل ذلك ام لا؟

  30. حد ليه تجربة أو عنده معلومة عن بنك الامارات دبى الوطنى مصر فى استلام الأموال من سكريل ؟

  31. السلام عليكم
    هل ينفع استلم فلوس من skrill علي بنك فيصل الاسلامي واستلها بالدولار ول بردوا لازم يورو بس
    شكرا مقدما

  32. السلام عليكم ورحمة الله وبركاته ..
    شكرا جزيلا علي الشرح المفصل ده .. كان عندي استفسار من حضرتك وارجو الافادة
    انا عندي حساب مصري علي بنك مصر الاسلامي فهل في امكانية اني اربطه ب skrill واسحب فلوسي عن طريقه ؟ عارف اني لو عملت كده هتتحول في البنك لفلوس مصري صح كده؟ قصدي هل ينفع اعمل كده ولا لازم حساب باليورو؟
    ونصيحة حضرتك اربط skrill بحسابي في بنك مصر ده افضل ولا اعمل حساب في بنك القاهرة باليورو افضل؟
    معلش حاجة كمان لو حابب اعمل حساب في بنك القاهرة باليورو ايه الاجراءات والمبلغ المطلوب لفتح حساب.
    اسف جدا علي الاطالة ولكن الموضوع مهم جدا .. شكرا

    • استاذ احمد
      ملخص الرد على كل اللى قولته هو
      اعمل حساب توفير باليورو فى بنك القاهرة ب 10 يورو بس زى ما انا عملت
      وضيفة لسكريل واسحب من سكريل على هذا الحساب ويلزم البطاقة الشخصية فقط
      تقبل تحياتى

  33. ايمن مصباح

    السلام عليكم ورحمة الله وبركاته، لو سمحت انا أعمل على فري لانسر وعندي في حسابي مبلغ بالدولار، وكنت عايز أحولهم لأحد البنوك المصرية، فهل هناك بنوك تقبل ذلك من skrill، وخصوصًا بعد قرار البنك المركزي بتعويم العملة المصرية، وجزاكم الله خيرًا

  34. أنا عندي حساب دولاري في بنك مصر وناس قالولي انه ينفع استقبل عليه من skrill باليورو والبنك يحولهم بالدولار …هل الكلام ده صحيح…..وهل netrller يقبل ولا لازم حساب باليورو

  35. يا جماعه حصل معايا مشكله كبيره وياريت يا استاذ حسام تفيدنى بشكل تفصيلى … دلوقتى انا كان معايا مبلغ يورو كبير فى الحساب جيت اسحبه بليل اول رساله وصلت وتانى رساله استنيت انها توصل على الصبح وموصلتش لما دخلت تانى على الحساب لقيت التحويل البنكى مرفوض او كانسلد والفلوس رجعت الحساب تانى والحساب فى حاله تجمد يعنى مش عارف اسحب تانى او اودع او ابعت الفلوس لاى حساب تانى او اشحن نتلر حتى ف دلوقتى عاوز اعرف اعمل ايه الظبط مع العلم التحويل مطلعش من سكريل يعنى البنك ملوش دعوه بالموضوع خالص ياريت اى حد يفيدنى اعمل ايه بالظبط فى الحاله دى وشكرا ليكم .

    • اذا كنت لم تفعل الحساب يا استاذ محمد
      عليك بتفعيل الحساب لان الحد الاقصى الشهرى لك هو 1028 يورو تقريبا بعدها الحساب يوقف عن العمل حتى بداية الشهر الجديد
      ان كنت فعلت الحساب والاكونت مفيش فيه حد اقصى يبقى لازم تراسل الدعم الفنى
      وطمنى وصلت لايه يا استاذ محمد
      تقبل تحياتى

  36. كنت عاوز اعرف اذا السحب علي بنك القاهرة لسه شغال ولا فيه مشاكل هو كمان؟
    لانو qnb مش بيسحب

  37. حضرتك كاتب ان بطاقه بنك القاهره اتوقفت ده من امتى الكلام ده وهل انت تقصد الايزى كارت ولا بطاقات الائتمان

  38. مصطفى نور الدين

    السلام عليكم ورحمة الله وبركاته
    استاذي الفاضل انا عندي مشكله ومش عارف احلها ازاي
    انا من الاسكندريه وانا فتحت حساب جديد فى الفوركس
    واريد طريقة جي\ة وسهله للايداع والسحب
    وفتحت مؤخرا حساب فى بنك سكريل وقمت بتفعيل حسابي ببطاقة ماستر كارد نت من بنك cib وعند قيامي بالايداع اي مبلغ يعطيني رفض
    اريد حلا واي البنوك الافضل للتعامل معها
    بالله عليك اريد رد تفصيلي جدا جدا ولك منى جزيل الشكر

  39. وشغاله ولا لا السحب على بنك فيصل من سكريل الى فيصل

  40. هوه فيه مشكله على سكريل بالنسبه للتحويل الى البنك الارضى بنك مصر بالدولار ولا التحويل شغاله لان قفلو التعامل بالدولار ؟عاوز اعرف فيه مشكله ولا لا وهل حد جرب التحويل من يومين

  41. خالد جمال الدين

    طب ولو حسابك بالجنيه المصري ف البنك الأهلي وعاوز تسحب من حسابك ف اي بنك بالسعودية ايه الاجراء

  42. بعد اذن حضرتك هو الحساب لازم يكون بالدولار ولا حساب عادى بالجنيه المصرى ؟
    و رقم الحساب اللى بدخله فى سكريل هو الIBAN number ?
    و العموله هى 4.14 دولار على اى مبلغ مهما كان صغير او كبير ؟
    شكرا مقدما

    • استاذ كيرولس
      الحساب يجب ان يكون باليورو
      سكريل لا يعتمد على الاى بان انما السوفت كود ورقم الحساب فقط
      العمولة تقريبا 4.5 دولار على اى مبلغ
      المهم افتح حسابك فى بنك القاهرة حساب توفير باليورو هذا البنك الذى تعاملت معه بدون مشاكل
      تقبل تحياتى

  43. السلام عليكم … لو سمحت انا عملت سحب من سكريل للحساب البنكى بس الحساب البنكى باسم والدى فى مشكلة فى السحب يعنى ممكن ميوصلش؟

    • احتمال كبير ان التحويل يترفض
      عملة شخص قبل كده واترفض لكن جرب لو الموضوع نجح على البركة وعرفنا لو فشل لا قدر الله
      يبقى اتصل بالمسؤل عن الوساطة فى موقعنا اذا اردت ان تبيع هذا المبلغ فى سكريل
      التفاصيل فى هذه المقالة
      https://goo.gl/yDM161

    • اوعا تخاطر ابداااااااا وتسحب لان التحويل 100% هيترفض وهيرجع ناقص مبلغ حلو كمان والكلام دا عن تجربه مشابهة لتجربتك بص يا كبير الحل انك تفتح حساب فى بنك القاهرة باليورو ويفضل ان اسمك فى سكريل يكون رباعى او ثلاثى وبعد كدا اعمل التحويل وهيوصلك فى خلال يومين فقط

    • السلام عليكم يامحمد انا عملت بردة زى ماانت عملت وكان لى فلوس فى سكريل والحمد لله سحبتها النهردة بص ياسيدى انا ولدى لدية حساب بالدولار على بنك القاهرة انا بقى ربطت الحساب دة بسكريل جميل اسكريل كدة كدة بعت طبعا باليورو مش بالدولار زى منا كنت فاهم علشان حساب ولدى بالدولار وباسمة مش باسمى طبعا مش عتخش على الحساب اللى حصل بالظبطت اتصلت بسكريل وفتحت معاهم تيكت شكوى يعنى او زى ماتسميها بعتلهم اميل وقلتلهم انا لحد الان لم اسنلم فلوسى على الحساب واعطيتهم رقم المعاملة الناس تانى يوم بعتولى حاجة اسمها رقم مرجعية ” reference number ” قالولى اتصل بالبنك بتاعك وقولهم هذا الرقم وعتجد فلوسك انا اتصلت وفعلا اقولت للبنك طبعا بنك القاهرة الموظف عيعد يرغى فى كلام فاضى المهم قولتلهم على الرقم وقالى اه الفلوس موجودة واخذت منة رقم الحوالة لانها اتحولت على الشباك مش على الحساب بتاع ولدى فهمت رحت البنك على طول النهردة وذهبت الى خدمة العملا ادتهم رقم المراجعة وطلع الفلوس وقالى روح على الشباك واستلم هو دة اللى حصل معايا والله بس تصل بسكريل وقولة

  44. آنا شغال مصمم ..كنت عايز آشتغل فري لانسر ع النت ..هل الطريقه دي في سحب الفلوس لسه شغاله ، و بأي مبلغ؟ و آيه نوع الحساب اللي افتحوا في البنك لأستقبال الحولات فقط؟

  45. Mohamed El Badawy

    هى بطاقة فيزا بنك مصر وقفت التعامل مع سكريل و نيتلر؟ ؟ و هل مفيش وسيلة أخرى لشحن سكريل؟؟

  46. هل بطاقات بنك القاهرة تدعم سكريل او نتللر؟ حد جربها؟

  47. هل في مشكله تاني في سكريل

    • لا توجد مشاكل فى سكريل استاذ احمد
      ما سبب السؤال؟

      • بحاول اعمل ابلود من فيزا بنك مصر انترنت من يوم الخميس بيديني رساله الخطاء و كلمت خدمة العملاء بسأله عن رصيدي فقالي من نقسه ان سكريل و نتلر فيهم مشاكل فنيه في الموقع بتاعهم…

      • لا يا استاذ احمد مفيش مشاكل فنية
        فيه فيزا بنك مصر هى اللى بتعطل والمشكلة ممكن تكون فى سيستم بنك مصر

      • كان عمل نفس الحركه من 30-7 الي 5-8 اللي فات …بس في حد اشتغل معاه من يوم الخميس و الجمعه و السبت النهارده؟؟؟

    • في حد اشتغل علي سكريل من يوم 20 سبتمبر2016 الي اليوم ؟؟؟؟

  48. السلام عليكم…عندي مشكله ان عملت تحويل من سكريل الي حساب بنك مصر اللي بالدولار ووصلت الحواله الي مركز الحوالات في الفرع الرئيسي من يوم 4-9-2016 و لم تدخل الحساب و لما عملت شكوي اتصل الفرع الرئيسي بي في مفس اليوم و قالوا ان لازم اعمل اقرار صحة بيانات و فعلا عملت ده في الفرع اللي انا تابع ليه و اتبعت يوم 18-9-2016 لاكن برضوا لم تدخل الحساب و من يومها الي اليوم كل يوم اروح البنك و نحاول نتصل بالحوالات و لا يتم رفع سماعة التليفون لااجابه علي الاتصال و اتصلت بخدمة العملاء قالوا اعمل تعزيز للشكوي الاولي و بقالي يومين عامل التعزيز ده….و مش عارف مركز الحولات مش عايزين يدخلوا الحواله للحساب ليه مفيش حد حتي بيرد علي الاتصال عشان افهم ………اعمل ايه تاني ؟؟؟؟؟

  49. انا سألت النهاردة فى بنك القاهرة عن استلام الحوالة المرسلة باليورو على حسابى بالدولار فى البنك وقالولى ما ينفعش لازم يكون عندى حساب باليورو فى البنك عشان اقدر اسحب من skrill فياريت لو حضرتك عندك طريقة اقدر اسحب الفلوس بالدولار تقولى. شكرا

  50. قمت بالتحويل بنفس الخطوات من سكريل علي حسابي ببنك QNB وفي ثاني الايام وصلني رسالة من سكريل تفيد بانه تم رفض الحواله طبقا للسياسات الداخليه للبنك

    • اتصل بخدمة عملاء البنك وتاكد منهم لماذا تم الرفض وعلى فكرة فى زائر قالى نفس الكلام عن بنك QNB
      الافضل لك بنك القاهرة

    • مصطفي محمود

      نفس الشيئ حصل معايا في QNB

      انا فتحت حساب يورو في بنك القاهرة وبجرب بسحب 50 يورو.

      قمت بعملية السحب يوم الاحد 19-9
      وصلت الرسالة الثانية يوم الاثنين 20-9

      وانا في انتظار الحوالة.

      تابعني اخي.

      سؤال كم المبلغ الذي كنت تحوله وكم المبلغ الذي خسرته نتيجة رفض الحوالة؟

      • مصطفي محمود

        الحمد لله التحويل وصل اليوم.

      • مصطفى سعد

        النبلغ المسحوب 59 يورو كما قلت انت
        فما المبلغ المستلم اى الذى وصل الحساب؟؟

      • مصطفى سعد

        اقصد انت قلت انك سحبت 50 يورو فكم وصل المبلغ لحسابك ببنك القاهرة بعد العموﻻت المستقطعة ؟؟
        منتظر الرد

      • مصطفى سعد

        وما هى خطوات فتح حساب باليورو ببنك القاهرة وهل من ضمن هذه الخطوات ان اوقع على اقرارات معينة او طلبات معينة علشان التحويل من الخارج ومن مواقع الكترونية؟؟

        وما هى تكلفة فتح هذا الحساب ؟؟
        وشكرا لك

      • استاذ مصطفى
        فتح حساب باليورو فى بنك القاهرة حساب توفير والحد الادنى له من 5 الى 10 يورو هذا مافعلته انا
        ليس هناك اى اقرار او طلب توقعه

      • مصطفى سعد

        جارى فتح الحساب
        بس كنت عايز اعرف لما احول 100يورو من سكريل بيوصلوا للحساب اللى فى بنك القاهرة اللى باليورو بعد خصم عموﻻت وخلافه كاااام ؟؟؟؟
        واسف ﻻزعاجك بالسؤال

      • فى حدود من 90 الى 95 يورو لان سكريل ببياخذ 4.5 دولار على اى عملية سحب وتقريبا بنك القاهرة بياخد من 2 الى 4 دولار على اى استلام

      • شكرا استاذ مصطفى محمود
        وملحوظة
        مع لم يطلب اثبات محل الاقامة
        هذا يرجع من فرع الى فرع
        تقبل تحياتى

  51. استاذ احمد
    تغير العملة فى سكريل يتم بمراسلة الدعم الفنى فى سكريل وبيتم التغير دون تعقيدات بس بياخذ وقت
    ومفيش داعى لتغير الحساب البنكى المربوط بالاكونت
    تقبل تحياتى

  52. محمد سمير

    اريد تحويل اموال على حسابى فى اسكريل واقوم بتسليمه الاموال يد بيد فى القاهرة

  53. لو سمحت كنت محتاج اكونت دعم بنك نيتلر لان حاليا مفيش اى وسيله للتواصل معاهم خالص ولما بخش على الموقع مش بيظهرلى مكان مراسلة للدعم اطلاقا ف كنت محتاج اكونت الدعم المباشر ان امكن وشكرا

  54. ايه افضل طريقة للشحن غير كروت البنوك

  55. Mohamed El Badawy

    ممكن اعرف ايه أفضل بنوك ممكن احول عليه من سكريل غير بنك القاهره ؟؟

  56. استاذ محمد
    اعتذر عن تاخرى فى الرد لانى كنت مسافر فى اجازة
    التحويل ياخذ من 3 الى 5 ايام عمل ليس فيهم الالسبت والاحد
    اذهب لبنك القاهرة وابلغهم ان الحوالة على الشباك
    بنفس اللفظ وستجدها ان شاء الله ذلك لان التحويل على حساب بغير العملة والافضل انك تفتح حساب باليورو اللى التحويل هيجيلك عليه وبعد كده اسحب عليه
    تقبل تحياتى

  57. عملت تحويل من اكتر من 5 ايام عمل وحتى الان لم يصلني التحويل ولم تصلني الرسالة التانية وما وصلني هو الرسالة الاولى فقط فما هو السبب

  58. لو سمحت سكريل بعتلى رسالة الثانية فى اليوم التالى من سحب ومع ذلك لم يتم دخول الرصيد الى حسابى البنكى هل بعد رسالة ثانية انتظر من 2:5 ايام

    • طبعا استاذ احمد
      تنتظر من 3 الى 5 يوم عمل وفيه يومين اجازة فى البنوك يعنى اسبوع من الرسالة الثانية
      ويمكن يقل عن كده
      تقبل تحياتى

      • لو سمحت في مشكلة حصلت معايا شحنت اسكريل بفيزا بنك مصر بس المبلغ مدخلش اسكريل في مشكلة في الموقع .. بعد كام ساعة كلمت البنك قاللي الفلوس طلعت من الفيزا اشوف اسكريل مفيش فلوس دخلت حسابي في سكريل.. ايه الحل؟

      • استاذ احمد
        اعتذر عن تاخرى فى الرد لانى كنت مسافر فى اجازة
        يجب ان تراسل دعم سكريل فورا ولا تتعجل فان دعم سكريل غالبا يتاخر فى الرد
        ونصيحة لا تتعامل باى فيزا مصرية على سكريل او نتلر فقرار البنك المركزى اوقف التعامل بالبطاقات مع البنوك الالكترونية
        ولو سكريل قال مفيش حاجة دخلت حسابك من الفيزا يبقى سكريل اصدق من بنك مصر
        تقبل تحياتى

  59. انا كلمت خدمة العملاء مرة تانية وقالولي لو فاتح حساب بالدولار واتحولك عليه يورو راح يدخل في حسابك اوتوماتيك لدولار والاقرار ده بيتكتب فقط لو عايز ان لو اتحولك يورو تستلمه يورو

    ايه رايك في الكلام ده ياباشا ؟

  60. الفوكرس العربى اونلاين … ياريت تفيدنا يا فندم بخبرتك فى مسالة البنوك التى تتيح للعملاء التعامل مع البنوك الالكترونية بسهولة ومش شرط سكريل ممكن نتلر بردو … وبطلب من حضرتك لو معاك وقت فاضى تكتبلنا شرح تفصيلى عن البنوك المصريه التى تتيح التعامل مع البنوك الالكترونية بدون مشاكل ولحضرتك جزيل الشكر

    • استاذ محمد
      باختصار افضل بنك تعاملت معه هو بنك القاهرة يستقبل من نتلر وسكريل بسهولة وبدون اى تعقيدات لكن العملة اللى بيبعتها سكريل او نتلر الى مصر هى اليورو
      غير ذلك فهو افضل بنك ممكن تتعامل معاه

      • يا فندم انا اقصد فى الايداع او الابلود ايه افضل بنوك نتعامل معاها ؟

      • مفيش بنوك مصرية بعمل ايداع بالدولار فى سكريل او نتلر
        اسال فى بنوك CIB او QNP

      • مصطفى سعد

        لما تقوم بالتحويل من اسكريل مبلغ وبعد ما يخصم عمولة التحويل هل يصل المبلغ كما هو ام يتم اقتطاع عمولة من البنك الوسيط

      • استاذ مصطفى
        تصل بعد اقتطاع عمولة البنك الوسيط ان كان هناك بنك وسيط
        يهمنى ان يصلنى المبلغ وهذا يحدث بالفعل

      • مصطفى سعد

        انا جربت وبعت حوالى 19 يورو بعد طبعا خصم سكريل الثابت
        وصلوا للبنك فى مصر 8 يورو
        اتصدمت
        ولما سألت موظف البنك قاللى دا خصم البنك الوسيط
        ولو كدا اسال الدعم فى اسكريل لو ليهم بنك بمصر بيتم التعامل معاه دون وسيط علشان العموﻻت دى
        فإيه ﻻايك فى الكﻻم دا؟؟؟

      • استاذ مصطفى
        مبغ 19 يورو هيتخصم منه زى مبغ 190 يورو
        كلما كان مبغ السحب كبير تكون العمولة اقل
        بنك سكريل بياخذ 4.5 دولار او مايساويها باليور على تحويل اى مبلغ
        كذلك البنك المستلم
        فعلى سبيل المثال ان كان لك حساب فى بنك القاهرة باليورو ووصل تحويل على حساب اليورو يدخل الى حسابك بدون اى خصم او عمولة انما لو سحبت على حساب غير حساب العملة بتستلم مبلغ التحويل من الشباك ولكن توجد عمولة تقريبا من 2 الى 4 دولار على اى مبلغ
        تقبل تحياتى

  61. لو سمحت انا رحت بنك مصر وقلتلهم عايز افتح حساب بالدولار بس فيه استفسار هو فيه اقرار بيتمضي يخليني لو استلمت عليه يورو او جنيه استرليني تحول اوتوماتيك ف حسابي لدولار قالي لا الحساب الدولار يستقبل دولار فقط لكن ممكن تفتح حساب يورو ما بما يعادل 100 دولار قلتلهم بس انا سالت خدمة العملاء قالولي الاقرار ده موجود قالي ثواني بعدها قعد يدور في الكمبيوتر اللي قدامو قالي لا مفش كدا ياباشا

    • صديقى
      هو دا عيب البنوك المصرية نحن نعاى من تخبطهم
      اولا الحساب اسمة دفتر توفير دولارى ويسمح لك باستقبال اليورو او الاسترلينى على هذا الحساب ويتحول الى دولار فى حسابك
      ثانيا جرب مرة اخرى فى فرع اخر وياريت يكون الرئيسي فى بلدك
      تقبل تحياتى

      • عارف ياباشا انه اسمه دفتر توفير دولاري وبيتفتح ب 100 دولار لكن قريت مقال ليك انه لازم امضي عل اقرار انه عندما يتحول لي يورو او اي عملة اجنبيه يقول البنك اوتوماتيك بتحويلها لدولار في حسابي ولا سيحدث مشاكل
        وهو ده اللي كلمته عنه وقالي مفيش حاجة اسمها كده

      • وهى دى المشكلة ان البنوك المصرية كل واحد فى فرع يقول كلام على الرغم من ان خدمة العملاء افادتك بما قلت لك
        جرب فى فرع اخر صديقى

  62. هل هناك مشاكل فى السحب من سكريل فى البنوك السعوديه؟ سمعت ان البنوك السعوديه تتحفظ على الاموال ؟ هل هذا صحيح ؟

  63. للاسف الحوالة تم ردها بخصم حوالى 40 دولار 🙁 دى اخر اخبار الحوالة وكان ليا استفسار بخصوص الفيزا اللى ممكن اشحن بيها سكريل او نتلر بليمت عالى لان حاليا فيزا العربى الافريقى مبقاش ليها لزمة …. يعنى بمعنى اخر ايه افضل بنوك بتدى ليمت عالى فى التعامل وفى نفس الوقت مش بتحظر التعامل مع سكريل او نتلر ارجو الرد سريعا

    • استاذ محمد
      من تجربة قرات عنها لشخص انه اتصل ببنك باى بال يسال عن افضل فيزا علشان مشكلة السحب
      فكان رد دعم باى بال ان فيزا كريدى اجرى كول ممتازة وليس بها مشاكل
      وبالتالى ما يصلح لبنك باى بال يصلح لبنك سكريل
      هذه تجربة لم اخضها بنفسى لكن اثق من قدم الخبر
      ومصدر الخبر هو هذا
      http://www.traidnt.net/vb/traidnt2653825/

    • لا حضرتك فهمت غلط انا مقصدش اى سحب انا بالفعل معايا فيزا على كريدى اجريكول بس ليها ليمت شهرى 100 دولار انا حضرتك اقصد ايه افضل بنك اعمل بيه ايداع على نتلر او سكريل بليمت عالى او بدون اى ليمت خالص حتى لو كريدت كارد

  64. هو لو سويفت كود اتكتب غلط فى تحويل لاموال اية الى بيحصل؟؟

  65. السلام عليكم
    انا اتصلت ببنك QNB وقالولي ان احنا اوقفنا التعامل واستلام الحوالات من بنك سكريل
    فهل نفس الكلام حصل مع بنك مصر او بنك القاهرة
    في حد استلم قريب علي البنكين دول ؟

    • استاذ جونى
      انا سحبت من سكريل على القاهرة عادى وانتظر منى فى اول الاسبوع القادم ان شاء الله مقالة فى السحب من سكريل على احد البنوك المصرية وبعملة الدولار وربنا ييسر لو تم هيكون الشرح مصور وبالفيديو

      • شكرا لردك الكريم
        هل تقصد بنك مصر حساب دولار ؟

      • انا كلمت خدمة عملاء بنك مصر مرتين علشان اتاكد قلتلهم لو حوالة وصلتني يورو علي حسابي اللي بالدولار هتتحول دولار ؟ قالولي لا يا افندم يا اما هتتوقف يا اما هتتحول مصري قلتلهم فيه اقرار تحويل بيتكتب قالولي لا مفيش

      • استاذ جونى
        والله انا لسه واصلنى التحويل امس سحبت من سكريل 100 دولار وسكريل اخد 4.40 دولار دخل حسابى 92 دولار وان شاء الله هتلاقى الشرح الليلة موجود بالصور
        بيختلف من موظف لموظف ومن فرع لفرع انا حسابى فى بنك مصر فرع الجمهورية بالمنصورة

      • طيب ليه حضرتك قالولي كده في خدمة العملاء هل ده غباء منهم ام هو فعلا كدا وممكن الفرع بتاعي يكون مش متاح فيه الخاصية دي ؟ والله انا محتار
        وبعدين سكريل حضرتك بيحول باليورو يعني لو سحبت دولار هياخدو علي التحويل نسبة يبقا ازاي مخدش منك حاجة واتحسب فقط عمولة البنك 3.6$

      • جونى
        اجمالى السحب بعمولة سكريل 104.4 دولار وما دخل حسابى هو 92 دولار نقول سحبت 100 دولار وبنك مصر خصم 4 دولار عمولة يعنى فيه 6 دولار راحوا فى عملية تحويل من دولار ليورو فى سكريل ومن تحويل اليورو الى دولار فى بنك مصر
        جايز يكون الفرع عندكم كده وجايز تخبط من خدمة العملاء لانى عند التحدث مع خدمة العملاء فيه واحد كان فاهم وفيه واحد ولا يعرف فى البرنجان

  66. انا اسف ده مش مكان استفساري,ارجو ان تسمحلي…ان شاء الله ناوي افتح حساب في شركة فوركس,بس مش عارف اختار كويس…ممكن تساعدوني شركه موثوقه سحب و ايداع سريع لاتماطل و لا تتلاعب ECN و طريقه التقاضي و ضمان حقوقي في حاله الاختلاف لا قدر الله…كنت زمان مع شركة الباري و اود المساعده و لو في بونص يكبر راس المال اللي بشتغل بيه من غير تعقيدات و شروط تعجيزيه في سحب راس المال و الارباح تحس فيها انهم بيعطوك البونص بشكل صوري و لا تستفيد منه في حقيقه الامر ..ان شاء الله ناوي اتوكل علي الله و افتح حساب بحوالي 500دولار الي 800 او 900 دولار علي حسب ما اقدر ادبر من راس مال,عشان كده بدور علي بونص يكبر راس المال بس من غير تعقيد وجع دماغ…..
    اسف علي الاطاله و اسف تاني ان ده مش مكان السؤال…..شكرا لمساعدتكم,جزاكم الله خيرا

  67. السلام عليكم
    هل تصلح الفيزا لتحويل الاموال ام يلزم حساب بنكى ؟

    • استاذ احمد
      اذا كنت من مصر فلن تصلح الفيزا انما هو الحساب البنكى فقط
      انتظرنى فى مقالة هذا الاسبوع او الاسبوع القادم ان شاء الله للسحب من سكريل بالدولار وليس باليورو على حسابى البنكى
      تقبل تحياتى

  68. هو الارسال بيبقا نظام حوالة ولا على الحساب فى البنك
    ولو عندى حساب بال جنيه ينفع يحولى الفلوس عليه
    انا حسابى على البنك الاهلى المصرى

    • الارسال بيكون على الحساب البنكى استاذ احمد
      ولو حسابك بالجنية بيكون التحويل متعلق على الشباك فى بعض البنوك وتصرف باليورو
      الافضل فتح حساب باليورو علشان يدخل مباشرة على الحساب

  69. السلام عليكم
    انا حطيت اسحب على حسابي في QNB ALAHLI حسابي بالجنية المصري هما قالولى مش محتاج اعمل حساب لان لو جالى تحويل بعملة اجنبية بيتفتح اوتوماتيك
    فهملت سحب مرتين و فشلوا و بيقولولى اتاكد من بيانات حساب البنك
    ممكن مساعدة

  70. لسه عامل ابلود و فشلت المحاوله!!المشكله ان محدش عارف ايه اللي بيحصل..كلمت بنك مصر قالي مفيش اي مشاكل مع سكريل و نتلر…كلمت سكريل بيقول مفيش مشكله مع بنك مصر و مره يقول دا لازم تستني 24 ساعه و متنفعش برضوه و بعدين واحد تاني يرد و يقول استني للاسبوع الجاي و لما باتصل باستني علي الانتظار اكتر من 23 دقيقه كل مره …يعني اشحن ب 80 جنيه عشان اطلب منهم يحلوا المشكله و لا بيفيدوني بشيء…
    مفيش بنك تاني زي سكريل كويس و ممكن نشحنه بالفيزا و نسحب منه علي بنك ارضي زي بنك مصر اسكندريه…الخ؟؟؟؟؟
    ياريت يا ادمن تدلنا علي بديل…لان كده سكريل بقي فاشل …ولا ايه؟؟ دلوني علي بديل يشحن بالفيزا و نسحب منه علي بنك مصر او اسكندريه…
    شكرا

    • يا استاذ احمد المشكلة فى مصر مش بنك سكريل
      قرار البنك المركزى وقف كل شىء وخدمة العملاء بيقولوا اى كلام علشان يحسنوا شكل البنوك المصرية ويرجعوا يقولوا لك دى اشاعه
      الحقيقة الوحيدة المثبتة ان قرار البنك المركزى اوقف تعامل اى فيزا اى كان نوعها مع البنوك الالكترونية

      • كلام حضرتك مضبوط لقد تم ايقاف التعامل مع البنوك الالكترونية من قبل البنك المركزي وده من خدمة العملاء في اكثر من بنك بتعامل معاهم زي المصرف المتحد

        وكذا واحد اعرفهم معدش عارف يشحن رصيده في سكريل بسبب القرار

      • الحمد لله رب العالمين…بفضل الله عملت ابلود…و سحب ايضا…الحمد لله رب العالمين

      • ما هى نوع البطاقة استاذ احمد

      • نوع البطاقه …انترنت بنك مصر…اسف للتأخير

      • شكرا ليك محمد ولو سمحت عرفنا مصاريف استخراجها كام والليمت بتاعها كام دولار

      • بعد التحية
        لقد قمت بسحب 1550 دولار من سكريل
        و قاموا بتحويل العملة من الدولار الي اليورو داخل سكريل و كان 1350 بدلاً من 1398 علي اساس ان
        EUR = 1.147664 USD
        يعني وخدين اكتر من 45 يورو + 4 يورو مصريف التحويل دة طبيعي ولا ايه

      • نعم هذا طبيعي استاذ فادى

    • يا استاذ احمد ياريت بعد ازنك ترد علينا ضرورى بخصوص فيزا بنك مصر … دلوقتى لما حضرتك جيت تعمل ابلود فى الاول والايداع اترفض كان ايه سبب الرفض ؟؟ وكان ايه حل المشكله ؟؟ دى لان بعد متابعة التعليقات اتضح لينا ان حضرتك حليت المشكله دى ف بالتالى قدرت تعمل ايداع …. ف هل نقدر نعرف كانت ايه المشكله مع بنك مصر وازاى حضرتك قدرت تتغلب عليها ؟؟ وشكرا ليك

  71. انا اسف للمره التالته علي التوالي بس حبيت انقل ليكوا المكالمه مع خدمه عملاء بنك مصر حااااااااااالا ::سألتها بشكل مباشر هل التعامل مع البنوك الالكترونيه و خصوصا سكريل و نتلر تم وقف التعامل و حظر التعامل من البنك المركزي؟؟قالت لالالالا مفيش الكلام ده و علي العموم لو في حاجه كده هينزل تعميم في ايميل مباشر و مكتوب بيتوزع علي العاملين في البنك و استني برضوه هسألك المسؤل عن الكلام ده مباشره…(استني شويه علي الانتظار)بعدها قالت لالايافندم مفيش الكلام ده و دي اشاعه زي كان في اشاعه برضوه من فتره ان البنك هيوقف جميع الكروت بره و جوه بس دي اشاعات و كويس انك اتصلت بالبنك المصدر للفيزا عشان تاخد المعلومه من مصدرها من غير اشاعات..فيزة حضرتك شغاله يا فندم و ارجوك ما تسمعش غير من المصدر بنفسك من غير وسطاء بينكم…
    علي الكلام ده مفيش مشاكل في بنك مصر لاكن المشكله في موقع سكريل.شكرا

  72. نفس اللي حصل معايا و سكريل يقول استني 24 ساعه و بعدها الاقي نفس المشكله موجوده…اخر مره قالولي في سكريل استني للاسبوع الجاي….هيعمل كلير للهيستوري…بس كلمت بنك مصر قالولي الفيزا ليس فيها شيء و اشتري و استخدمها في اي موقع هتشتغل معال مفيش حظر علي مواقع معينه….ده يوم 31-7-2016

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.